dëgjoni

Aktualisht zhvillohen me hap të qëndueshëm punët e ndryshme përgatitore të Lojërave të 29-ta Olimpike 2008. Javën e kaluar, Komisioni i Koordinimit për Lojërat e 29-ta Olimpike, pranë Komitetit Olimpik Ndërkombëtar, për përgjigjet për mbikëqyrjen dhe drejtimin e punët përgatitore të Lojërave Olimpike, zhvilloi plenumin e 6-të në Pekin. Në këtë mbledhje, pas vlerësimit për punët e ndryshme përgatitore për Lojërat Olimpike të Pekinit, u shpreh kënaqësi për punët e Pekinit në këtë drejtim.

Ndërtimi i stadiumeve e pallateve sportive është një nga punët kryesore gjatë përgatitjes së Lojërave Olimpike të Pekinit 2008. Gjatë plunumit të 6-të të Komisionit të Koordinimit, anëtarët e tij inspektuan kantierwt e ndwrtimit të stadimeve e pallateve sportive olimpike, duke përfshirë stadiumin kombëtar "Çerdhe zogjsh" dhe qendrën kombëtare të notit "Kub Uji", etj., duke ndienë nga afër përparimet e dukshme të ndërtimit të këtyre ndërtesave simbolike, që Pekini ndërton posaçërisht për Lojërat Olimpike 2008.

Kryetari i Komisionit të Koordinimit, Hein Verbrugen tha:

"Kur pamë atypëraty pamje të ndërtimit 'Çerdhe zogjsh' dhe 'Kub Uji', nuk gjetëm ndonjë fjalë të tjetër të përshtatshme përveç 'habitje' për të përshkruar ndienjat e atëhershme. Mendoj se 'Çerdhe zogjsh' do të bëhet ndërtesa simbolike të këtij qyteti, ashtu si Teatri i Sidnejit."

Sipas projektimit të Komitetit Organizativ të Lojërave Olimpike të Pekinit, sivjet theksi i punëve përgatitore ndryshon nga faza e planifikimit në fazën e funksionimit konkret. Pas dëgjimit të raportimit nga Komiteti Organizativ të Lojërave Olimpike të Pekinit, Verbrugen është i mendimit se janë të kënaqshme projektimet e sakta për punët e ndryshme konkrete si dhe zbatimi i tyre dhe, më e rëndësishmja është që pala e Pekinit ka dëshirë të dëgjojë propozimet e vlefshme të Komitetit Olimpik Ndërkombëtar. Ai tha se Pakini mëson aktivisht nga përvoja ndërkombëtare dhe kjo vet mishëron kujdesjen dhe respektimin ndaj të gjithë pjesëmarrësit e Olimpiadës.

"Duhet të pohoj se komiteti organizativ, me të cilin ne bashkëpunojmë, tregon cilësi shumë të lartë dhe anëtarët e këtij komiteti janë shumë të shquar. Mund të ndiejmë lehtësisht faktin se ata kujdesen për të gjithë pjesëmarrësit e Olimpiadës, të cilët përfshijnë jo vetëm sportistët, shoqatat ndërkombëtare të disiplinave sportive dhe organizatat olimpike të vendeve të ndryshme, por edhe ne Komiteti Olimpike Ndërkombëtar. Pekini përpiqet të plotësojë kërkesat e të gjitha pjesëmarrësve të Olimpiadës."

Verbrugen vuri në dukje gjithashtu një fakt që gëzon shumë përfaqësuesit e Komitetit Olimpik Ndërkombëtar, që pala e Pekinit u kushton rëndësi të madhe ndikimeve të thella të Lojërave Olimpike për Pekinin dhe bile, për Kinën.

"Ndoshta kjo është hera e parë që ndiejmë entusiazmin aq të fortë të një komiteti organizativ për trashëgiminë e Olimpiadës, të mbetura për këtë qytet organizator. Kemi dëgjuar shtjellimin e saktë të palës së Pekinit për trashëgiminë olimpike , që përfshin jo vetëm ato materiale, si stadiume e pallate sportive, por edhe ato jo-materiale, si mjedis, teknikë dhe administrim. Ndieva se komiteti organizativ i Lojërave Olimpike të Pekinit po zbaton konceptin e tyre 'Olimpiada e gjelbër, teknike dhe humanitare'."

Sipas planit, sivjet komiteti organizativ i Lojërave Olimpike të Pekinit do të përcaktojë projektet e ceremonisë së hapjes dhe asaj të mbylljes dhe do të organizojë si duhet gara përkatëse ekeperimentale. Ky komitet organizativ do të ngushtojë më tej lidhjet me organizata përkatëse, do të vazhdojë të përhapë edukimin olimpik ndër 400 milionë të rinj kinezë dhe do të forcojë ndërtimin urbanistik dhe të mjedisit.

Mësohet se para hapjes së Lojërave Olimpike të Pekinit 2008, Komisioni i Koordimit do të vizitojë Pekinin dy herë në vit dhe nëpërmjet këtij komisioni, Komiteti Olimpik Ndërkombëtar do të vazhdojë të ndihmojë dhe të drejtojë punët përgatitore të Lojërave Olimpike 2008. (Wang Lei)