dëgjoni

Korrespondentët e Radios së Jashtme të Kinës njoftuan se më 24 qershor, u hap në Muzeumin e Kryeqytetit në Pekin Ekspozita e arteve figurative sportive të Kinës. Veprat e ekspozitës pasqyrojnë plotësisht entuziazmin e artistëve kinezë për Lojërat Olimpike.

Në këtë ekspozitë janë vendosur 312 vepra të arteve figurative duke përfshirë skulptura, piktura me bojë vaji, piktura tradicionale kineze etj. Këto vepra u zgjodhën nga veprat e mijëra artistëve kinezë të mbarë vendit.

Kjo ekspozitë është një pjesë e rëndësishme përbërëse e Festivalit të 4-të të kulturës olimpike "Pekin 2008". Zhvillimi i kësaj ekspozite ka qëllim që të shfaqen kultura sportive kineze dhe magjia e Lojërave Olimpike.

Do të zhvillohet në Suzhou festivali i artit të operës Kun

Korrespondentja e Radios së Jashtme të Kinës njoftoi se nga 5 deri më 13 korrik të këtij viti, do të zhvillohet në qytetin Suzhou të Kinës jugore Festivali i tretë i artit të operës Kun i organizuar bashkërisht nga Ministria e Kulturës e Kinës dhe provinca Jiangsu. Qyteti Suzhou është vendlindja e operës Kun.

Opera Kun është një art i lashtë i operës i Kinës dhe ka një histori mbi 600-vjeçare. Në vitin 2001, opera Kun u përcaktua nga OKB-ja si trashëgimi jomateriale kulturore e njerëzimit.

Në këtë festival do të jepen shfaqje dhe do të zhvillohet simpoziumi ndërkombëtar i operës Kun.

Siç bëhet e ditur, edhe trupa të operës Kun të ardhura nga SHBA-ja, Hongkongu dhe Tajvani do të japin shfaqje në festival.

U mbyll Festivali i 9-të ndërkombëtar i filmit i Shangait

Gazeta kineze "Beijingqingnianbao" njoftoi se më 25 qershor, u mbyll në Shangai Festivali i 9-të ndërkombëtar i filmit i Shangait. Filmi evropian u bë fituesi më i madh i çmimeve të festivalit.

Filmi "4 minuta" i regjisorit gjerman Kris Kraus fitoi çmimin e filmit më të mirë, ndërsa regjisorja e filmit francez "I djeguri" Fabiene Godet fitoi çmimin e regjisorit më të mirë. Çmimet për aktorin më të mirë dhe aktoren më të mirë u morën përkatësisht nga aktori francez Olivier Gourmet dhe aktorja belge Els Dotermans. Krahas këtyre, filmi "I djeguri" fitoi edhe çmimin e skenarit më të mirë. Filmi italian "Tokë" dhe filmi i Zelandës së Re "Mbretëresha e lumit" fituan përkatësisht çmimin e fotografisë më të mirë dhe çmimin e muzikës më të mirë.

Festivali ndërkombëtar i filmit i Shangait u krijua në vitin 1993. Deri më sot, ky festival ka tërhequr mbi 3800 filma të mbi 60 vendeve e rajoneve të botës. Çmimet e festivalit u përcaktuan nga komisioni vlerësues e përzgjedhës i përbërë nga artistë të filmit të ardhur nga vende të ndryshme të botës. (Fani)