dëgjoni

Këto ditë në fragmentin Badaling të Murit të Madh Kinez?turistët jo vetëm mund të shohin panoramën madhështore të Murit të Madh, por mund të ndiejnë shpresën dhe entuziazmin e pekinasve për Lojërat Olimpike 2008. Më 23 qershor në orën 10 paradite, këtu u hap Festivali i 4-t i Kulturës Olimpike "Pekin 2008". Do të dëgjoni reportazhin lidhur me këtë.

Të shoqëruar me zërin e zjarrtë të daulles e të gongut dhe me këngë e valle folkrorike, u hap Festivali i 4-t i Kulturës Olimpike "Pekin 2008". Sipas rregullave përkatëse të Komitetit Olimpik Ndërkombëtar, qysh nga viti 2003 Pekini filloi të organizojë një herë në vit Festivalin e Kulturës Olimpike. Festivali i këtij viti filloi më 23 qershor dhe do të mbyllet më 15 korrik, gjithësej 23 ditë. Gjatë festivalit, në Pekin do të organizohen 28 aktivitete të mëdha rreth kulturës olimpike. Pala organizatore e festivalit ka përcaktuar temën kryesore e këtij festivali si "Ndiejnë qytetërimin dhe gëzojnë së bashku Olimpiadën". Për të theksuar pjesëmarrjen masive të publikut, aktivitete të festivalit do të zhvillohen njëkohsisht edhe në qytetet Qingdao, Tianjin dhe Shangai, ku do të zhvillohen garat e lundrimit* dhe të futbollit të Lojërave Olimpike të vitit 2008. Drejtori i drejtorisë së aktiviteteve kulturore pranë Komitetit Organizativ të Lojërave Olimpike të Pekinit, z. Wang Ning tha:

"Olimpiada është një çështje e madhe e njerëzimit të kohërave moderne. Nëpërmjet këtyre aktiviteteve kulturore olimpike, i gjithë populli do të ndiejë konceptin e Olimpiadës dhe të gëzojnë së bashku shpirtin olimpik. Prandaj gjatë këtij festivali, do të kemi një aktivitet edhe në krahinat perëndimore të Kinës."

Ky festival përfshin disa pjesë kryesore, si kultura sportive masive, ekspozita, arti i invalidëve, aktivitete të të rinjve dhe të fëmijëve, etj., duke marrë parasysh publikun në shtresa dhe mosha të ndryshme.

Në ceremoninë e hapjes në fragmentin Badaling të Murit të Madh Kinez, një pikturë* kolosale me gjatësi prej 2008 metra tërhoqi vëmendje të turistëve. Kjo pikturë është vizatuar bashkarisht nga afro një milion fëmijë të 200 qyteteve kineze, duke shprehur shpresën e tyre për Lojërat Olimpike.

Drejtori i Drejtorisë së aktiviteteve kultorore pranë Komitetit Olimpik të Lojërave Olimpike të Pekinit, z. Wang Ning shprehu mendimin se gjatë 4 vjetëve Festivali i Kulturës Olimpike është frytdhënës. Ai tha:

"Mund të themi se i kemi lënë lëvizjes olimpike trashëgimi të pasur. P.sh. "Sheshi kulturor olimpik" është bërë një markë e njohur dhe mirëpritet nga masat popullore. Nëpërmjet këtij aktiviteti, publiku ka fituar shumë njohuri. Java ndërkombëtare e sportit e Pekinit, që filloi qysh nga viti i kaluar, ka luajtur gjithashtu rol të madh nxitës për përhapjen e shpirtit olimpik."

Në fakt, qysh nga viti 1896 kur filluan Lojërat e Para Olimpike Moderne, Olimpiada nuk është kufizuar vetëm në konkurrencë dhe shkëmbime sportive dhe në vende e sportistë pjesëmarrës, por shërben si një pritje e madhe kulturore e qytetit dhe vendit organizativ dhe bile, e gjithë botës. Kinezët dhe veçanërisht pekinasit i afrojnë gjithnjë e më shumë kësaj pritje të madhe. Në ceremoninë e hapjes së festivalit, një vullnetare me emrin Liu Chang i tha korrespondentit:

"Duke ecur nëpër rrugë e rrugica të Pekinit, mund të shoh buzë rrugës pllakat reklame dhe parulla që kanë lidhje me Olimpiadën. Nga kjo atmosferë i ndiehen hapat e Lojërave Olimpike drejt nesh. Gjatë këtij festivalit, shumë aktivitete organizohen edhe në lagje, si koncerte dhe filma sportiv të shfaqur jasht dhe një aktivitet ecjeje me 10 mijë veta. Dua të marr pjesë në këto aktivitete në lagje, përreth meje. "(Wang Lei)