Ju flet Radio e Jashtme e Kinsë Të dashur dëgjues, unë jam Pina, ju përshëndes nga Pekini. Në programin e sotëm muzikor do t'ju flas për interpretuesen e re kineze të veglës muzikore kineze Guzheng dhe meloditë e interpretuara prej saj.

dëgjoni

Të dashur dëgjues, melodia që po dëgjoni titullohet " Hëna mbi lumin Xijiang". Kjo melodi tradicionale me ritme të bukura dhe lirike, të freskëta dhe të lehta përshkruan natën e bukur kur hëna ndriçon dallgë të arta të lumit Xijiang

Interpretuesja mbi 30 vjeçare Fan Weiqing ka lindur në Pekin, në moshën 6 vjeç ajo filloi t'i bjerë veglës muzikore Guzheng dhe në moshën 10 vjeç ajo fitoi çmimin e parë në Festivalin kombëtar të fëmijëve për solo në veglat muzikore popullore. Në vitin 1991 u pranua në fakultetin e muzikës popullore të Konsevatorit Qendror. Pas mbarimit të studimeve ajo hyri në Orkesrën Popullore të Radios së Kinës si interpretuese solo. Më poshtë ju ftoj të dëgjoni melodinë "Agimi pranveror në malet me borë", të interpretuar prej saj në Guzheng. Kjo melodi përshkruan pezazhin e bukur të rrafshnaltës së Tibetit dhe tabllonë entusiaste të tibetianëve duke kënduar dhe vallëzuar, duke shprehur respektin dhe dashurinë e tyre për malet me borë dhe për lumin Yaluzangbu.

dëgjoni

Stili i interpretimit të Fan Weiqingut karakterizohet nga modestia, eleganca dhe ndjenja moderne. Ajo jo vetëm dallon me qartësi karakteristikat e grupeve të ndryshme në interpretimin e melodive tradicionale, por trajton bukur mjeshtrinë e interpretimit të melodive moderne. Ajo është e mendimit se si një interpretuese duhet të ketë stilin e vet, por duhet ta analizojë dhe ta njohë veprën nga një lartësi e aryeshme, për të shprehur me saktësi përmbajtjen e veprës.

dëgjoni

Të dashur dëgjues, melodia që po dëgjoni titullohet "Kthimi i peshkatarëve në muzg". Melodia përshkruan tabllonë e harreshme të kthimit të peshkatarëve me peshq në koshin, kur ka perënduar dielli, duke shprehur dashurinë e tyre për malet dhe lumenjt e atdheut.

Fan Weiqing ka dhënë shfaqje dy herë në pallatin e artë të Vienës bashkë me Orkestrën Popullore të Radios së Kinës, ku mjeshtria e e saj e lartë dhe forca e madhe shprehëse e muzikës u mirëprit ngrohtësisht nga spektatorët. Ajo dha shfaqje edhe në SHBA, Francë, Svicër, Gjermani, Belgjikë dhe në vende të tjera dhe arriti sukses të madh. Më poshtë do të dëgjojmë së bashku melodinë "Aroma e jaseminit" që interpretohet shpesh prej saj. Kjo melodi e rrjedhshme lirike e përpunuar në bazë të këngës së njohur të provincës Jiangsu "Jasemini" u këndon luleve të bardha dhe aromës së këndshme të jaseminit.

dëgjoni 

Gjatë 3 vjetëve të fundit, Kompania e përgjithshme kineze e disqeve ka nxjerrë çdo vit nga një album me melodi të interpretuara nga Fan Weiqing në Guzheng. Tani do të dëgjojmë së bashku melodinë tradicionale "Rosat luajnë në ujë". Nëpërmjet mjeshtrive të ndryshme të interpretueses, kjo melodi përshkruan skenën e gëzueshme ku luajnë disa rosa në ujë, në vjeshtën e thellë, duke shprehur dashurinë e njerëzve për natyrën.

dëgjoni 

Ju flet Radio e Jashtme e Kinës. Të dashur dëgjues, ju fola për interpretuesen e njohur kineze Fan Weiqing. Mirudëgjofshim të shtunën tjetër, në mikrofon për ju Pina.