dëgjoni

Kur flasim për hedhurinat e restoranteve, kemi parasysh kryesisht ushqimet e mbetura në restorantet e qytetit. Është një punë shumë e vështirë për të trajtuar këto hedhurina, sepse ato janë të lagura dhe prishen shumë shpejt. Për të zgjidhur këtë problem, kohët e fundit, punonjësit kinezë të teknikës dhe shkencës, duke aplikuar teknikën moderne të mikrobiologjisë, ngritën në Pekin stacionin e parë në Kinë për trajtimin e hedhurinave të restoranteve. Ky stacion mund t'i shndërrojë këto hedhurina në lëndë të parë të cilësisë së lartë për prodhimin e plehrave organike.

Në Kinë, hedhurinat e restoranteve dhe restoranteve përbëjnë gjysmën e hedhurinave të qyteteve. Hedhurinat e restoranteve shfrytëzoheshin dikur për të ushqyer derrat, por kjo mund t'i sjellë sigurimit ushqimor rrezik shumë të madh, sepse ato mund të përmbajnë shumë mikrobe të dëmshme. Nga ana tjetër, ruajtja e këtyre hedhurinave për një kohë të gjatë tërheq miza dhe kjo ndikon negativisht në higjenën e qytetit.

Me zhvillimin e teknikës moderne të mikrobiologjisë, punonjësit kinezë të eksperimenteve shkencore kanë gjetur më në fund zgjidhjen e problemit të vështirë të trajtimit të hedhurinave të restoranteve, problem që ka qenë gjithmonë një telash i madh për qytetet e Kinës. Ata e kanë ngritur stacionin e parë të trajtimit të hedhurinave të restoranteve në lagjen Shangdi të rajonit Haidian të qytetit Pekin. Ky stacion, që trajton në ditë 1200 kilogramë hedhurina të restoranteve, mund të tretë plotësisht hedhurinat e 27 restoranteve të kësaj lagjeje.

Kompania Aksionare Gjaboven e Pekinit e shkencës dhe teknikës biologjike merret me eksperimentimin dhe aplikimin e teknikës së trajtimit të hedhurinave të restoranteve. Krye-inxhinieri i kësaj kompanie zoti Xia Yuqiao tha se stacioni i trajtimit të hedhurinave të restoranteve, që e ka ngritur kompania e tyre, trajton hedhurinat e restoranteve nëpërmjet dekompozimit të këtyre hedhurinave duke shfrytëzuar mikrobet natyrore që quhen " mikrobet A ".

"Farërat origjinale të këtij lloj mikrobesh i kemi gjetur në malësi të provincës Siçuan, prandaj, ato kanë ardhur krejtësisht nga natyra. Ato janë mikrobe të përbëra, që përmbjnë në vetvete dhjetra lloje mikrobesh. Në temperaturë dhe lagështirë të caktuar, ato tharmëtojnë ushqimet dhe i shndërrojnë ato në blloqe të reja mikroorganizmash."

Në këtë stacion të trajtimit të hedhurinave, janë ngritur 6 furra të trajtimit të mikroorganizmave me shpejtësi të lartë dhe me temperaturë të lasrtë. Çdo furrë kontrollohet automatikisht me kompyter, i cili rregullon temperaturën dhe lagështirën brenda furrës. Punëtori Li Venlong tha:

"Në radhë të parë, ne përgatisim krunde gruri dhe përziejmë ato me mikrobet A dhe pastaj hedhim ato në furrë. Pas 4 orë e gjysmë ose 5 orë trazirash të vazhdueshme, ato fermetohen. Kur thahen, hedhurinat bëhen blloqe të reja mikroorganizmash dfhe i nxjerrim."

Ai tha se mikrobet A shumëzohen vazhdimisht në kushtete të përshtatshme dhe " hanë " hedhurinat në të njëjtën kohë të shumëzimit të tyre. Korrespondenti ynë vuri re se dilnin vazhdimisht blloqe mikrobesh nga pjesa e poshtme e furrave. Këto mikrobe që quhen " mikroorganizma aktive ", kanë ngjyrë të verdhë dhe lëshojnë një erë të lehtë vaji. Ato do të përdoren si lëndë e parë me cilësi të lartë për prodhimin e plehrave organike. Korrespondenti ynë preku me dorë dhe ndieu se ato nuk ngjiten në dorë dhe janë shumë të pastra.

Mësohet se, pasi shtohen disa mikro-elemente, këto blloqe mikroorganizmash aktive shndërrohen në plehra organike me efekt të lartë. Zv-kryeinxhinieri i seksionit të teknikës së plehrave pranë Kompanisë Aksionare Gjaboven të Pekinit të shkencës dhe teknikës biologjike, zoti Lu He tha se, meqenëse blloqet e mikroorganizmave aktive asimilojnë një sasi të madhe energjish krahas tretjes së hedhurinave të restoranteve, plehrat organike të prodhuara me ato si lëndë e parë kanë aftësi të shpejtimit të rritjes së bimëve dhe të shtimit të rezistencës së bimëve kundër sëmundjeve.

"Kur futen brenda dheut, këto blloqe mikrobesh aktive shumëzohen shpejt në temperaturë të përshtatshme. Në këto rrethana, ato bëhen mikrobe me epërsi, të cilat grumbullohen rreth rrënjëve të bimëve dhe pengojnë futjen e mikrobeve të dëmshme. Prandaj pakësojnë sëmundjet e bimëve. Krahas kësaj, si rezultati i shumëzimit të këtyre mikrobeve, përmirësohet mjedisi rreth rrënjëve të bimëve dhe disa substanca metabolizmi, të sekretuara nga ato, mund të stimulojnë rritjen e rrënjëve të bimëve. Rritja dhe zhvillimi i mirë i rrënjëve janë shumë të dobishme për rritjen e bimëve."

Siç rezultoi nga provat e shumta, me përdorimin e këtyre plehrave organike me efekt të lartë, rendimenti i tokës së mbjellë me luleshtrydhe rritet rreth 4 herë dhe rendimenti i plantacioneve të mollës shtohet 3 tonë për hektar. Dhe përqindja e sheqerit në to ngrihet dukshëm.

Kjo teknikë e trajtimit të hedhurinave të restoranteve ka perspektivë të madhe. Për të përmirësuar më tej mjedisin dhe për të pritur lojërat olimpike të vitit 2008, administrata e qytetit Pekin do të aplikojë gjerësisht këtë teknikë, në mënyrë që, deri vitit 2008, në gjithë qytetin të realizohet trajtimi i hedhurinave të restoranteve me këtë teknikë. ( Zheng )