Vitet e fundit, këngët popullore burimore të papërpunuara në Kinë po tërheqin gjithnjë e më shumë vëmendjen e njerëzve. Në konkursin kombëtar të këngëtarëve të rinj të organizuar këtë vit nga Televizioni Qendror i Kinës, u rradhit si një formë e veçantë edhe interpretimi i këngëve popullore burimore. Interpretimi i këngëve të tilla është bërë një fokus i vëmendjes së publikut dhe ka tërhequr vëmendjen e spektatorëve dhe artdashësve.

Kënga që po dëgjoni titullohet "Shoqëroj motrën në këngë", ajo interpretohet nga grupi këngëtarëve nga Guizhou. Konkursi i këngëtarëve të rinj të organizuar nga Televizioni Qendror i Kinës një herë në dy vjet është një konkurs i rëndësishëm i qarqeve vokale të Kinës. Në 11 edicionet e kaluara ishin interpretimet e këngëve në 3 mënyra si ajo zbavitëse, evropiane dhe popullore. Kurse në edicionin e sivjetëm është shtuar edhe mënyra e interpretimit të këngëve burimore.

Kënga popullore burimore e papërpunuar është një lloj kënge e krijuar nga banorët e kombësive të ndryshme gjatë jetës dhe praktikës e marrë direkt nga gjiri i popullit pa bërë ndonjë përpunim nga kompozitorët. Këto këngë janë përhapur për një kohë të gjatë në gjirin e fshatarëve, peshkatarëve, blegtorëve dhe masave të gjera të grave, janë një pjesë e rëndësishme e "trashëgimisë kulturore jo materiale". Interpretimi i këngëve të papërpunuara popullore është realizuar nga këngëtarë të papërgatitur profesionalisht dhe me zë origjinal.

Lei Yan ishte këngëtarja e kombësisë Miao të Guizhout që mori pjesë në grupin e interpretimit të këngëve burimor të këtij edicioni të Konkursit të këngëtarëve të rinj të organizuar nga CCTV-ja.

Ajo tha : "Për arsye se kombësia Miao është një kombësi pa dokumentë të shkruarë, historia e saj është shënuar në vështjet dhe në këngët e saj. Ne kemi një lloj kënge poetike që është me shtjellime dhe tregime, ku shënohen transferimet tona nga zonat qendrore e Kinës si dhe hapat e zhvillimit tonë. Këto këngë i dinë vetëm të moshuarit e fshatit. Prandaj, ne duhet t'i mësojmë dhe t'i ruajmë me kujdes."

Vitet e fundit, krahas globalizimit ekonomik dhe shpejtimit të hapave të modernizimeve, muzika zbavitëse dhe muzika e preferuar po ushtrojnë një ndikim gjithnjë e më të madh tek publiku. Shumë këngë të papërpunuar popullore ndodhen në prag të zhdukjes. Gjatë inspektimeve në zonat e pakicave kombëtare të Kinës, muzikantët kinezë zbuluan se gjatë takimeve me këngë, në të marrin pjesë vetëm të moshuarit, kurse të rinjtë nuk interesohen për këto lloj këngësh popullore.

Për të këtë, administratat e niveleve të ndryshme të Kinës filluan të marrin masa mbrojtëse duke u dhënë udhëzime sektorëve përkatës të zbulojnë dhe të ruajnë burimet e çmuara artistike për të nxitur përhapjen në rrugë të ndryshme të muzikës dhe këngëve nacionale popullore.

Përfshirja e grupit të këngëtarëve për interpretimin e këngëvetë papërpunuara popullore në këtë edicion të Konkursit televiziv të këngëtarëve të rinj të CCTV-së, ka luajtur një rol aktiv për mbrotjen e trashëgimisë kulturore jo materiale.

Anëtarja e Jurisë për interpretimin e këngëve burimore, këngëtarja tibetiane Zongtongzuoma e vlerësoi lart këtë punë duke përfaqësuar mendimin e këngëtarëve të pakicave kombëtare të Kinës. Ajo tha : "Me anën e këtij konkursi televiziv të këngëtarëve të rinj, masat e gjera të teleshikuesve mund të njehen më mirë me këngët e bukura të pakicave kombëtare. Ne kemi dëshirë që të rinjtë tanë të njihen dhe të kuptojnë këngët e bukura popullore të 56 kombësive të Kinës dhe të duan t'i dëgjojnë dhe t'i këndojnë ato."

Spektatorja zonja Chen që ka ndjekur për disa ditë me rradhë zhvillimin e këtij konkursi tha: "Pasi dëgjova këto këngë burimore, unë e ndjeva forcën tërheqëse të këtyre këngëve."

Edhe specialistët profesionistë u shprehën se tërheqja e vëmendjes për këngët burimore do të luajë një rol të madh për mbrojtjen dhe trashëgimin e kulturës folklorike. Edhe Shoqata e artistëve folkloristë i dërgoi një telegram konkursit duke thënë se pjesëmarrja e këngëve burimore në konkurs është në të mirë të trashëgimisë së artit folklorik dhe të mbrotjes e vazhdimit të trashëgimisë kulturore jo materiale. ( Zhai)