Tani po përdoren gjerësisht satelitët e prodhuar së bashku nga Kina dhe Brazili për zbulimin dhe studimin e burimeve natyrore të rruzullit tokësor dhe po u ofrojnë shërbime Kinës dhe vendeve përkatëse në hetimin, zhvillimin, shfrytëzimin dhe administrimin e burimeve territoriale. Në rubrikën e sotme "Ekonomia kineze" do t'ju flas për hollësirat në këtë drejtim.

Sateliti i zbulimit dhe studimit të burimeve natyrore të Tokës mund të zbulojë përbërjen e shtresave të tokës dhe burimet nëntokësore që nuk mund të shihen me sy, mund të kontrollojë dhe të matë burimet pyjore, detare, ajrore etj. dhe të paralajmërojë fatkeqësitë e rënda të natyrës. Qysh nga vitet '90 të shekullit të kaluar, Kina dhe Brazili, dy vendet e mëdha me burime natyrore, filluan të studiojnë dhe prodhojnë satelitë të tillë. Në vitin 1999 Kina dhe Brazili lëshuan satelitin Nr 1, pas 4 vjetëve sateliti Nr 2 e zëvendësoi me sukses satelitin Nr 1 dhe tani po punon normalisht në hapësirën kozmike. Lidhur me këtë i dërguari i Ambasadës së Brazilit në Kinë z. Edson Monteiro tha:

"Ky bashkëpunim ka bërë që Brazili dhe Kina të kenë teknologji të lartë, të forcojnë aftësinë e tyre të mbikqyrjes së problemeve të mjedisit dhe të fatkeqësive. Ky mjet i mirë aplikues në shumë drejtime ka rëndësi të madhe në plotësimin e kërkesave të zhvillimit të dy vende tona."

Sateliti kino-brazilian Nr 2 vëzhgon ditë e natë rruzullin tokësor dhe transmeton nëpërmjet sistemit me shpejtësi të madhe të dhënat në stacionin marrës në tokë, duke përpunuar dhe trajtuar në figura dhe materiale të tjera. Shefi i Qendrës së aplikimit të satelitit të Kinës z. Guo Jianning u shpreh se në krahasim me satetilin Nr 1, sateliti Nr 2 është më i mirë dhe u ka ofruar konsumatorëve të ndryshëm të dhëna të vazhdueshme, të qendrueshme dhe të sigurta.

"Cilësia e satelitit Nr 2 është përmirësuar dhe niveli i trajtimit të figurave është ngritur. Të gjitha provincat dhe qytetet e Kinës kanë përdorur të dhënat e këtij sateliti."

Siç mësohet, tani të dhënat e transmetuara nga sateliti Nr 2 përdoren gjerësisht në bujqësi, pylltari, në ekonominë ujore dhe në fusha të tjera të Kinës dhe është arritur efektivitet i dukshëm shoqëror dhe ekonomik. P.sh., në fushën bujqësore ky satelit përdoret kryesisht në hetimin e sipërfaqeve të mbjella me kultura bujqësore, në mbikëqyrjen e rritjes dhe në parashikimin e prodhimit të tyre etj. Shefi i Qendrës së telezbulimit të provncës Shanxi në veri të Kinës z. Li Venke tha se gjatë 6 vjetëve të fundit, ata shfrytëzuan shumë të dhëna të marra nga sateliti në fushën bujqësore. Ai tha:

"Të dhënat e satelitit kino-brazilian janë më të lira se të dhënat e satelit francez SPOT dhe satelitit amerikan TM dhe mund t'i marrim këto të dhëna me saktësi, në kohë dhe me efikasitet."

Kina shfrytëzon të dhënat e satelitit kino-brazilian edhe për pjesëmarrjen aktive në objektet ndërkombëtare të hetimeve të burimeve ujore dhe tokësore. Disa vjet më parë Komisioni ekonomik dhe social i Azi-Paqësorit të OKB-së nisi objektin e "Administrimit kompleks të burimeve ujore dhe tokësore të zonave të thata dhe gjysmë të thata" dhe kishte shpresë se nëpërmjet këtij studimi do të ngrihet aftësia e vendeve të zonave të thata kundër thatësirës. Studiuesi i Institutit Kërkimor të telezbulimit aplikues pranë Akademisë së Shekncave të Kinës z. Van Changyao kujtoi se në këtë objekt morën pjesë edhe Koreja e Veriut, Mongolia, Kazakistani, Uzbekstani, Pakistani etj. Të dhënat e satelitit kino-brazilian u përdorën në Kinë për klasifikimin e tokave, të figurave etj. dhe u arritën një sërë suksesesh, që u vlerësuan gjerësisht nga vendet pjesëmarrëse.

Tani, të dhënat e satelitit kino-brazilian kanë luajtur një rol gjithënjë e më të dukshëm edhe në mbikëqyrjen e fatkeqësive, në planifikimin urbanistik etj. P.sh., në qershor të vitit 2004, në zonën kufitare kino-indiane ndodhi rrëshqitja e tokës që tërhoqi vëmendje të madhe te qeveritë e dy vendeve. Kina bëri zbulime dhe paralajmërime me të dhënat e satelitit mbi zonën e fatkeqësisë. Z. Wei Chengjie që mori pjesë në këtë punë i tha korrespondentit dhe këto të dhëna luajtën një rol të rëndësishëm në punën e parandalimit të përmbytjeve dhe të pakësimit të fatkeqësisë të të dy vendeve.. Ai tha:

"Me të dhënat e satelitit Nr 02 mbikëqyrëm në mënyrë të vazhdueshme dhe dinamike liqenin e krijuar nga rrëshqitja e tokës dhe shpjeguam hollësisht, me 7 raporte, procesin e gjallë para dhe pas shkatërrimit të këtij liqeni."

Në të njëjtën kohë, nëpërmjet shumë të dhënave të grumbulluara me këtë satelit Kina analizoi dhe studioi cunamin e vitit të kaluar në Oqeanin indian dhe rezultatet e studimit ua ofroi vendeve dhe rajoneve përkatëse. Shefi i Qendrës së aplikimit të satelitit për zbulimin e burimeve natyrore të Kinës z. Guo Jiannin tha se duke filluar nga prilli i këtij viti të dhënat e satelitit kino-brazilian u janë shpërndarë falas krahinave të mbarë vendit, në mënyrë që njerëzit t'i shfrytëzojnësë bashku ato. Kina ua ofroi të dhënat përkatëse edhe Malaizisë, Vietnamit, Iranit dhe vendeve të tjera. Z. Guo tha se edhe komuniteti ndërkombëtar tregon vëmendje gjithnjë e më të madhe për këtë satelit. Ai tha:

"Në arenën ndërkombëtare njerëzit tregojnë interes shumë të madh për të dhënat e satelitit kino-brazialian, tani Kina ka planin fillestar që brenda këtij viti të zhvillojë eksperimente të marrjes dhe të shpërndarjes së të dhënave të satelitit kino-brazilian në Australi, Kanada dhe Norvegji."

Siç mësohet, tani Kina dhe Brazili po bashkëpunojnë për studimin dhe prodhimin e satelitëve Nr 3 dhe Nr 4 të funksioneve më të mira, të cilët do të kenë një përparim më të madh si nga niveli teknik ashtu edhe nga cilësia e transmetimit të të dhënave, potenciali dhe fusha e aplikimit të tyre do të jetë më e gjerë. (Pina)