Notarja e njohur kineze Le Jingyi është notarja tjetër e shkëlqyer e Kinës pas notareve të njohura kineze Zhuang Yong dhe Yang Wenyi. Gjatë karrierës së saj sportive, Le Jingyi ka vendosur gjithsej 5 rekorde botërore. Ajo ka lindur në qytetin Shangai në vitin 1975 dhe filloi ta mësonte notin kur ishte vetëm 7 vjeçe. Në vitin 1988, ajo hyri në ekipin e Shangait për t'u stërvitur profesionalisht. Me paraqitje të qëndrueshme, Le Jingyi hyri në kombëtaren kineze të notit në vitin 1991 dhe një vit më pas, në Lojërat Olimpike të Barcelonës, Le Jingyi fitoi një medalje të argjendtë në stafetën e stilit të lirë për femra 4x100 metra, duke u bërë kryenotarja e kombëtares kineze.

Medalja e parë e artë e Le Jingyi-s u fitua në vitin 1993 në Spartakiadën Botërore të Studentëve dhe emri i saj filloi të bëhej i njohur në botës. Në fund të vitit 1993 në kampionatin e parë botëror të notit në pishinë të shkurtër, ajo u paraqit shumë mirë dhe fitoi 5 medalje të arta, duke e habitur të gjithë botën. Në vitin 1994 në kampionatin botëror të notit, Le Jingyi fitoi katër medalje të arta dhe në vitin 1995, në kampionatin e dytë botëror të notit në pishinë e shkurtër, ajo fitoi 3 medalje të arta. Gjëja më e çuditshme këtu ishte që medaljet e arta ishin në formë katërshe dhe stadiumi ishte ndërtuar në mënyrë veçantë.

"Kampionati u zhvillua në Rio de Janeiro të Brazilit dhe pishina u ndërtua pranë plazhit, ajo ishte e përkohshme dhe uji ishte pak i kripur." kujton Le Jingyi.

Por kjo pishinë me ujë të kripur i dha asaj një ndihmë të veçantë. "Brazili është shumë larg dhe harxhova afro 38 orë udhëtim dhe nuk kisha asnjë ditë pushim para kampionatit. Por kur pashë këtë pishinë të veçantë, më erdhi një energji e jashtëzakonshme dhe më pas u shfaqa shumë mirë."

Për Le Jingyi, një medalje më e rëndësishme është ajo që u fitua në vitin 1994 në kampionatin e 7-të botëror të notit. Ky kampionat ka një rëndësi të madhe për notin kinez dhe konsiderohet si gur kilometrashi në historinë e notit kinez. Pas Lojërave Olimpike të vitit 1992, kryenotaret kineze u larguan gradualisht nga noti dhe notaret e reja të udhëhequra nga Le Jingyi filluan të luanin rol kryesor në kombëtaren kineze. Në atë kampionat, Le Jingyi fitoi 4 medalje të arta, duke vendosur 4 rekorde të reja botërore. "Në vitin 1994, u vendos statusi im në notin botëror dhe unë po bëhesha një lule e artë në gjirin e notareve." Le Jingyi i tregoi gazetarit: "Kjo nuk është vetëm një arritje vetiake, por është fakt, epoka e artë e notit kinez."

Në vitin 1995, për shkak të rezultate të mira, Le Jingyi u përcaktua bashkë me 5 sportistë të vendeve të tjera si kandidate për Çmimin "Jesse Owens", gjë që është një nder i veçantë për të gjithë sportistët.

Në vitin 1996 në Lojërat Olimpike të Atlantës, Le Jingyi arriti kulmin e karrierës së saj sportive, ajo bëri të vetin titullin kampion në garën e stilit të lirë 100 metra, duke thyer rekordin olimpik, mori një medalje të argjendtë në garën e stilit të lirë 50 metra dhe fitoi një medalje të argjendtë në stafedën e stilit të lirë 4x100 metra. Deri këtu, Le Jingyi i ka fituar të gjithë tituj kampion të botës.

Në vitin 1998, Le Jingyi u largua nga noti dhe shkoi në SHBA për studime universitare. Në shtetin e Kalifonisë, Le Jingyi hyri në një klub noti dhe punonte aty si asistent-trajnere. Në SHBA, pasioni i banorëve vendës për notin i la asaj përshtypje të thella dhe ajo vendosi të hapë një shkollë noti në Kinë.

Në fillim të vitit 2006, Le Jingyi u kthye në vendlindjen e saj dhe, bashkë me ish-shokun e saj të ekipit, hapi një klub sportiv "Shen Naijian". Le Jingyi i tha gazetarit duke buzëqeshur: "Krahas disa ushtrimeve aerobike, kemi edhe kurse të ndryshme për sportdashësit. U gëzova shumë kur pashë se pishina ishte plot me njerëz."

Megjithatë, Le Jingyi planifikon të hapë edhe një shkollë profesioniste të notit: "Me eksperiencnë e pasur që kam unë, dëshiroj që në të ardhmen të përgatis vet disa notarë të shquar për Kinën." (Jiang Lei)