dëgjoni

Erdhën finalet e Kupës së Botës në Futboll 2006! Megjithëse në to nuk pati mundësi të marrë pjesë ekipi kinez, nuk është ndikuar në asnjë mënyrë entuziazmi i tifozëve kinezë. Nga banorët e thjeshtë deri tek liderët e shtetit, kinezët po ndjekin me vëmendje, në mënyra të ndryshme, Gjermaninë e largët. Do të dëgjoni tani reportazhin lidhur me këtë.

"Dua të deklaroj se edhe unë jam tifoz futbolli. Këtu shpreh edhe një herë urime të zjarrta për organizimin e Kupës së Botës në Gjermani dhe njëkohsisht shpresoj që aktiviteti të kurorëzohet me sukses të plotë. I uroj gjithashtu Gjermanisë fatëmirë. Në Kinë ka një armatë të madhe tifozësh të futbollit, të cilët tregojnë vëmendje të madhe për Botërorin. Shumë tifozë, me siguri, do të ngrihen në mesnatë për të ndjekur ndeshjet dhe unë do të jem njëri prej tyre. "

Këto fjalë i tha kryeministri i Kinës Wen Jiabao pak kohë më parë gjatë takimit me kancelaren e Gjermanisë, Angela Merkel, që bëri një vizitë në Kinë.

Kupa e Botës në Futboll që do të zhvillohet nga 9 qershori deri më 9 korrik, ka tërhequr shikues të panumërt me kombësi dhe fe të ndryshme të botës dhe këtu përfshihen edhe tifozët kinezë, të thjeshtë dhe liderë të lartë.

Pasione dhe ëndrra, të grumbulluara përgjatë 4 vjetëve, do të çlirohen në mënyrë të ndryshme në 30 mbrëmje të vonë e mëngjese të hershme në krahina të ndryshme të Kinës. Në fushat e Botërorit të Gjermanisë nuk është figura e futbollistëve kinezë, por përpara ekraneve të televizorit, ka miliona sy të kinezëve.

"Pavarësisht nga pjesëmarrja apo jo e ekipit kinez, do të shikoj pa tjetër Botërorin. Qysh nga viti 1986, Kupa e Botës është bërë një pjesë përbërëse e jetës sime, si ushiqmi e uji për mua."

26 vjeçari Cheng Degang është një redaktor i një shtëpie botuese dhe gjithashtu një nga tifozët e fortë kinezë. Ai është adhuruese i vendosur i ekpit italian. Z. Cheng tha se filloi ta parapëlqente këtë ekip kur e pa për herë të parë në Botërorin e vitit 1986, pavarësisht se atëherë ekipi italian u eliminua shumë shpejtë. Në vitin 1990 Kupa e Botës u zhvillua në Itali dhe asaj here teknikat e mrekullueshme të yjeve italiane si Roberto Baxhio dhe Franco Baresi, etj. e bënë krejtësisht për vete zotin Cheng. Gjatë dhënies së intervistës për korrespondentin e radios sonë, ai mbatë veshur me kostumin e kaltër të ekipit italian dhe një unazë në ngjyrë të kuqe, të bardhë dhe jeshile, që simbolizon flamurin kombëtar të Italisë. Bile, ai e quan ekipin italian "ekipi ynë".

Në fakt, në Kinë ka shumë tifozë të tillë të futbollit si z. Cheng. Sipas ekipeve, që përkrahin, ata ndahen në tifozë të Italisë, të Brazilit, të Gjermanisë, të Spanjës, të Argjetinës, etj. Gjatë garave të mëdha si Kupa e Botës, Kampionati Evropian, etj. këta tifozë ndahen në grupe të ndryshme, duke e shprehur gëzimin a mërzitjen së bashku me ekipin e parapëlqyer. Sigurisht, pjesa dërrmuese e tyre janë përpara televizorit.

Z. Cheng Degang tha se megjithëse është i ulët niveli i futbollit profesional i Kinës, prapësëprapë tifozët kinezë kanë mjaft njohuri për tenikat e futbollit. Shumë tifozë të fortë ashtu Cheng-u, zotërojnë në majë të gjishtave të gjitha informacionet për ekipet e parapëlqyer. Kupa e Botës, për ta, është një festë që vjen një herë në 4 vjet.

Për shkak të ndryshimit të orës, të gjitha ndeshjet e Botërorit zhvillohen natën sipas orës së Pekinit, gjë që ndikon pak a shumë në ndjekjen e ndeshjeve nga tifozët kinezë. Por për ata tifozë të vendosur, nuk do të jetë problem që të rrinë natën vonë gjatë muajit të ardhshëm. Lidhur me këtë, nuk përjashtohen as sportistët kinezë. Patinazhi i njohur artistik kinez Tong Jian tha se pa ndikime mbi stërvitjen normale, ai do të ngrihet në mesnatë për të ndjekur ndeshjet e Botërorit. Ai e quan veten tifoz të fortë futbolli.

"Më pëlqen ekipi i Anglisë për stilin e tij të futbollit. Gjithashtu edhe ekipi i Argjetinës. Stili i këtyre ekipeve është i drejtpërdrejtë dhe ata synojnë vetëm golin. Mendoj se forca tërheqëse e futbollit, në fund të fundit, është goli. Më pëlqen të shikoj përmbledhjen e shënimit të golave. Përsa i përket kampionit të fundit, mendoj se Brazili ka më shumë mundësi, ndoshta 55%. Edhe Franca e Gjermania kanë mundësi dhe, veçanërisht Gjermania, si vendi organizator."

Megjithëse Kupa e Botës në Futboll nuk ka ardhur asnjëherë në Kinë dhe ekipi i Kinës ka marrë pjesë vetëm një herë në Botëror, prapësëprapë Kupa e Botës i ka sjellë tifozëve kinezë harenë e gëzimit dhe të shqetësimit të përbashkët me tifozët e mbarë botës.(Wang Lei)