Ju flet Radio e Jashtme e Kinës. Të dashur dëgjues, ju përshëndes përsëri në rubrikën "Fakte nga jeta". Në programin e sotëm do t'ju paraqes disa lajme ekonomike.

Do të zhvillohet në Pekin konkursi i teknikës së kontrollit dixhital

Në mes të tetorit të këtij viti do të zhvillohet në Pekin konkursi i dytë i teknikës së kontrollit dixhital. Në këtë konkurs do të marrin pjesë më shumë se 100 mijë konkurrues nga një mijë ndërmarrje prodhuese dhe një mijë shkolla profesionale.

Produktet e prodhuara nga të huajt me marka kineze

Do të hapet në Pekin një panair i teknologjisë. Kompania TCL do të marrë pjesë për herë të parë në panairin e teknologjisë të Pekinit si një markë kineze dhe do të paraqitë produktet e industrisë së televizionit të skicuara nga grupi i famshëm francez "Tim Thom".

Grupi "Tim Thom" është prodhues dhe lider i modës në Evropë, shumë vepra të të cilit janë mbledhur nga muzeumi shtetëror i Francës.

Logoja e këtij grupi në gjuhën kineze është "Ti Tang", të cilën kinezët e kanë të lehtë ta njohin.

Kompania gjermane SAP nënshkroi marrëveshjen e bashkëpunimit me grupin Dong Ruan të Kinës

Ditët e fundit, kompania gjermane SAP që merret me ofrimin e softeve të manaxhimit të ndërmarrjeve dhe të projekteve të biznesit, ka nënshkruar marrëveshjen e bashkëpunimit strategjik me grupin "Dong Ruan" të Kinës. Kështu kompania SAP do të jetë investuesi strategjik i grupit "Dong Ruan".

Grupi "Yi Çi" do të zgjerojë bashkëpunimin strategjik me kompaninë TOYOTA të Japonisë

Ditët e fundit, menaxheri i përgjithshëm i grupit "Yi Çi" Liu Chunhui u shpreh se mbështetur zhvillimin e pavarur, grupi "Yu Çi" do të zhvillojë vazhdimisht bashkëpunimin strategjik me kompaninë TOYOTA të Japonisë në fusha të ndryshme, si në fushën e hulumtimit të produkteve, në fushën e logjistikës, në fushën e informacionit etj.

Bashkëpunimi midis grupit "Yi Çi" dhe kompanisë TOYOTA mund të quhet shembull i përfitimit reciprok të ndërmarrjeve kino-japoneze. Grupi "Yi Çi" ka përfituar shumë dhe ka marrë përvojë në hulumtimin e produkteve dhe në zhvillimin e tregut nga kompania TOYOTA, ndërsa kjo e fundit ka njohur më mirë tregun e Kinës nëpërmjet bashkëpunimit me grupin "Yi Çi".

Në Dong Guan të provincës Guang Dong ka më shumë se 300 mijë organizata ekonomike

Siç mësohet, tani në Dong Guan të provincës Guang Dong ka më shumë se 300 mijë organizata ekonomike të reja me fonde të regjistruara prej 53,5 miliardë yuanësh. Këto organizata janë të fushave të ndryshme, si arsim, shkencë dhe teknikë, kulturë, shëndetësi, drejtësi etj.

Posta e Tai Shan-it është bërë një nga 10 kompanitë më të fuqishme që merren me biznesin e dërgimit të parave

Kohët e fundit, posta e Tai Shan-it zhvilloi ceremoninë e hapjes së klubit të kompanisë "Western Union". Kjo do të thotë se posta e Tai Shan-it është bërë një nga 10 kompanitë më të fuqishme që merren me biznesin e dërgimit të parave.

Kompania "Western Union" që varet nga Grupi "First Data" është një nga 500 kompanitë më të fuqishme në botë, me një histori 150-vjeçare. (U Sen)