dëgjoni

Zona e deltës së lumit Zhu Jiang është një nga zonat e krahinave të brendshme që tërheq më shumë investime të tregtarëve tajvanezë. Vitet e fundit, me shtimin e kostos së prodhimit, konkurrimi në treg është bërë gjithnjë e më i ashpër. Disa tregtarë tajvanezë janë përballur me probleme në zhvillimin e biznesit. Nxitja e ndryshimit të biznesit është bërë detyra më e rëndësishme për ndërmarrjet investuese të Tajvanit.

Menaxheri i përgjithshëm i kompanisë elektronike "Tai Da" Zeng Jijian është një nga këta tregtarë. Në vitin 1992, ai erdhi në Dong Guan të Guangdong-ut për të krijuar fabrika. Në fillim, kompania e tij u zhvillua shumë shpejt dhe me një ritëm fitimit prej 20%. Pastaj për shkak të shtimit të kompanive elektronike, të mungesës së burimeve tokësore, kompania "Tai Da" nuk mundi të marrë shumë fitime.

Prandaj, Zeng Jijian hoqi dorë nga shitja e mallrave me çmim të ulët duke filluar inovacionin në teknologji. Ai gjeti talente nga dhjetra universitete të famshme të Kinës, duke përfshirë edhe Universitetin e Industrisë të Harbin-it, Universitetin e Shkencës të Kinës së mesme etj. Me përpjekje disavjeçare, Zeng Jijian më në fund e ndryshoi biznesin e kompanisë "Tai Da".

Tani tregtarët tajvanezë të deltës së lumit Zhu Jiang po përballen me presionin e ndryshimit të biznesit. Sipas një ankete të bërë nga drejtori i "Shoqatës Ekonomike të Njohurive për Kinën" profesor Chen Zhangming, më shumë se 85% e tregtarëve tajvanezë në Dong Guan, Shen Zhen dhe zonat e tjera të deltës së lumit Zhu Jiang po ndjejnë presionin e ndryshimit të biznesit.

Kryeadministratori i Grupit "Guang Zheng" Ye Hongdeng u shpreh se epërsia e tregtarëve tajvanezë është prodhimi i mallrave me marka të huaja. Tani më shumë se 60 mijë tregtarë tajvanezë kanë ardhur në Kinën kontinentale, duke shfrytëzuar fuqinë punëtore dhe burimet e lira tokësore për të prodhuar.

Vitet e fundit, ka pasur gjithnjë e më shumë ndërmarrje japoneze dhe jugkoreane që kanë ardhur në Kinën kontinentale për zhvillim, ndërkohë, ndërmarrjet vendore zhvillohen me një shpejtësi të madhe, kështu që nuk ka shumë hapsira për zhvillimin e ndërmarrjeve investuese të Tajvanit.

Tregtarët tajvanezë kanë arritur në mendimin se duhet të ndryshohet zhvillimi në mënyrë të izoluar. Për shembull në Dong Guan, pas krijimit të fabrikës së parë të këpucëve në vitin 1987, disa ndërmarrje me të lidhura me të filluan të investojnë atje, duke formuar një rrjet të përbashkët me prodhuesit e këpucëve, ofruesit e lëndëve të para etj.

Ye Hongdeng u shpreh se zhvillimi në mënyrë të izoluar nuk është në interes të ndryshimit të biznesit të ndërmarrjeve investuese të Tajvanit. Zhvillimit të këtyre ndërmarrjeve u duhen zgjerimi i tregut në Kinën kontinentale dhe forcimi i shkëmbimeve me ndërmarrjet e krahinave të brendshme të Kinës.

Anketa e Chen Zhangming-ut tregon se presioni i ndryshimit të biznesit të ndërmarrjeve investuese të Tajvanit shkaktohet nga shumë faktorë. Të tillë janë konkurrimi i ndërmarrjeve të njëllojshme, përgatitja e talenteve, shkallëzimi i teknologjisë etj. (U Sen)