dëgjoni

Ju flet Radio e Jashtme e Kinës, të dashur dëgjues, mirë se na dëgjoni përsëri në programin e sotëm muzikor. Unë jam Afërdita. Në programin e sotëm, kam kënaqësinë t'ju prezantoj një album të ri të këngëtarit të njohur të Hongkongut të Kinës, Liu Dehua, atë me titull "Vazhdoj të të dua ".

Kënga që jeni duke dëgjuar titullohet "Urojmë të fitoni sa më shumë para" dhe këndohet nga Liu Dehua.

Pas suksesit të albumit "Thuaj të dua edhe një herë", të prodhuar në gusht të vitit 2005, Liu Dehua nxori në treg në fund të vitit 2005 një album të ri të titulluar "Vazhdoj të të dua", në të cilin përmblidhen 13 kolona zanore të disa filmave dhe këngë të reklamave.

Kënga që po dëgjoni tani është kënga e parë e albumit të ri dhe mban po të njëjtin titull me atë të albumit, "Vazhdoj të të dua". Kjo është një këngë romantike, frymëzuar nga një ndodhi e lashtë kineze. Kënga këndohet në tre versione të ndryshme, një version është R&B, një tjetër me shoqërim të piano-s, i cili njëkohësisht edhe është kolona zonare e filimit "Thuaj të dua edhe një herë".

Versioni që po dëgjoni tani është versioni i tretë i këngës dhe përmban karakteristika të këngës kombëtare të Kinës, e shoqëruar nga orkestra e madhe kombëtare kineze. Ju ftojmë ta dëgjojmë së bashku!

Liu Dehua jo vetëm është një këngëtar i talentuar, por edhe është një yll i madh në qarqen e filmit të Hongkongut. Që nga filmi "Pa fund fare" deri tek "S'ka hajdut në botë", me interpretimet e tij të shkëlqyera, ai fitoi admirimin e panumërt të shikuesve. Në këtë album të ri, ai rikëndoi kolona zanore të disa filmave, me zërin e tij magjik ai u dha këtyre këngëve një ndjenjë të re. Tani, ju ftojmë të dëgjoni kolonën zanore të filmit të "Pa fund" dhe atë me titull "Atë ditë".

Kënga që po dëgjoni tani është kolona zanore e filmit "Ëndrra e bukur, dashuria e sinqertë", të kënduar dhe aktruar nga Liu Dehua. Në këtë këngë, ai u bën thirrje dëgjusve të përballen me gabimet e tyre dhe të trajtojnë mirë të afërmit e miqtë dhe ta shijojnë dashurinë.

Në albumin e ri përmblidhen gjithashtu edhe katër këngë reklamash. Në fund të programit, ju ftojmë të dëgjoni këngën me titull "Do të të dua".