dëgjoni

Po zhvillohet në mënyrë të zjarrtë në Gjermani Kupa e Botës në Futboll. Megjithëse ekipi i Kinës i futbollit nuk fitoi të drejtën për pjesëmarrjen në finalet e Kupës së Botës, punonjësit kinez të futbollit nuk heqin dorë nga përpjekjet dhe po mundohen të mësojnë nga eksperiencat e ekipeve të fuqishme, duke shfrytëzuar rastin e mirë të Kupës së Botës. Do të dëgjoni tani reportazhin lidhur me këtë.

Në vitin 2002, ekipi kinez mori pjesë në finalet e Kupës së Botës në Futboll në Korenën e Jugut dhe në Japoni. Por në ndeshjet fillestare të rajonit të Azisë të kësaj Kupe të Botës, ekipi kinez u eliminua nga ekipi i Kuvajtit. Megjithatë, gjatë finaleve të Kupës së Botës Shoqata e Futbollit e Kinës planifikoi të dërgojë delegacion inspektimi prej 150 vetash, i cili do të ndahet në 6 grupe për të ndjekur nga afër me radhë lojërat e futbollit në Gjermani për inspektimin dhe vëzhgimin e kësaj Kupe.

Grupi i parë, i kryesuar nga nënkryetari i Shoqatës së Futbollit të Kinës, Yang Yimin, shkoi në Mynieh, Hamburg dhe në Nuremburg për të ndjekur përkatësisht ndeshjet Gjermani me Kosta-Rikën, Argjetinën me Bregun e Fildisht dhe Meksika me Iranin. Anëtari i këtij grupi, zv/drejtori i drejtorisë së ligave kineze, z. Ma Chengquan tha se pas vëzhgimit të këtyre 3 ndeshjeve grupore, ai ndieu thellë detyrën e madhe që i del përpara futbollit kinez.

"Nga këto ndeshje që pash dilte se jo vetëm është ngritur niveli i ekipeve të fuqishme të vendeve evropiane dhe të Amerikës Latine, por edhe futbolli i Afrikës ka patur përparime të dukshme. Lojërat Olimpike 2008 të Pekinit do të jenë një rast për të vënë në provë futbollin kinez. Ne duhet të kapim ngusht këtë rast dhe të punojmë si një ekip i prapambetur në futboll. Kështu do të kemi mundësi të përballemi me ekipet e fuqishme të futbollit në vitin 2008."

Gjatë vëzhgimit të ndeshjeve, anëtarët e grupit të inspektimit shënuan me seriozitet të dhënat e ndeshjeve dhe komentuan drejtimin atypëraty të ekpeve nga trajnerët. Kur u kthyen në hotel, ata u njohën me ndeshje të tjera nëpërmjet shikimit të videos. Pas mësimit dhe analizës së ndeshjeve, përshtypja më e thellë për grupin inspektues është që sa të bëhet një ekip i fuqishëm, duhet të formohet një stil i fiksuar, që përshtatet me karakteristikat e veta dhe të ngulë këmbë në këtë stil. Anëtari i grupit inspektues, z. Ma Chengquan tha se stili i fortë i ekipit gjerman dhe hollësia e shkathësia e ekipit argjetinas nuk kanë ndryshuar për dhjetra vjet. Trashëgimi i stilit e konsolidon pozicionin e tyre të përparuar në arenën botërore të futbollit. Njësoj edhe ekipet aziatike, si ekipi japonez dhe ekipi koreanojugor, kanë karakteristika të theksuara në taktikë dhe kanë paraqitur stilet e tyre në këtë botëror. Në krahasim me këto ekipe, ekipi kinez është lëkundur gjithëmonë në stilin e ekipit. Sot mëson Gjermaninë, po nesër ndryshon të mësojë nga Brazili dhe më në fund nuk gjen asnjë rrugë të përshtatur për veten. Në të ardhmen, Shoqata e Futbollit e Kinës duhet të hartojë një projekt më të saktë për përparimin në teknikë dhe në taktikë për ekipin kombëtar dhe ta zbatojë këtë projekt me këmbëngulje. Z. Ma Chengquan tha:

"Nga ekipet që u shfaqën në këtë botëror del se pavarësisht nga ekipet evropiane apo amerikane, ekipi i të rriturve dhe ai i të rinjve i këtij vendi kanë taktikë dhe stil të përbashkët. Por te Kina ka problem që ekipi i fëmijëve, ai i të rinjve dhe ai i të rriturve ndjekin stile të ndryshme. Kjo ndoshta ka të bëjë me trajnerët. Në të ardhmen do të marrim parasysh këtë problem në zgjedhjen e trajnerëve, që të bashkohet stili i këtyre ekipeve me mosha të ndryshme. "

Në Gjermani, grupi inspektues i Shoqatës së Futbollit të Kinës shkëmbeu aktivisht mendime edhe me personalitete të qarqeve futbollistike të vendeve të ndryshme. Ish-trajneri i ekipit të Svicrës, Kristian Gros shprehu habitje kur mori vesh se Kina dërgon një grup në përmasë aq të madhe. Ai tha se gjatë Botërorit 2002 kishte treguar vëmendje për paraqitjen e ekipit kinez. Ky ishte një ekip i shpejtë dhe me teknikë jo të keqe. Në përgjithësi është një ekip i fortë në Azi. Grosi ësthë i mendimit se aktualisht shumë futbollistë japonezë e koreanojugorë luajnë në ligat evropiane të nivelit të lartë. Këta lojtarë kanë ngritur shumë shpejt nivelin e tyre në liga evropiane. Në krahasim me to, gjenden shumë rrallë futbollistë kinezë në liga evorpiane, prandaj futbollistë kinezë duhet të shkojnë jasht më shpeshë. Grosi tha: 

"Herën e fundit që pashë ekipin kinez ishte në Botërorin 2002. Tani ky ekip nuk është aq i fuqishëm sa 4 vjetët më parë. Mendoj se më shumë lojtarë kinezë duhet të luajnë dhe të mësojnë në liga të nivelit të lartë në vende të tjera dhe kjo do të jetë shumë e dobishme për ngritjen e nivelit të ekipit kinez. "

Krahas dërgimit të grupeve të inspektimit në Gjermani, në prag të Kupës së Botës, ekipi kombëtar kinez zhvilloi edhe dy ndeshje të parapërgatitjes me dy ekipe pjesëmarrëse në finalet e Botërorit, ekipin e Svicrës dhe atë të Francës. Megjithëse në këto dy ndeshje, Kina humbi përkatësisht me rezultatin 1:3 dhe 1:4, prapësëprapë trajneri i përgjithshëm i ekipit kombëtar të Kinës Zhu Guanghu është i mendimit se ekipi i tij mësoi shumë në kundërvënie me ekipet të forta. Ai tha se për Kupën e Botës 2006, futbolli kinez është vetëm vëzhgues, por do të jetë vëzhgues me zell, që të thithë përvojën nga ndeshjet e këtij botërori dhe përpiqet të përfshihet në finalet e Kupës së Botës 2010 në Afrikën e Jugut. (Wang Lei)