Në fillim të viteve '80 të shekullit të kaluar, në Kinë u zhvillua regjistrimi i tretë i popullsisë. Pikërisht në këtë regjistrim, Tian Changjie mori vesh se ai nuk është njeri i kombësisë Han, ai dhe shumë bashkëfshatarë të tij janë njerëz të kombësisë Tujia. Ky fakt ngjalli interes të madh të Tian Changjies për kombësinë Tujia. Ai tha?

"Para vitit 1983, nuk e dinim që jemi njerëz të kombësië Tujia. Për të njohur historinë dhe kulturën e kombësisë Tujia, fillova të mbledhë relikte të kësaj kombësie."

Tian Changjie del shpesh jashtë shtëpisë për të gjetur relikte. Një herë ai gjeti në mal dy skulptura guri. Specialistët vërtetuan se këto dy skulptura janë paraardhësi i kombësisë Tujia Xiangwang dhe perëndesha Yanshui e legjendës. Krahas këtyre, Tian Changjie ka blerë shumë relikte të çmuara. Gradualisht reliktet e mbledhura nga Tian Changjie përfshijnë libra të lashtë, kostume, orendi shtëpiake, vegla të punës, armë etj. Në gusht të vitit 1993, Tian Changjie zhvilloi në muzeumin e kontesë "ekspozitën e relikteve të mbledhura nga Tian Changjie" ku u vendosën më se 600 relikte. Kjo ishte hera e parë e zhvillimit të ekspozitës së relikteve nga Tian Changjie. Pas përfundimit të ekspozitës, Tian Changjie ia dhuroi muzeumit të kontesë të gjitha reliktet e ekspozitës. Tian Changjie tha?

"Mbledh relikte për të njohur historinë e kombësisë Tujia dhe nuk dua t'i shes këto relikte për para. Jam i mendimit se këto relikte do të ndihmojnë më shumë njerëz të njohin historinë dhe kulturën e kombësisë Tujia."

Pas dhurimit, Tian Changjie vazhdoi të mbledhë relikte të kombësisë Tujia. Gjatë mbi 10 vjetëve, ai ka mbledhur mbi 1000 relikte. Në bazë të eksperiencës së mbledhjes së relikteve, Tian Changjie shkroi edhe librin e studimeve të kulturës së kombësisë Tujia "Bashihua".

Në festën e pranverës të vitit 2000, afro 100 kostume të kombësisë Tujia të mbledhura nga Tian Changjie tërhoqën vëmendjen e komisionit të çështjeve të kombësive dhe të feve të provincës Hubei. Në qershor të vitit 2000, në emër të kombësisë Tujia, Tian Changjie mori pjesë në Panairin e parë të kostumeve të kombësive të Kinës të zhvilluar në Kunming të Kinës. Në këtë panair provinca Hubei ekspozoi 71 kostume të kombësisë Tujia, ndër të cilat 68 erdhën nga Tian Changjie. Gjatë panairit, një biznesmen dëshiroi t'i blinte kostumet e Tian Changjies me çmim të majmë, por Tian Changjie e refuzoi.

Më 17 shtator të vitit 2001, me ndihmat e qeverisë vendëse, Tian Changjie krijoi "muzeumin privat folklorik të kombësisë Tujia". Muzeumi është një ndërtesë e vogël me 3 kate, në krahasim me muzeumet moderne të qyteteve, kushtet e muzeumit të Tian Changjies janë të thjeshta, por çdo send ka karakteristika të veçanta të pakicave kombëtare.

Gjatë mbi 20 vjetëve, Tian Changjie i ka harxhur pothuajse të gjitha të ardhurat në mbledhjen e relikteve ndërkohë që familja e tij jeton në kushte të thjeshta. Pas hapjes, muzeumi i Tian Changjies ka pritur mbi 10 mijë vizitues, ndër të cilët shumë prej tyre janë folkloristë dhe specialistë të relikteve të ardhura nga krahina të largëta. Disa vizitues e këshilluan Tian Changjien t'i shesë disa relikte për të përmirësuar kushtet e muzeumit, por Tian Changjie i refuzoi. Ai tha:

"Nuk do të shes asnjë relikt tim. Do të kapërcej të gjitha vështirësitë për t'i ruajtur mirë këto relikte sepse ato janë trashëgimi të çmuara kulturore të kombësisë Tujia."

Tian Changjie është bërë i famshëm për shkak të krijimit të muezumit folklorik, bile televizioni i Parisit i Francës erdhi në vendlindjen e Tian Changjies për të xhiruar këtë muzeum. Tani Tian Changjie ka plan ta shpërngulë muzeumin e tij në konte sepse kështu më shumë njerëz do ta vizitojnë këtë muzeum. (Fani)