dëgjoni

Para 3 vjetëve, Yin Yan hapi në Pekin palestrën Yogi të jogës. Vitet e fundit, joga është bërë një sport i modës që përshëndetet nga personat e qarqeve të ndryshme. Ndër palestrat e jogës në Pekin, palestra Yogi e Yin Yanit është shumë e famshme. Në revista, gazeta dhe në metro të Pekinit, njerëzit mund të shohin kudo reklamën e palestrës Yogi të saj.

Deri tani palestra Yogi e jogës e Yin Yanit ka krijuar 6 dega në mbarë vendin duke përgatitur mbi 500 trajnerë të jogës. Selia e përgjithshme Yogi ndodhet në parkun Chaoyang me panorama të bukura në lindje të Pekinit, afër parkut ndodhen shumë ambasada dhe agjenci të huaja, prandaj palestra e Yin Yanit ka tërhequr edhe shumë amatorë të huaj të jogës. Duke folur për shkakun e përshëndetjes së jogës nga njërëzit, Yin Yan tha:

"Tani kinezët i kushtojnë shumë rëndësi shëndetit dhe gëzimit. Në krahasim me sporte të tjera, joga jo vetëm mund të përmirësojë gjendjen shëndetësore, por veçanërisht mund t'u sjellë njerëzve gëzim dhe qetësi shpirtërore. Tani konkurrenca në shoqëri është shumë e ashpër, shumë qytetarë janë në gjendjen e stresit dhe joga mund ta përmirësojë këtë gjendje dhe të ndikojë për mirë në stresin e njerëzve."

Yin Yan lindi në Pekin në vitet '60 të shekullit të kaluar. Ajo studioi gjuhën franceze në Universitetin e Pekinit pastaj mori gradën e aspirantit në Universitetin e Filmit të Pekinit. Pas diplomimit, ajo shkoi në Paris të Francës për studime dhe mori gradën e doktorit të filmit dhe gradën MBA. Pas kthimit në Pekin, Yin Yan u bë redaktore e përgjithshme e revistës së famshme "Elle" të versionit në gjuhën kineze. Në atë kohë, Yin Yan ishte shumë e zënë, çdo ditë punonte deri natën vonë. Me përpjekjet e Yin Yanit, "Elle" u bë një revistë e kërkon në Kinë, edhe ajo u bë e famshme në qarqet e modës. Por kur ishte në moshën 39-vjeçare, Yin Yan dha dorëheqjen nga puna. Ajo tha:

"Megjithëse kisha fituar pothuajse gjithçka nga puna, nuk isha shumë e gëzuar sepse punoja tërë ditën si një makinë dhe nuk kisha kohë të shijoja jetën."

Pas largimit nga revista "Elle", Yin Yan shkoi në Indi për tuzizëm, pasi asaj i pëlqen shumë qytetërimi i lashtë indian. Në vendin e shnjtë të jogës në Indi Rishikesh, Yin Yan pati kontaktin e parë me jogën. Në fillim asaj nuk i pëlqente shumë joga dhe ishte e mendimit se joga është një sport i mërzitshëm. Nën drejtimin e trajnerit Mohan, Yin Yan zbuloi gradualisht gëzimin e jogës dhe ndieu qetësinë shpirtërore. Joga e ndihmoi Yin Yanin të njohë përsëri botën dhe të gjejë gëzimin e jetës. Yin Yan u bë një amatore e jogës.

Pas vizitës në Indi, Yin Yan e ftoi Mohanin të vijë në Pekin për të hapur kursin e jogës. Mohani e pranoi ftesën e Yin Yanit. Me ardhjen e Mohanit, më shumë miq të Yin Yanit morën kontakt me jogën dhe filluan ta pëlqejnë atë. Para 3 vjetëve, me ndihmën e miqve, Yin Yan hapi një palestër joge në Tempullin e Diellit. Në të kaluarën, Tempulli i Diellit ishte vendi ku perandori i falej qiellit. Në këtë mjedis të bukur dhe të qetë, çdo njeri që ushtron jogën mund të harrojë të gjitha shqetësimet e ditës dhe ta shijojë plotësisht këtë sport.

Sipas eksperiencës së vizitës në Indi, Yin Yan botoi edhe një libër "Vizita në Indi" ku janë shënuar mendimet dhe përshtypjet e saj për këtë. Yin Yan tha:

"Shpresoj se ky libër do t'i ndihmojë njerëzit të ndajnë mendimet e tyre me mua lidhur me jogën. Dua ta falënderoj Mohanin për përkrahjen që më ka dhënë. Ai është një trajner shumë i mirë, përvoja e tij dhe qëndrimi i tij për jetën kanë ushtruar ndikim të madh mbi trajnerë kinezë të jogës."

Yin Yan u shpreh se tani ajo ndien presion më të madh në krahasim me kohën kur ishte redaktore e përgjithshme e revistës, por ajo është e kënaqur me jetesën e tanishme. Yin Yan mbi 40-vjeçare ka dy vajza, megjithatë, ajo duket ende e re, e bukur dhe plot me gjallëri. Ajo tha se pikërisht joga e ka ruajtur rininë dhe bukurinë e saj. (Fani)