dëgjoni

Gazeta kineze "Xinjingbao" njoftoi se më 23 maj, Shoqata e Shkrimtarëve e Rusisë u dha 10 përkthyesve kinezë të letërsisë ruse si Gao Mang, Zhang Jianhua etj. medaljen "Gorki".

Çmimi "Gorki" është një çmim i rëndësishëm që jepet nga Shoqata e Shkrimtarëve e Rusisë për të vlerësuar kontributin e figurave të huaja në fushën e përkthimit dhe të studimit të letërsisë ruse. Kina është një nga vendet e botës që kanë përkthyer shumë vepra letrare ruse dhe ka shumë lexues që e duan letërsinë ruse.

U hap ekspozita e rezultateve të mbrojtjes së librave të lashtë kinezë

Korrespondenti i Radios së Jashtme të Kinës njoftoi se më 26 maj, filloi të zhvillohet në Bibliotekën Shtetërore të Kinës në Pekin ekspozita e rezultateve të mbrojtjes së librave të lashtë kinezë e organizuar nga Ministria e Kulturës e Kinës.

Kjo ekspozitë është ekspozita e përmasave më të mëdha e rezultateve të mbrojtjes së librave të lashtë deri sot në Kinë ku janë vendosur më se 200 libra të çmuar të lashtë kinezë duke përfshirë dorëshkrime të historianit të famshëm kinez në shekullin e 11-të Sima Guang etj. Ekspozita tregon edhe mënyrat e mbrojtjes së librave të lashtë në Kinë.

Qysh nga viti 2002, qeveria kineze filloi të zbatojë "Programin e mbrojtjes së librave të lashtë". Deri tani janë mbrojtur mbi 500 libra të çmuar të lashtë.

Ekspozita do të mbyllet më 25 qershor.

U zhvillua në Pekin festivali ndërkombëtar i karikaturës

Korrespondentja e Radios së Jashtme të Kinës njoftoi se nga 25 deri më 28 maj, u zhvillua në Universitetin e Medias të Kinës në Pekin Festivali i parë ndërkombëtar i karikaturës i studentëve i Kinës. Në këtë festival morën pjesë karikaturistë dhe studiues të ardhur nga SHBA-ja, Japonia, Kanadaja, Gjermania etj.

Gjatë festivalit u zhvilluan ekspozita e karikaturave, simpoziumi shkencor, ceremonia e krijimit të qendrës së karikaturës aziatike etj. Krahas këtyre, në festival u dhanë disa çmime për veprat e shquara të karikaturës dhe karikaturistët që kanë dhënë kontribut të madh për zhvillimin e karikaturës botërore.

U hap në Kinë muzeumi i parë i kulturës Shaman në botë

Agjencia kineze e lajmeve Hsinhua njoftoi se ditët e fundit, u hap në Universitetin Changchun të provincës Jilin të Kinës verilindore muzeumi i parë i kulturës Shaman në botë.

Në muzeum paraqitet kryesisht kultura Shaman dhe zakonet e kombësive Xibo, Hezhe, Elunchun, Dawoer etj. në veri të Kinës.

Shamanismi është një nga fetë më të lashta botërore. Sipas statistikave, sot në dhjetëra vende dhe rajone të botës ekziston kultura Shaman, prandaj kjo kulturë është një kulturë botërore. Në Kinë kultura Shaman është kultura e veçantë e pakicave kombëtare në veri të vendit. (Fani)