Tema kryesore e këtij konkursi është "Azia e gjallërishme". Në konkurs u vendosën 8 çmime të arta të fotografive të lajmeve të befasishme, të lajmeve sportive etj. Veprat që fituan çmime vijnë nga Kina, Japonia, Tajlanda, Vietnami, Bangladeshi, Filipinet etj. dhe kanë shfaqur rezultatet e arritura në Azi në fushën ekonomike, tekniko-shkencore, kulturore etj. dhe ndjenjat e vullnetin e popullit aziatik.

Muzeumi Shtetëror i Kinës zhvilloi ekspozitën e posaçme me rastin e Ditës së trashëgimive kulturore

Korrespondentja e Radios së Jashtme të Kinës njoftoi se me rastin e 10 qershorit ? Ditës së parë të trashëgimive kulturore të Kinës, më 5 qershor, Muzeumi Shtetëror i Kinës zhvilloi në Pekin "ekspozitën e posaçme me rastin e Ditës së trashëgimive kulturore".

Në ekspozitë ekspozohen më se 100 relikte të çmuara që pasqyrojnë rezultatet e dukshme të qeverisë kineze vitet e fundit në fushën e mbrojtjes së trashëgimive kulturore.

Siç bëhet e ditur, ekspozita do të zgjasë për një muaj. Organizatori u shpreh se kjo ekspozitë do të forcojë ndërgjegjen e publikut për mbrojtjen e trashëgimive kulturore.

Do të shfaqet filmi "Kontesha" i xhiruar bashkërisht nga Kina dhe Anglia

Gazeta kineze "Xinjingbao" njoftoi se më 17 qershor, në ceremoninë e hapjes së Festivalit Ndërkombëtar të Filmit të Shangait, do të shfaqet filmi "Kontesha" i xhiruar bashërisht nga Kina dhe Anglia. Siç bëhet e ditur, aktorja që mban rolin kryesor të këtij filmi Natasha Riçardson do të marrë pjesë në këtë festival.

"Kontesha" është filmi i parë që xhirohet me investime të përbashkëta të Kinës dhe të huaja. Filmi përshkruan një ngjarje dashurie midis fisnikëve të huaj që jetonin në Shangai të Kinës në vitet '30 të shekullit të kaluar.

Pekini do të harxhojë 930 milionë juanë për të mbrojtur relikte

Gazeta kineze "Beijingchenbao" njoftoi se siç bëhet e ditur nga Drejtoria e Relikteve e Pekinit, nga viti 2000 deri në vitin 2007, Pekini do të shpenzojë 930 milionë juanë për të mbrojtur relikte. Shifër kjo e shtuar 3 herë më shumë në krahasim me shpenzimet e përgjithshme në 60 vjetët e kaluar.

Në vitin 2003, Pekini filloi të zbatojë "Planin e mbrojtjes së relikteve". Sipas këtij plani, gjatë 5 vjetëve, Pekini do të investojë çdo vit 120 milionë juanë për të mbrojtur relikte.

Pekini është një qytet i lashtë dhe ka qenë kryeqyteti i shumë dinastive të Kinës. Tani në Pekin ka shumë monumente kulturore dhe relikte. (Fani)