dëgjoni

Blini kinez është një lloj peshku që ndodhet në rrezik të zhdukjes dhe teknika e shumëzimit të tij artificial ka qenë gjithmonë një problem shumë i vështirë për zoologët kinezë. Deri më sot, shumëzimi artificial i këtij lloji peshku mbetet një aspiratë e parealizuar, megjithëse personeli kërkimor kinez i tre brezave u përpoq për mbi 30 vjet. Përballë gjendjes së pakësimit të vazhdueshëm të sasisë së këtij peshku, ata përpiluan kohët e fundit një plan të guximshëm të kërkimeve shkencore, sipas të cilit ky problem, që ka shqetësuar për një kohë të gjatë qarqet biologjike kineze, do të zgjidhet brenda 3 ose 4 vjetëve.

Blini kinez rron vetëm në Kinë dhe është më i rralli ndër llojet e blinit. Ky lloj peshku ekzistonte dhe shtohej në Tokë qysh në periudhën e Kretakut, para 150 milionë vjetëve, kur dinozaurët sundonin në Tokë. Si një nga kurrizorët më të hershëm në botë, blini kinez quhet sot "fosili i gjallë" dhe "Panda në ujë". Një bli kinez i rritur është në përgjithësi 4 metra i gjatë, peshon 1 ton dhe rron mbi 100 vjet.

Blini kinez është një lloj peshku që rron në dete dhe në lumenj, por shumëzohet vetëm në lumin Jance, lumi i parë në Kinë. Në çdo vjeshtë, blinjtë e rritur kthehen në lumin Jance dhe femrat e tyre pjellin vezë. Pas çeljes së vezëve, të miturit e tyre rrojnë 6 muaj në lumë dhe pastaj hyjnë në det. Ata bëhen peshq të rritur pas 18 vjetëve dhe kthehen nga deti në grykëderdhjen e lumit Jance, duke marrë rrugën e "kthimit në vendlindje". Por, duke filluar nga mesi i shekullit të 20-të, sasia e tufave të tij u pakësua shumë shpejt dhe tani ky lloj peshku ndodhet në rrezik të zhdukjes për shkak të peshkimit të pakufizuar, të shpejtimit të ndotjes së ujit të lumit Jance dhe të faktorëve të tjerë.

Në përgjithësi, shumëzimi artificial është rruga optimale për shpëtimin e kafshëve të rralla nga rreziku i zhdukjes. Prandaj, në vitet 70 të shekullit të fundit, biologët kinezë filluan kërkimin e teknikës së shumëzimit artificial të blinit kinez. Shkencëtari i institutit studimor të produkteve ujore të lumit Jance pranë Akademisë kineze të shkencës së produkteve ujore, doktor Vei Qivei tha se ata ende nuk kanë arritur sukses në studimet e kësaj teme.

Mësohet se, sot në Kinë, punonjësit kinezë të shkencës dhe teknikës kanë përvetësuar dhe kanë përsosur teknikën e shumëzimit të blinit kinez të brezit të parë në kushtet e ujit të ëmbël dhe ata e kanë si detyra kryesore të krijojë teknikën e shumëzimit të blinit kinez të brezit të dytë. Por, ata nuk e dinë se si të bëjnë që këta peshq të brezit të parë të zhvillohen dhe të bëhen peshq të rritur në kushtet artificiale, megjithëse ata e kanë të qartë objektivin e studimeve dhe kanë përdorur metoda të shumëllojshme.

Pas studimeve të shumta, punonjësit e shkencës dhe teknikës vunë re se rritja e blinit kinez dhe zhvillimi i gjedrës së tij seksuale kërkojnë shumë lart për ambientin ujor. Në qoftë se kushtet janë të papërshtatshme, ato rriten shumë ngadalë, bile kurrë nuk do të bëhen të rritur.

Specialistët janë të mendimit se, për të zgjidhur problemin e vështirë të rritjes së blinit kinez të brezit të dytë, në radhë të parë duhet të krijohet një ambient i përshtatshëm ujor. Prandaj, pak kohë më parë, Instituti studimor i produkteve ujore të lumit Jance pranë Akademisë kineze të shkencës së produkteve ujore solli nga provinca Hubei e Kinës Qendrore 10 e ca blinnj kinezë 7-8 vjeçarë të brezit të dytë dhe i hodhën në një hauz në Pekin, ku Qendra e Pekinit e kafshëve të detit mbante dikur peshkaqenë.

Drejtori i Qendrës së Pekinit të kafshëve të detit, zoti Hu Haifeng tha se Qendra e tij mund të rregullojë temperaturën e ujit dhe përqindjen e kripës në ujë, prandaj mund të imitojë ambientin natyror të rritjes së blinit kinez, që të shpejtohet zhvillimi i tyre. Kjo qendër ka paisje më të përparuara në mbrë vendin dhe mund të ofrojë përkrahje teknike të shumanshme për shumëzimin artificial të blinit kinez.

"Sipas nevojave, kemi përcaktuar disa paisje për shënimin e të dhënave dhe për gjurmim. Do të bëjmë kontroll të gjithhershëm dhe do të shënojmë procesin e rritjes së këtyre peshqve."

Punonjësi i Institutit studimor të produkteve ujore të lumit Jance pranë Akademisë kineze të shkencës së produkteve ujore, doktor Vei Qivei tha se ata shpresojnë se, në Qendrën e kafshëve të detit të Pekinit, blinjtë kinezë të brezit të parë do të rriten normalisht dhe brenda një kohe sa më shkurtër.

"Në kushtet natyrore, ky lloj peshku bëhet i rritur mesatarisht pas 18 vjetëve. Ne shpresojmë se kjo kohë do të shkurtohet në kushtet artificiale. Nëse temperatura do të jetë e përshtatshme për rritjen e tij, pesha e trupit të tij do të arrijë aq sa arrin në kushtet natyrore."

Sipas planit të Akademisë kineze të shkencës së produkteve ujore, brenda 3 ose 4 vjetëve të ardhshëm, këta peshq 7 e 8 vjeçarë të brezit të parë do të rriten dhe do të kenë aftësi për shumëzimin e brezave të tjerë. Kur ata bëhen të rritur, punonjësit e eksperimenteve shkencore do t'u injektojnë mashkullit dhe femrës hormone të ndryshme seksuale për të shpejtuar nxjerrjen e spermave dhe vezëve. Në qoftë se eksperimentimi do të kurorëzohet me sukses, Qendra e Pekinit e kafshëve të detit do të bëhet bazë e shumëzimit artificial të blinit kinez. (Zheng)