Në fillim do të dëgjojmë këngën "Të shijojmë rakinë e re". Në vjeshtë, banorët punëtorë të kombësisë Zhuang pinë rakinë e re të prodhuar me orizin e ri në trzeya të shtruara me rastin e korrjeve të bollshme, duke iu dehur edhe zemrat. Kjo këngë pasqyron ndjenjat e gëzueshme dhe të ëmbla të njerëzve.

Rajoni Autonom Guanxi-zhuan ndodhet në pjesën jugperëndimore të Kinës. Aty ka male të blerta e lumenj të bukur, dhe në të jetojnë banorët e mbi 10 kombësive, si të kombësive Han, Zhuang, Miao, Dong etj. Që në kohët e lashta Guangxi quhej "det i këngëve", ku ekzistojnë zakonet e shprehjes me këngë të dashurisë, të ndjenjave miqësore, të kallëzimit të ngjarjeve të ndryshme etj. Atje ndesh shprehjen popullore "Shpjegojmë historinë duke kënduar, shkruajmë letrën e dashurisë me këngë, i konsiderojmë këngët e maleve si bukë dhe i kalojmë festat duke kënduar."

Kënga që po dëgjojmë titullohet : "Këngët e ëmbla të malësisë transmetojnë dashurinë". Kënga me melodinë e lartë dhe të bukur shpreh dashurinë e të rinjve të transmetuar me këngë. Në këngë thuhet: "Sot këndojmë së bashku në shpate mali, duke shprehur dashurinë tonë. Oh djalosh përballë, po këndoj një këngë malësie për ty, dhe pres që të më përgjigjesh. Këto këngë të ëmbla malësore përcjellin dashurinë tonë."

Tani do të dëgjojmë së bashku një këngë popullore që është e përhapur gjerësisht në zonën e kombësisë Zhuang me titull: "Kënga malësore Liaolue". Kjo këngë humoristike dhe e hareshme tregon se si një grup vajzash po ngacmojnë me dashamirësi një djalë, që nuk di se si ta shprehë dashurinë e tij për vajzën që do.

Në viset e kombësisë Zhuang jeta e banorëve nuk ndahet nga kënga, në ditë feste dhe në dasma kudo dëgjohen këngët e bukura popullore me aromën e këndshme të tokave. Më poshtë do të dëgjojmë këngën "Kënga e pyetjeve" që këndohet në dasma. Kur vijnë njerëzit e dhëndrit duke i rënë daulles dhe gongut për të marrë nusen, fshatarët e fshatit të nuses nuk i lejojnë ata ta marrin lehtë vajzën e tyre, edhe dhëndri duhet të këndojë këngë malësore për t'iu përgjigjur pyetjeve të tyre. "Kënga e pyetjeve" është një këngë malësore e gjallë, me ritme të lehta dhe me karakteristika nacionale, për ta pyetur dhëndrin. (Pina)