dëgjoni

Kënga që po dëgjoni është një këngë popullore e kombësisë Han të provincës Guizhou me titull "Rrafshënaltë, shtëpia ime". Kjo këngë e rrjedhshme e kumbuese me karakteristika të theksuara vendore shpreh dashurinë e banorëve të kësaj province për vendlindjen e tyre. Në këngë thuhet : "Malet aty janë më të bleruara, rrezet e diellit aty janë më të ngrohta, vajzat aty janë aq të bukura, dhe djemtë aty janë aq të shëndetshëm. Në atë rrafshnaltë ndodhet shtëpia ime."

Në rrafshnaltën e bukur dhe të gjelbër magjike në jug-perëndim të Kinës ndodhet provinca Guizhou me panorama të bukura dhe klimë të këndshme, ku jetojnë banorët e kombësive Han, Miao, Buyi, Dong dhe mbi 10 kombësive të tjera. Secila kombësi ka stilin e vet të muzikës dhe koreografisë.

Kombësia Miao është një pakicë kryesore kombëtare që jeton në zonat malore të kësaj province, prandaj kënët e tyre popullore janë kryesisht këngë malësore. Meloditë e këngëve malësore janë të larta, kumbuese dhe plot forcë. Tani ju ftoj të dëgjoni këngën "Dashurojmë kur jemi të rinj".

dëgjoni

Kënga që po dëgjoni titullohet "Dashurojmë kur jemi të rinj". Të rinjtë dhe të rejat këndojnë duke pyetur dhe u përgjigjur, kjo është një formë e shprehjes së dashurisë. Në këtë këngë thuhet: "Eja shpejt, më merr malli për ty. Dashurinë time e kam ruajtur në zemër, por nuk guxoj të ta them hapur ty. Ka ardhur pranvera, është gjelbëruar pema, zogjtë po cicërojnë dhe orizoret janë mbushur me ujë. Unë u detyrova të shpreh ndjenjat e mia me këngë."

Kombësia Dong është gjithashtu një kombësi që jeton në provincën Guizhou dhe ka një kulturë dhe art të pasur dhe të larmishëm. "Dagë", që në gjuhën shqipe do të thotë "Këngë e madhe", si pjesa më e mirë e këngëve popullore të kësaj kombësie, ka përmbajtje dhe formë shprehëse që lidhen ngushtë me zakonet e shprehitë, me karakteristikat dhe me mjedisin ku jeton kjo kombësi. " Dagë" këndohet të paktën nga 3 veta, është polifonike dhe nuk shoqërohet me vegla muzikore. Ajo i këndon natyrës, punës, dashurisë dhe miqësisë, prandaj shpreh harmoninë midis njeriut dhe natyrës ose midis njerëzve. Tani ju ftoj të dëgjoni këngën e këtij lloji me titull " Gushti i bukur".

dëgjoni

Në këngë thuhet: Në gushtin e bukur, bulkthat vallëzojnë dhe zogjtë e vetmuar këndojnë. Miqtë e ngushtë e kuptojnë njëri tjetrin, pa ndjenja nuk ka të qeshura gazmore."

Në fund të programit do të dëgjojmë së bashku këngën e kombësisë Buyi me titull: "Lulet e kombësisë sonë janë të kueqe"

dëgjoni

Ju flet Radio e Jashtme e Kinës. Të dashur dëgjues, ju fola për disa këngë popullore të provincës Guizhou të Kinës. Mirudëgjofshim të shtunën tjetër, në mikrofon për ju Pina.