Zyra e Çeng Jingut në Pekin, që është zbukuruar me shumë mobilje antike dhe të bukura, karakterizohet nga ngjyrimet e theksuara kineze, megjithëse ai ka jetuar shumë vjet jashtë atdheut. Çeng Jing, ky burrë i mprehtë nga fytyra dhe i sjellshëm nga fjalët dhe veprimet, është edukuar në kushtet e një vendi perëndimor. Ai shkoi për studime në Angli në vitin 1988 dhe, pas 4 vjetëve, në vitin 1992, fitoi titullin doktori i biologjisë juridike në Universitetin Strathklide të Anglisë. Pasi u diplomua, ai punoi radhazi nëpër kompani të shkencës dhe teknikës së lartë biologjike të Anglisë dhe të SHBA si bashkëpunëtor i parë shkencor. Në vitin 1999, ai hoqi dorën nga kushtet e mrekullueshme jashtë vendit dhe u ktheye në atdhe me qëllim që të punojë për zhvillimin e indistrisë bioteknike të Kinës:

"U ktheva në atdhe për të zhvilluar bioteknikën, sepse aso kohe kjo teknikë krijonte një zbrazëti në vendin tonë. Më duket se kthimi im në atdhe është një gjë e vlefshme, megjithëse këtu marr një pagë shumë më të ulët."

Pasi u kthye në atdhe, me përkrahjen e Universitetit Tsinghua që është një universitet i famshëm në Kinë, Çeng Jing krijoi Qendrën e Eksperimentimit të Çipeve Bioteknike, që ka qenë një organizëm tekniko-shkencor të nivelit ndërkombëtar. Më vonë, ai i propozoi qeverisë kineze të ndërtojë një qendër të eksperimenteve shkencore bioteknike në rang të organizmit shtetëror dhe ky propozim tërhoqi vëmendjen e udhëheqësve kinezë. Kështu, me përkrahjen e qeverisë kineze si nga ana e fondeve ashtu edhe nga ana e direktivave politike, u krijua në vitin 2000, në Pekin, Kompania Aksionare Bioteknike Bo-ao, që është një kompani e posaçme për eksperimentimin dhe prodhimin e çipeve bioteknike. Çeng Jing u bë drejtori i përgjithshëm i kësaj kompanie.

Inxhinieri i lartë studjues i kësaj kompanie, zoti Vang Xianhua tha se, që në fillim të krijimit të kompanisë, Çeng Jing planifikoi orietimin e zhvillimit të saj: të eksperimentohen dhe të krijohen teknologji thelbësore me patentë të pavarur intelektuale, me qëllim që Kina të bëhet një "laborator" botëror i bioteknikës dhe jo "repart prodhimi":

"Çeng Jing pati një objektiv të qartë: kompania jonë jo vetëm do të bëhet një kompani shumë e madhe bioteknike, por më e rëndësishmja, ajo do të bëhet një kompani bioteknike me forcë të madhe dinamike krijuese, një kompani që do të ecë paralelisht me kompani të këtij lloji të vendeve të tjera."

Kompania Aksionare Bioteknike Bo-ao ka nxjerrë tashmë një numër të madh teknologjish dhe produktesh bioteknike me nivel të lartë, duke realizuar në mënyrë fillestare shndërrimin e arritjeve të eksperimenteve shkencore në forcë prodhuese dhe ndërkombëtarizimin e prodhimit industrial. Produktet e çipeve bioteknike, që prodhohen në bazë të teknologjive bioteknike të patentave të Kompanisë Bo-ao dhe që përdoren për shoshitjen e ilaçeve, janë aplikuar tashmë nga ndërmarrjet Xhonson And Xhonson, Pfizer, Merk dhe ndërmarrje të tjera me famë ndërkombëtare të prodhimit të ilaçeve.

