dëgjoni

Kohët e fundit përfunduan në Pekin aktivitetet e edicionit të 6-të të " Takimeve në Pekin" të Festivalit Madhështor Ndërkombëtar të organizuara nga Ministria e Kulturës e Kinës. Në këto takime morën pjesë mëse një mijë artistë të më se 50 trupave artistike të ardhur nga mëse 20 vende të 5 kontinenteve të botës, të cilët dhanë shfaqje të larmishme dhe organizuan ekspozita të ndryshme karakteristike.

Aktivitetet e edicionit të 6-të të " Takimeve në Pekin" i mbylli shfaqja e mrekullueshme e artistëve të Ansamblit Shtetëror Shembullor të këngëve dhe valleve "Mështekë e bardhë". Ky ansambel ka një histori 50 vjecare dhe ka dhënë 65 shfaqje jashtë vendit. Shfaqjet e bukura me karakteristika ruse dhe plot humor të artistëve të tij janë pritur shumë nga spektatorët e Rusië dhe të mbarë botës.

Muzika që po dëgjoni është pikërisht vallja përfaqësuese e këtij ansambli " Mështekë i bardhë" .

Aktivitetet e " Takimeve në Pekin" janë organizuar me sukses në 5 edicione qysh nga edicioni i tyre i parë i organizuar në vitin 2000. Si festival pranveror në rang shteti i Kinës dhe me përpjesëtimet më të mëdha në Azi, " Takimet në Pekin" janë bërë një markë artistike me ndikim të madh dhe janë të njohura nga qarqet artistike brenda dhe jashtë vendit.

Drejtori i Përgjithshëm i Grupit të Kinës për marrëdhëniet kulturore me botën e Jashtme z. Zhang Yu tha se në këtë edicion të aktiviteteve " Takimet në Pekin" janë tërhequr 52 trupa artistike të mëse 20 vendeve të 5 kontinenteve të botës, ku morën pjesë mëse një mijë artistë. Ai tha:"Ashtu si edicionet e kaluara, në aktivitetet e " Takimeve në Pekin" përfshiheshin 3 përmbajtje kryesore si shfaqjet teatrore, takimet nëpër sheshe dhe ekspozita artistike. Zhang Yu tha se në aktivitetet e këtij edicioni të "Takimeve në Pekin" janë përfshirë "Festivali kulturor i Rusisë", " Pranvera e shkëmbimeve kulturore kino-franceze", " Meksika, vend mysafir kryesor", " Festivali i kulturës italiane" dhe " Arti i Kinës".

Edhe pjesët kineze në aktivitetet e " Takimeve në Pekin" janë shumë të larmishme. Muzika që po dëgjoni është incizim i mbrëmjes artistike me këngë e valle " Stili shumëngjyrësh i Guizhout" që u shfaq në ceremoninë e hapjes së aktiviteteve të " Takimeve në Pekin".

Në këtë mbrëmje morën pjesë ansambli i këngëve e valleve i provincës Guizhou, ansambli nacional i këngëve e valleve Guizhou dhe trupa e pjesëve me fenerë të provincës Guizhou. Në mbrëmje, artistët e kombësive Miao, Yao, Buyi, Tong dhe Yi, me forma të ndryshme artistike, si këngë solo, valle, kor pa orkestër, demonstrime të kostumeve dhe veshjeve etj shfaqën edhe një herë zakonet e doket popullore të trashëguara nga koha e lashtë, trashëgiminë kulturore jo materiale si dhe stilet artistike shumëkombëshe.

Ashtu si " Takimet e kaluara në Pekin", edhe këtë vit, gjatë kohës së zhvillimit të këtyre aktiviteteve, banorët e Pekinit kaluan edhe ditët e pushimit të " l Majit" ditës ndërkombëtare të punonjësve. Artistët kinezë dhe të vendeve të ndryshme si të Italisë, Meksikës, Rusisë, Izraelit etj, me shfaqje të tyre shumë të bukura, pritën edhe vizitorë të parqeve të Pekinit.(Zhai)