dëgjoni

Para Lojërave Olimpike të Pekinit 2008, shumë sporte kineze po bëjnë aktivisht përgatitje intensive dhe shpresojnë të arrijnë rezultate sa më të larta. Nuk përjashtohet këtu edhe tenisi, që nuk konsiderohej si disiplinë sportive me epërsi për Kinën para Lojërave Olimpike të Athinës, ku tenistet kineze u shpallën kampione si çift për femra. Por kësaj here, tenisi i Kinës shkon drejt Lojërave Olimpike të Pekinit duke ndjekur një rrugë krejt të re dhe profesionale.

49 vjeçari Jiang Hongwei është trajneri kryesore i ekipit kombëtar të tenisit për femra të Kinës. Në vitin 1986, ai u bë kinezi i parë që mori certifikatën për trajner tenisi nga Shoqëria e Tenisit Profesional (ose shkurtimisht sipas anglishtes ATP). Tani ai është personaliteti kryesor që drejton tenistet kineze drejt Olimpiadës 2008.

Në vitet e `80 dhe `90 të shekullit të kaluar, Jiang Hongwei përjetoi nga afër kulmin e parë të zhvillimit të tenisit në Kinë. Dy nxënëset e tij, Li Fang dhe Yi Jingqian kanë zënë vendin më të lartë ndër tenistet kineze në kualifikimin e WTA-së, Shoqërisë së Tenisit të Femrave. Por në atë kohë, tenisi i Kinës nuk zbatoi në mënyrë të gjithanëshme sistemin e profesionalizimit, d.m.th. tenistët kinezë nuk mund të merrnin pjesë në mënyrë masive në garat profesionale të ATP-së dhe WTA-së dhe të ngrinin nivelin e vet nëpërmjet ndeshjeve profesionale. Si pasojë, pas një kulmi të shkurtër, tenisi i Kinës ra në ulje.

Në vitin 1992, si trajneri kryesor, Jiang Hongwei, në krye të ekpit shtetëror të tenisit për femra mori pjesë në Lojërat Olimpike të Barcelonës, ndërsa në Lojërat Olimpike të Pekinit ai do të ketë takimin e dytë me Olimpiadën. Mbi 10 vjet pas kulmit të parë të zhvillimit të tenisit të Kinës, kur Jiang Hongwei udhëheq përsëri ekipin kombëtar të tenisit të Kinës, situata është krejtësisht e ndryshme. Duke folur për strategjinë e përgjithshme të tenisit të Kinës për Lojërat Olimpike të Pekinit, Jiang Hongwei tha:

"Pse ne duhet të ngulim këmbë në rrugën e profesionalizimit? Sepse nëse nuk ndjekim këtë rrugë, është e vështirë të kryejmë mirë detyrën dhe arrijmë suksese në Lojërat Olimpike. Gjithmonë i kam këto të dyja elemente së bashku. Me ngritjen e radhitjes në kualifikimin profesional dhe me rezultatet e mira në garat profesionale, do të kemi mundësi reale të arrijmë suskese në Lojërat Olimpike."

Ashtu siç tha Jiang Hongwei, tenisi i Kinës po ecën në mënyrë të qëndrueshme në rrugën e "profesionalizimit të gjithanëshëm". Para Lojërave Olimpike të Athinës, tenistet kineze u përfshinë në 8 më të fuqishmet si çift në garën "Australi Open" 2004, duke patur përparim të dukshëm në garat e Titullit të Madh dhe duke hedhur një bazë të mirë për shpalljen e kampiones olimpike si çift të tenisteve kineze. Pas Lojërave Olimpike të Athinës, tenisi i Kinës ka hyrë në një tjetër etapë të artë. Në fillim të këtij viti, tenistet si çift Zheng Jie/ Yan Zi u shpallën kampione në garën "Australi Open", që ishte kampioni i parë i Kinës në garat e Titullit të Madh. Edhe tenistet kineze si individ kanë patur përparime të dukshme. Li Na dhe Zheng Jie u shpallën me radhë kampione në garat e turneut të WTA-së. Tenistja e re Peng Shuai, që nuk nuk ka mbushur ende 20 vjeçe, mundi disa herë tenistet e nivelit të lartë që u klasifikuan në 10 vendet e para të botës.

Pavarësisht nga të gjitha rezultatet e tenisit kinez, Jiang Hongwei kupton se në rrugën e profesionalizimit, këtë rrugë të re drejt Olimpiadës nuk do të jetë gjithëmonë e mbarë, veçanërisht në kohën e tanishme kur tenistet kineze kanë patur me radhë rezultate të mira në garat profesionale dhe kanë tërhequr vëmendje të botës. Jiang Hongwei tha:

"Pas shpalljes kampion të tenisteve kineze në garat e Titullit të Madh dhe në Lojërat Olimpike të Pekinit, qarqet botërore të tenisit filluan të na kushtojnë rëndësi dhe të studiojnë ekipin kinez dhe veçanërisht disa lojtare të shquara kineze.Të tjerët njohën gradualisht stragjegjinë, taktikat dhe stilin e tenisteve kineze dhe kjo na paraqit një temë të re kërkimore që të përmirësohemi më tej në teknikë dhe taktikë. Vetëm kështu do të ruajmë bazën e arritjes së rezultateve të mira."

Neghutgatl, tani tenisi kinez po përpiqet të ngrejë potencialin e vërtetë nëpërmjet rrugës së profesionalizimit dhe përpiqet të arrijë rezultat të mirë në Lojërat Olimpike të Pekinit.

Pas kalimit të procesit të zhvillimit mbi 10-vjeçar të tenisit kinez, Jiang Hongwei e kupton mirë që profesionalizimi i tenisit të një vendi dhe ngrijta thelbësore e nivelit të tenisit lidhen ngusht me potencialin ekonomik të këtij vendi. Ai tha:

"Sporti i tenisit zhvillohet në raport të drejtë me potencialin ekonomik të vendit. Vendi ynë është zhvilluar dhe ka patur progres dhe kjo përbën forcën e madhe nxitëse për zhvillimin e tenisit."

Me zhvillimin e lëkundur mbi 10 vjeçar, tenisi kinez e vë sigurisht profesionalizimin në plan të parë si rrugë e tij të zhvillimit të mëtejshëm dhe në të njëjtën kohë, edhe zhvillimi ekonomik e shoqëror i Kinës i ka dhënë atij kushte objektive për praktikimin në këtë rrugë. Shumë tenisdashës kinez presin që tenisi kinez t'u sjellë përsëri gëzim suprizë në Lojërat Olimpike të Pekinit. (Wang Lei)