Të dashur dëgjues, sapo u mbushën 37-vjetë nga fillimi i emisioneve të Radios së Jashtme të Kinës në gjuhën shqipe.

Jam Huailu, si një nga themelueset e para të redaksisë së RJK në gjuhën shqipe që së shpejti do të dalë në pension, është hera e fundit që e përgëzoj këtë ditë të shënuar si anëtare e parë e kësaj redaksie.

37 vjetë më parë, në vitin 1969, në ditët e para të transmetimit të emisioneve të gjuhës shqipe, në redaksinë e gjuhës shqipe punonin vetëm dy specialistë shqiptarë Kristaq Teneqexhiu dhe Vasilika Teneqexhiu dhe 6 anëtarë kinezë që ishin Cai Zhumiao, Zheng Zhongshy, Sun Ëanhu, Guo Min, Zhang Dakui dhe Zhai Huailui.

Specialisti shqiptarë Kristaq Teneqexhiu ka ardhur dy herë në Kinë dhe ka punuar gjithësej 14 vjet në redaksinë tonë duke i dhënë redaksisë një ndihmë të jashtëzakonshme nga ana gjuhësore. Edhe gruaja e tij Vasilika ka punuar për 7 vjet në redaksinë tonë, e cila gjithashtu ka dhënë një ndihmë të madhe në transmetimin e emisioneve të gjuhës shqipe. Rë dy së bashku kanë dhënë një kontribut të madh dhe të cmuar nga ana gjuhësore për emisionet tona të gjuhës shqipe. Pas tyre, kanë ardhur me rradhë edhe disa specialistë të tjerë nga Shqipëria dhe Kosova. Njëri prej tyre ka qemë spikeri i njohur i Radio - Tiranës Navzat Dibra. Ai u ka dhënë folësve kineze një ndihmë shumë të madhe nga ana e transmetimit të zërit në radio dhe deri më sot redaksia ende ruan incizimet e emisoneve të tij në mënyrë që të rinjtë të mësojnë nga ai nga ana e të folurit në radio. Tani, edhe z. Ruzhdi Stringa do të përfundojë punën e tij 6 - vjeçare si specialist i gjuhës shqipe. Me punën e tij të palodhshme edhe ai ka dhënë një kontribut të madh për emisionet e gjuhës shqipe nga pikëpamja e cilësisë gjuhsore. Më 26 dhjetor 2003, emisionet e Radios së Jashtme të Kinës në gjuhën shqipe filluan të publikohen edhe në faqen elektronike të internetit dhe më 5 mars 2004 u hapën emisionet e gjuhës shqipe në vale të mesme. Nga 24 prilli i këtij viti, emisionet tona në valë të shkurtra nga ora 20 deri në orën 21 sipas orës së Tiranës janë zgjatur nga gjysmë ore në një orë. Krahas zhvillimit dhe shtimit të punës së redaksisë sonë, puna në redaksi kishte më shumë nevojhë për ndihmën e specialistëve shqipatarë, kështu na erdhën për ndihmë z. Artan Koka dhe zonjusha Eva. Puna e tyre e palodhshme janë ndihmë dhe kontribut i madh për përmirësimin e emisioneve të gjuhës shqipe dhe të gjithë anëtarët e redaksisë shprehin mirënjohjen e tzre për ndihmën e marrë nga këta specialistë shqiptarë.

Nga themeluesit e parë të redaksisë të emisioneve të gjuhës shqipe, z. Cai Zhumiao u nda prej nesh para disa vjetësh nga një sëmundje në zemër. Z. Zheng Zhongshv ka dalë në pension disa vjet më parë, por vazhdon të preokupohet për emisionet tona në gjuhën shqipe duke e ndihmuar redaksinë në përkthimin e artikujve dhe në përgatitjen e anëtarëve të rinj. Z. Guo Min dhe Sun Wanhu janë transferuar përkatësisht para 20 vjetësh në Gjykatën e lartë të popullit kinez dhe në Ministrinë e Shkencës dhe të Teknologjisë së Kinës. Z. Guo ka punuar si shef i sektorit të jashtëm të Gjykatës së Lartë të Popullit Kinez dhe z. Sun ka punuar si zv-kryetar i degës së bashkëpunimit ndërkombëtar të Ministrisë së Shkencës dhe teknologjisë të Kinës. Tani edhe këta të dy kanë dalë në pension. Duke folur për redaksinë dhe emisionet e gjuhës shqipe, z. Guo Ming na tha : "Megjithëse kam rreth 20 vjet që nuk jam marrë me gjuhën shqipe, përsëri rruaj një dashuri të madhe për popullin shqiptar dhe interesohem shumë për Shqipërinë dhe për emisionet e Radios së Jashtme të Kinës në gjuhën shqipe, duke marrë pjesë shpesh në aktivitetet e organizuara nga redaksia e RJK të gjuhës shqipe. Z.Çang Dankui, pas daljes në pension vitin e kaluar, largohet për në SHBA tek e bija e tij.

Tani nga themeluesit e parë të redaksisë vazhdon akoma të punojë për emisionet e gjuhës shqipe zj. Huailu dhe deri në fund të këtij viti, edhe ajo do të dale në pension.

Gjatë 37 vjetëve të fillimit të emisioneve të Radios së Jashtme të Kinës në gjuhën shqipe, redaksia jonë ka pasur një zhvillim shumë të madh, janë shtuar vazhdimisht anëtarë të rinj dhe tani ka gjithësej l3 anëtarë, ndër ta, 7 janë studentë të diplomuar në vitin 2004 nga Universiteti i Gjuhëve të Huaja të Pekinit. Gjatë praktikës afro 2 - vjeçare, ata kanë arritur një përparim të madh në gjuhën shqipe dhe kanë punuar në mënyrën krijuese për pasurimin e përmbajtjeve, fotografive dhe për rregullimin e faqes së internetit të Radios së Jashtme të Kinës në gjuhën shqipe. (Zhai)