dëgjoni

U hap vebsaiti i parë shtetëror kinez i mbrojtjes së trashëgimive jomateriale

Korrespondentja e Radios së Jashtme të Kinës njoftoi se në prag të 10 qershorit - Ditës së Trashëgimisë Kulturore të Kinës, më 9 qershor, u hap vebsaiti i parë shtetëror kinez i mbrojtjes së trashëgimive jomateriale kulturore ? "www.ihchina.cn".

Ky vebsait ka për qëllim që të përhapë njohuri e informacione përkatëse në fushën e trashëgimive jomateriale kulturore kineze e botërore dhe të nxitë zhvillimin e gjithanshëm të punës së mbrojtjes së trashëgimive jomateriale kulturore kineze.

Tani ky vebsait ka 14 rubrika që pasqyrojnë të gjitha anët e fushës së trashëgimive jomateriale kulturore. Me zhvillimin e mëtejshëm, përmbajtja e vebsaitit do të plotësohet pandërprerë, vebsaiti do të bëhet gradualisht një muzeum digjital në internet që do të shfaqë trashëgimitë e pasura jomateriale kulturore kineze.

U dha çmimi i mbrojtësve të kulturës popullore

Gazeta kineze "Renminribao" njoftoi se më 8 qershor, u dha në Pekin çmimi i mbrojtësve të kulturës popullore të Kinës. 5 punonjës të kulturës popullore fituan këtë nder.

Çmimi i mbrojtësve të kulturës popullore është krijuar nga Shoqata e Artistëve Popullor të Kinës etj. dhe është çmimi i parë në Kinë për të lavdëruar punonjësit që japin kontribut të madh për mbrojtjen e kulturës popullore. Krijimi i këtij çmimi ka për qëllim që të tërheqë më shumë njerëz t'i kushtojnë vëmendje mbrojtjes së kulturës popullore.

U zhvillua në Pekin ekspozita e veshjeve të pakicave kombëtare kineze

Korrespondentët e Radios së Jashtme të Kinës njoftuan se më 8 qershor, u zhvillua në Pekin ekspozita e veshjeve të pakicave kombëtare kineze.

Nëpërmjet mbi 600 kostumeve tradicionale, ekspozita shfaq kulturën e veshjeve të pakicave kombëtare kineze.

Kostumet e pakicave kombëtare kineze pasqyrojnë kulturën e pakicave kombëtare dhe janë pjesë e rëndësishme përbërëse e kulturës jomateriale kulturore të Kinës.

Në qytetin Nanchang do të ndërtohet një shesh në përkujtim të Mateo Riçit

Agjencia kineze e lajmeve Hsinhua njoftoi se në qytetin Nanchang të Kinës jugore do të ndërtohet një shesh i stilit të Perëndimit për të përkujtuar misionarin italian Mateo Riçi që e njohu qysh herët botën me Nanchangun.

Parashikohet që ky shesh të përurohet në shtator të këtij viti, në qendër të sheshit do të vendoset një monument i Mateo Riçit me një lartësi prej 3 metrash.

Në vitin 1581, Mateo Riçi pati ardhur në Kinë. Qysh nga viti 1595, ai jetoi për 3 vjet në Nanchang me statusin e misionarit. Ai mësoi gjuhën e letërsinë kineze dhe e njohu Evropën me rezultatet shkencore e kulturore kineze duke nxitur kështu shkëmbimet kulturore midis Kinës dhe Perëndimit. (Fani)