dëgjoni

Ditët e fundit në Pekin, një funksionar që drejton industrinë e informacionit dhe të industrisë u shpreh se në të ardhmen, Kina do të krijojë vazhdimisht një mjedis të mirë për zhvillimin e softeve të Kinës, duke forcuar më tej edhe bashkëpunimin ndërkombëtar në kërkim të softeve.

Zv-ministri i Ministrisë së Industrisë e Informacionit të Kinës Lou Qinjian u shpreh se vitet e fundit, shpejtësia e zhvillimit të industrisë së softeve të Kinës është vazhdimisht në rritje krahasuar me nivelin e përgjithshëm botëror. Vitet e fundit, shpejtësia e zhvillimit të industrisë së softeve të Kinës është më e lartë se 30%. Në vitin 2005, të ardhurat e shitjes së softeve të Kinës i kaloi të 49 miliardë dollarë amerikanë.

Sipas të dhënave statistikore, nga viti 2000 deri në vitin 2005 rritmi i shtimit mesatar i industrisë së softeve të Kinës është më e lartë se 30%. Por ndërkohë, ekzistojnë edhe shumë probleme në këtë fushë. Si për shembull, politika e ndekur ndaj kësaj industrie duhet përmirësuar; ndërmarrjet e softeve nuk tërheqin teknologjit kryesore, talentë profesional etj. Në vitin 2005, vëllimi i përgjithshëm i shitjes vjetore të ndërmarrjeve që radhiten ndër 100 ndërmarrjet më të mëdha në Kinë ishte vetëm 14 miliardë dollarë amerikanë, ndërsa shitja vjetore e kompanisë "Microsoft" arriti në 40 miliardë dollarë amerikanë.

Për të nxitur zhvillimin e industrisë së softeve, Kina ka hartuar një plan të zhvillimit në 5 vitet e ardhshme. Zv-drejtori i Drejtorisë së informacionit të produkteve elektronike pranë Ministrisë së Industrisë së Informacionit të Kinës, Ding Wenwu i tha korrespondentit se në 5 vitet e ardhshme, Kina do të zhvillojë kryesisht softet e sistemit të kompjuterit, softet e sigurisë së informacionit etj.

Ndërkohë, Kina do të hartojë dhe përmirësojë vazhdimisht politikat e industrisë së softeve, duke forcuar edhe ligjet për mbrojtjen e të drejtave intelektuale të softeve, duke përmirësuar sistemin e përgatitjes së talenteve të softit dhe nxitur industrizimin e softeve të Kinës.

Vitet e fundit, në procesin e nxitjes së zhvillimit të industrisë së softeve, qeveria kineze ka bërë shumë përpjekje në përkrahje të zhvillimit të projekteve të bashkëpunimit ndërkombëtar, duke ofruar shumë politika në interes të kompanive shumëkombëshe.

Tani kompanitë "Microsoft", "IBM" dhe "Tata Consultancy Services" etj kanë ngritur ndërmarrje të prodhimit dhe qendra kërkimore në Kinë.

Ministri i Shkencës dhe Teknikës të Kinës Xu Guanhua shpreson të nxitë zhvillimin e industrisë së softeve të Kinës nëpërmjet shkëmbimit me ndërmarrjet e njohura në këtë fushë. Ai tha se ne mirëpresim që këto ndërmarrje të zhvillojnë veprimtarinë e tyre në Kinë si dhe mirëpresim sipërmarrës dhe shkencëtarë me shtetësi të ndryshme të punojnë në Kinë. Ai beson se nëpërmjet përpjekjeve dhe bashkëpunimit të qarqeve të shkencës dhe teknologjisë, industria e softeve e Kinës me siguri do të zhvillohet më mirë dhe më shpejt.

Siç mësohet, nxitja e importit të softeve të Kinës dhe forcimi i shkëmbimit dhe bashkëpunimit ndërkombëtar janë punët kryesore në zhvillimin e industrisë së softeve të Kinës. Në vitin 2010, të ardhurat nga kjo industri do të arrijnë në 160 miliardë dollarë amerikanë. Ndërkohë, Kina do të përkrahë ndërmarrje të fuqishme në këtë fushë të marrin pjesë në hartimin e standardeve ndërkombëtare të industrisë së softeve dhe do të krijojë organizata të prodhimit dhe të kërkimit jashtë shtetit. (U Sen)