Kompania Bo-ao shpërnguli në SHBA 8 teknologji me patentën bioteknike dhe, me mënyrën e blerjes së aksioneve dhe bashkë me investuesit, me përgjegjësinë për rreziqet, ndërtuan Kompaninë Aviva Biosainces. Kështu, Kompania Bo-ao u bë ndërmarrja e parë kineze që eksportoi në SHBA teknologji të çipeve bioteknike. Duke i hedhur një vështrim rrugës që ndoqi kompania e tij gjatë 5 vjetëve të zhvillimit, Çeng Jing tha:

"Dua të them se gjatë 5 vjetëve, që kaluan, Kompania Bo-ao ndoqi një rrugë mjaft të vështirë duke krijuar nga hiçi industrinë bioteknike kineze dhe duke e shndërruar ëndrrën në vlerë të prodhimit. Deri tani, ne kemi kërkuar 80 patenta dhe për dy të tretat e tyre luteshin për mbrojtje në shkallë globale. Tashmë ne kemi 10 patenta të autorizuara jashtë vendit dhe 20 patenta të autorizuara brenda vendit. Kemi edhe mbi 100 lloje produktesh të tjera, si ato të çipeve të ndryshme,softeve, depo të dhënash etj."

Gjatë këtyre 5 vjetëve, që është një kohë e shkurtër, vëllimi i shitjes së produkteve të Kompanisë Bioteknike Bo-ao u rrit 4 herë dhe numri i punonjësve u shtua në 400 veta nga disa veta që ishte. Po bëhet rregullimi i strukturës së përbërjes së personelit të kompanisë: nga përbërja e personelit vetëm me punonjës të eksperimenteve shkencore të kthehet në atë të përbërjes edhe me punonjës të shitjes dhe punonjës të administrimit. Një pjesë e konsiderueshme e punonjësve të talentuar të kësaj kompanie janë diplomuar jashtë vendit dhe të gjithë ata kanë punuar dikur në kompani të vendeve ku kanë studiuar, pra, kanë përvojë ndërkombëtare të administrimit dhe e njohin mirë tregun kinez dhe kulturën kineze.

Një nga përfaqësuesit e tyre të shquar është edhe shkencëtari Zhu Xiaoxiang, i cili është kthyer në atdhe, pasi mbaroi studimet në SHBA, ai punon tani për zgjerimin e tregut të Kompanisë Bioteknike Bo-ao. Ai bëri të ditur se kompania e tij po eksperimenton një lloj çipi bioteknik që do të shërbejë për kontrollin e ilaçeve të ndaluara për lojtarët në lojërat olimpike që do të zhvillohen në vitin 2008 në Pekin. Ata lojtarë, që do të orvaten të ngrejnë rezultatin sportiv nëpërmjet ilaçeve të ndaluara, nuk kanë si t'i shmangen kontrollit me këtë çip. Zhu Xiaoxixang tha se ky lloj çipi jo vetëm do të shkurtojë shumë kohën e kontrollit, por edhe do të pakësojë shpenzimet e kontrollit. Ai është plot me besim për eksperimentimin dhe prodhimin e këtij çipi.

"Ne shpresojmë se do ta publikojmë këtë produkt në vitin 2008, që të shërbejë për lojërat olimpike të Pekinit."

Lidhur me zhvillin e Kompanisë Bo-ao në të ardhmen, Çeng Jing tha se objektivi i kompanisë së tij është përpjekja për t'u bërë kompania bioteknike që do të mbulojë sipërfaqen më të madhe me teknikën e saj, me strukturën më të larmishme të produkteve dhe me fuqinë më të madhe në Kinë për zgjerimin e tregut. Ai tha:

"Duke folur për zhvillimin e ardhshëm të kompanisë sonë, ne shpresojmë se do të zgjerojmë sferën e produkteve, duke shtrirë ato nga çipet bioteknike deri në shkencën e jetës. Shpresojmë se do të krijojmë produkte të reja, duke u nisur nga përcaktimi i diagnozave të sëmundjeve, nga kontrolli i sigurimit të ushqimeve dhe eksperimentet shkencore, dhe më në fund do të arrijmë te mjekimi, domethënë, kompania do të zhvillohet drejt eksperimentimit dhe prodhimit të ilaçeve të reja."

Në të njëjtën kohë me eksperimentet shkencore dhe administrimin e ndërmarrjes, zoti Çeng Jing bën edhe punën e profesorit të Universitetit Tsinghua për të përgatitur talente të shquar. Shumica e diplomantëve të tij po specializohen në universitete të njohura të SHBA. Ai tha se, meqenëse mungojnë talente në fushën bioteknike të Kinës, pasi kthehen në atdhe, këta diplomantë do të bëhen një forcë e rëndësishme në zhvillimin e industrisë bioteknike në Kinë. (Zheng)