dëgjoni

Përgatitja e Lojërave Olimpike të Pekinit 2008 ka gjetur përkrahje të plota nga qeveria dhe populli kinez dhe gjithashtu ka tërhequr vëmendje të gjerë nga e gjithë bota. Sipas parashikimeve të Komitetit Organizativ të Lojërave Olimpike të Pekinit, krahas nxitjes së ndërtimit të pallateve e stadiumeve sportive dhe të përmirësimit të mjedisit urbanistik, edhe përhapja e shpirtit për "Olimpiadën Humanitare" përbën përmbajtjen kryesore për punët përgatitore. Në aktivitetet e ndryshme, që kanë të bëjnë me "Olimpiadën Humanitare" nevojitet pjesëmarrja e gjerë të publikut. Për të tërhequr pjesëmarrjen e publikut dhe për të zgjeruar aftësinë ndikuese të Lojërave Olimpike të Pekinit, Komiteti Organizativ i Lojërave Olimpike të Pekinit shfrytëzon edhe "efektin e artistëve dhe sportistëve yje" dhe kështu lindi një "grup i yjeve kineze në ngritje të moralit dhe shpirtit të Olimpiadës".

Ky grup i ngritjes së moralit përfshin mbi 100 artistë dhe sportistë yje nga pjesa kontinantale e Kinës dhe nga rajonet të Hongkongut, Makaos dhe të Tajvanit. Objektivi i tyre i përbashkët është që duke shfrytëzuar aftësinë e vet ndikuese, të reklamojnë figurën e Pekinit, të zhvillojnë kulturën kineze dhe të përhapin shpirtin olimpik.

Anëtari ekzekutiv i Komitetit Olimpik Ndërkombëtar, nënkryetari ekzekutiv i Komitetit Organizativ të Lojërave Olimpike të Pekinit, z. Yu Zaiqing është i mendimit se krijimi i këtij grupi artistësh dhe sportistësh yje është në ngritje të moralit Olimpiadës dhe në shtim të ndikimeve të Lojërave Olimpike të Pekinit. Ky aktivitet do të ketë një efekt të mirë.

"Medoj se ky aktivitet do të ushtrojë një ndikim të madh në adhuruesit e këngëtarëve dhe të yjeve kinematografike. Veçanërisht pjesëmarrja e artistëve yje të rajoneve të Hongkongut, të Makaos dhe të Tajvanit, do të ndikojë në përhapje të frymës së Lojërave Olimpike të Pekinit edhe në mes kinezëve përtej detit."

Këta artistë yje janë të kënaqur të marrin pjesë në aktivitete lidhur me Lojërat Olimpike të Pekinit. Ky entuziazëm vjen jo vetëm nga patriotizmi, por edhe nga besimi i tyre se lidhja me Lojërat Olimpike të Pekinit do të ngrejë vlerat e tyre. Shumë artistë yje kanë shprehur se në kohën e angazhimit me punët e veta, do të marrin pjesë njëkohësisht me të gjitha mundësitë në përhapjen e Lojërave Olimpike të Pekinit. Ylli kinematografik i Hongkongut, Zeng Zhiwei tha:

"Do të jemi të zënë në dy vjetët e ardhshëm për Lojërat Olimpike. Çdo muaj do të ketë aktivitete të ndryshme, pra do të marrim pjesë sipas rradhës. Kush ka kohë të lirë, të marrë pjesë në aktivitet dhe do t'u bëjmë thirrje të huajve të vijnë në Pekin e të shohin se si organizon Kina Lojërat Olimpike. "

Në të ardhme grupi i ngritjes së moralit dhe shpirtit të Lojërave Olimpike të Pekinit do të bashkërendojë punët  me Komitetin Organizativ të Lojërave Olimpike të Pekinit për pjesëmarrje në aktivitete të përhapjes së Olimpiadës në anë kulturore, sportive, të mbrojtjes së mjedisit, të stafetës së pishtarit olimpik, etj. dhe në aktivitete të shkëmbimit kulturor e sportiv.

Yjet shprehën mendimin e përbashkët se Lojërat Olimpike 2008 janë një ngjarje e madhe për të gjithë kinezët. Përhapja e këtyre lojërave dhe paraqitja e shpirtit të kinezëve për Olimpiadën janë detyrime të pashmangshme të tyre. Këngtarja e njohur e pjesës kontinentale të Kinës, Cheng Fangyuan tha:

"Organizimi i këtij grupi në ngritje të moralit ka si qëllim tërheqjen e vëmendjes të sa më shumë njerëzve për Olimpiadën. Si një këngëtare, e njohur nga publiku, do t'i bëj thirrje publikut të përkrahë Olimpiadën, duke përfituar nga ndikimi im në publik."

Krahas pjesëmarrjes në aktivitete të përhapjes, artistët yje dhe veçanërisht ata të muzikës ngrejnë moralin e Lojërave Olimpike të Pekinit duke kompoyuar këngë me tema të Olimpiadës. Zj. Cheng Fangyuan, që sapo përmendëm, këndon së bashku me këngëtarë të tjerë një këngë për përhapjen e parullës së Lojërave Olimpike të Pekinit "Një botë, një ëndërr". Sipas statistikave të Komitetit Organizativ të Lojërave Olimpike të Pekinit, ndër afro 1 mijë vepra kandidate për këngën tematike të Olimpiadës së Pekinit, gjysma prej tyre janë kompozuar nga muzikantë profesionistë. Në bazë të vlerësimit të këtyre veprave, Komiteti Orgnaizativ do të përcaktojë më në fund këngën tematike fituese të Lojërave Olimpike të Pekinit 2008.(Wang Lei)