"Edhe në qarkun tonë po bëhen përpjekje për zhvillimin e bujqësisë ekologjike. Kjo do të thotë që, në kushtet paraprake të mosndryshimit dhe mosshkatërrimit të llojeve biologjike të mëparshme dhe duke u nisur nga vendburimet vendore, të zgjidhen llojet e mira biologjike që janë të përshtatshme për zhvillimin e krahinës sonë, të formohet një model i zhvillimit të bujqësisë së industrializuar, të realizohet rritja e prodhimit bujqësor në përputhje me kërkesën e tregut dhe të shtohen të ardhurat e fshatarëve."

Në qarkun Honghë të sotëm, në saje të zhvillimit të bujqësisë ekologjike, fshatarët kultivojnë bimët industriale dhe të ardhurat e tyre janë shtuar shumë. Meqenëse fshatarët kultivojnë me entuziazëm të madh rrushin, dy fabrikat e prodhimit të verës të provincës Junan kanë rritur shumë prodhimtarinë e tyre dhe vëllimi vjetor i prodhimit ka arritur në 190 milionë juanë. Mishërimi më i mirë i zhvillimit të bujqësisë ekologjike në qarkun Honghë është shfrytëzimi gjerësisht i bimëve industriale, si bananja, kumbulla, rrushi, shega, mandarina dhe portokalli, si dhe krizantema kundër krimbave, lulja e abazhurit e të tjera.

Zoti Bai Baoxing tha se, për zonat kufitare, siç është qarku Honghë, zhvillimi i bujqësisë ekologjike është një rrugë shumë e mirë për shtimin e të ardhurave të fshatarëve dhe për ndërtimin e fshatit të ri.

"Në saje të zhvillimit të bujqësisë ekologjike, ka ndryshuar mënyra e mëparshme primitive e kultivimit të kulturave bujqësore duke prerë dhe duke djegur pyjet, ndërsa fshatarët kanë filluar të pasurohen duke u mbështetur në shfrytëzimin e materialeve të maleve dhe malet janë gjelbëruar. Fshatarët pasurohen, duke përpunuar produktet bujqësore në fabrika. Ky është një qarkullim i mirë për zhvillimin e ekonomisë nëpërmjet përpunimit të produkteve bujqësore në përputhje me mbrojtjen e mjedisit ekologjik."

Në kontrast me provincën Junan, rajoni autonom Guangsi-xhuang, që gjithashtu gjendet në zonat kufitare jugperëndimore të Kinës, është një rajon i madh bujqësor, ku mungojnë vendburime të zakonshme të energjisë. Në fund të shekullit të kaluar, administrata e rajonit autonom Guangsi-xhuang përcaktoi rrugën e ndërtimit të vatrave ekologjike të fshatarëve duke ndihmuar fshatarët për shfrytëzimin e gazit metan.

Fshati Fuduotang i distriktit Pubei të rajonit Guangsi është një fshat i njohur në gjithë rajonin për mjedisin e tij ekologjik. Secilia nga 30 familjet e këtij fshati ka filluar të përdorë metanin. Sekretari i organizatës bazë të partisë për këtë fshat,Ven Shouyuan tha se, me përdorimin e gazit metan, është zgjidhur problemi i energjisë së fshatit, përndryshe, shumë drurë të maleve do të ishin prerë për lëndë djegëse. Hauzet e metanit ata i kanë ndërtuar në të njëtën kohë me përmirësimin e rrugëve, nevojtoreve dhe stallave, me qëllim që të zbukurohej edhe pamja e fshatit. Sot fshatarët e fshatit Fuduotang përdorin metanin për gatimin dhe për ndriçim, ndërsa fundërrinat e ngurta dhe të lëngëta mund të përdoren si ushqime për peshqit dhe si plehra organik. Me përdorimin e këtij plehu, pemët japin fruta të mëdha dhe të ëmbëla dhe rendimenti rritet shumë, nga ana tjetër, evitohet edhe ndotja e mjedisit. Një shembull i mirë në këtë drejtim është Lizhi, një lloj fruti tropikal. Lidhur me këtë, ai tha:

"Fruta Lizhi, që prodhojmë duke përdorur fundërrinat e metanit si pleh organik, shitet mirë në treg, 2 juanë për një kilogram, dy herë më e shtrenjtë se ajo e zakonshme. Në vitin 2004, lizhi që prodhohen në fshatin tonë, filluan të eksportohen."

Me zbatimin e direktivave politike për ndërtimin e fshatit të ri, ka ndryshuar shumë pamja e fshatrave siç është fshati Fuduotang i distriktit Pubei. Sot në shumë fshatra, nuk duket më mjedisi i ndotur, që e quanim "mjedis i ndyrë, i turbullt dhe i keq". Kanë ndryshuar konceptet e vjetra tradicionale të fshatarëve dhe është ngritur edhe cilësia e jetesës së tyre. Me shfrytëzimin e metanit në zhvillimin e ekonomisë, kultivimi i pemëve dhe perimeve po zhvillohet nga mënyra tradicionale drejt mënyrës ekologjike dhe si rezultat, të ardhurat e fshatarëve janë shtuar dhe përqindja e gjelbërimit të tokës në rajonin Guangsi është rritur në 41% nga 22% që ishte në vitin 1980. Sido qoftë parulla jonë, "Zhvillimi i bujqësisë ekologjike" apo "Ndërtimi i vatrave ekologjike", ka për qëllim të shpejtohet zhvillimi i prodhimit bujqësor. Vetëm në kohën kur fshatarët të pasurohen, do të ngrihen më tej shprehitë e kulturuara në fshat, do të pasurohet pamja e fshatit dhe do të realizohet demokratizimi i administrimit të fshatit. Dhe shembuj të tillë po shtohen gradualisht në krahinat perëndimore relativisht të prapambetura, siç janë provinca Junan dhe rajoni autonom Guangsi.

Kryetari i administratës së qarkut Dali të provincës Junan, Zhao Lixiong tha se qyteza Xizhong e qarkut Dali, që ndodhet pranë zonës piktoreske Hudjequan, që do të thotë "Burimi i fluturave", ka gjetur një rrugë të veçantë zhvillimi, duke shfrytëzuar punimet artistike me flutura dhe produktet e ngjyrosjes me karakteristikat e kombësisë Bai. Të ardhurat mesatare për frymë të fshatarëve në periferi të qytezës kanë arritur në 10,000 juanë në vit. Krahas ngritjes së nivelit të jetesës së fshatarëve, nën drejtimin e administratës së qytezës, fshatarët i kanë gjelbëruar të dyja anët e të gjitha rrugëve të fshatrave me punën e tyre vullnetare dhe me fondin e grumbulluar nga ata. Sot të gjitha familjet e këtushme përdorin ujë të ujësjellësit dhe pamja e fshatrave është e rregullt dhe e pastër, pa asnjë dallim nga qyteti.

"Familjet e këtushme kanë ndërtuar shtëpi me stilin e kombësisë Bai dhe 95% e familjeve kanë përmirësuar kushtet e banimit. Turistëve u kanë përlqyer shtëpitë e këtushme, me pamje të jashtme të stilit të kombësisë Bai dhe me mobilje moderne brenda. Në fshatrat e këtushëm, janë përsosur rregullat e administrimit demokratik dhe organizatat e ndryshme. Të moshuarit gëzojnë subvencione, prandaj jetesa e tyre është e siguruar. Shprehitë e njerëzve në fshat janë të kulturuara dhe administrimi i gjithçkaje shkon sipas rregullave." (Zheng)