Notari i njohur kinez Xiong Ni ka lindur në vitin 1974 në qytetin Changsha të provincës Hunan. Shatgjatësia e tij është 166 cm. Në vitin 1982, Xiong Ni hyri në ekipin e kërcimit në ujë dhe në vitin 1986, në kampionatin e kërcimit në ujë të Kinës, ai mori 4 tituj kampion dhe u pranua në kombëtaren kineze.

1988, debutim në arenën botërore

Në vitin 1988, kur ishte vetëm 14 vjeç, Xiong Ni fitoi një medalje të argjendtë në Lojërat Olimpike të Seulit dhe u bë i njohur në të gjithë botën. Kjojo për shkak të medaljes së tij të argjendtë, por për shkak se ai u bë një sfidant i fortë i princit të kërcimit në ujë, Louganis. Duke kujtuar garën finale të Seulit, trajneri i Xiong Ni-t tha se ishte hera e fundit që Louganis merrte pjesë në Lojërat Olimpike dhe në garën finale ai u lëndua në kokë, prandaj gjyqtarët i dhanë më shumë pikë dhe në fund, Xiong Ni mori vetëm medaljen e argjendtë me 11 pikë më pak.

1992, mbreti pa kurorë

Në vitin 1992, Louganis qe larguar nga sporti dhe Xiong Ni u bë notari më i fortë në kërcimin në ujë, prandaj mediat i dhanë një emër të bukur "mbret pa kurorë". E gjithë bota ishte e mendimit se pas Louganisit do të lindte në Barcelonë një periudhë të re, "periudha e Xiong Ni-t". Por në Barcelonë, në periudhën e vet të artë, Xiong Ni zhgënjeu gjithë botën. Duke kujtuar atë kohë, Xiong Ni tha se për t'u mësuar me motin në Barcelonë, i gjithë ekipi shkoi në qytetin Sanya të Kinës jugore për stërvitje të posaçme. Ata stërviteshin në mesditë kur temperatura ishte më e lartë. Megjithëse Xiong Ni kishte bërë shumë përgatitje, medaljen e artë e fitoi notari i ri Sun Shuwei, ndërsa Xiong Ni mori vetëm një medalje të bronztë. Sun Shuwei pranoi se Xiong Ni kishte ruajtur gjithmonë një gjendje të qëndrueshme, por në provën e fundit ai nuk u paraqit mirë dhe e humbi medaljen e artë.

1996, realizimi i ëndrrës

Në vitin 1996 në Lojërat Olimpike të Atlantës, Xiong Ni mori pjesë në kërcimin në ujë nga trampolina 3 metrashe. Pas secilës provë, ai kthehej në dhomën e pushimit dhe dëgjonte muzikë me kufje. Ai i tha gazetarit kjo bëhej me synimin që të ishte plotësisht i përqendruar në garë. Dhe në fund, Xiong Ni fitoi medaljen e tij të parë të artë olimpike. Pas garës, Xiong Ni i tha gazetarit: "Maklunçi ishte kampioni olimpik i vitit 1992, Saudini kampion botëror dhe shoku im Yu Zhuocheng po ashtu kampion botëror, prandaj para këtyre notarëve të fortë, unë nuk kisha ndonjë gjë të madhe për të treguar dhe më mbetej vetëm të përqendrohesha në çdo provë." Trajneri Tan Liangde e vlerësoi lart fitoren e Xiong Ni-t: "Ai është notari i parë që e fitoi medaljen e artë olimpike në kërcim në ujë nga trampolina dhe ai ka ndryshuar gjendjen e monopolizuar në këtë drejtim nga notarët amerikanë."

2000, fitorja në Sidnej

Në Lojërat Olimpike të Sidnejt, ekipi kinez i kërcimit në ujë konsiderohej si ekipi ëndrrë, por notari i njohur Saudini vazhdonte të paraqitej në gjendje të mrekullueshme dhe merrte në vendin e parë, por vetëm provën e fundit veterani rus nuk e përfundoi mirë. Xiong Ni kapi këtë rast dhe fitoi medaljen e artë, duke fituar kështu medaljen e parë të artë për ekipin kinez. Dy ditë më pas, bashkë me Xiao Hailiang, Xiong Ni fitoi edhe një medalje tjetër të artë në kërcimin në ujë nga trampolina si çift. Si në Atlantë, Xiong Ni u ngjit sërish në podin më të lartë. Njerëzit nuk dinë që pas vitit 1997, Xiong Ni është larguar nga sporti dhe ka hapur një kompani për shitjen e veshjeve sportive. Ekipi kinez i athershëm paraqitej keq dhe niveli i tij la tepër të dëshmuar, prandaj për t'u përgatitur me Lojërat Olimpike të Sidnejt, ekipi kinez vendosi të rithërresë Xiong Ni. Por Xiong Ni nuk donte të rikthehej në fushën sportive. Kryetari i atëherëshëm i Drejtorisë së Përgjithshme të Sportit të provincës Hunan Fu Guoliang luajti një rol të rëndësishëm në rikthimin e Xiong Ni-t. Për 3 herë, ai ka shkuar në kompaninë e Xiong Ni-t, duke i kërkuar atij të japë kontribut për atdheun. Pas fitores në Sidnej, Xiong Ni pohoi se rikthimi i tij u bë për shkak të Fu Guoliang-ut, i cili kishte ndikuar në vendimin e tij.

Tani, jeta e Xiong Ni-t i është rikthyer përsëri qetësisë, por Xiong Ni nuk është shkëputur nga sporti. Ai formoi një ekip amator futbolli dhe luan aty si një sulmues anësor. Ekipi i tij nuk është i fortë dhe i njohur, por sipas mendimit të Xiong Ni-t, ky ekip i sjell atij përsëri në atmosferën e fortë sportive. (Jiang Lei)