dëgjoni

Në Kinë në kuadër të 1 Majit, kinezët gëzojnë pushimet kombëtare prej 7 ditësh. Me këtë rast, duke shfrytëzuar këtë "javë të artë", kinezët bëjnë turizëm, shkojnë të bëjnë blerje ose të vizitojnë të afërm e miq. Në përgjithësi, kalimi i pushimeve në mënyrë të gëzueshme dhe të rehatshme është zakon. Por me shtimin e kërkesave të kinezëve për stërvitjet sportive, gjatë javës së kaluar të pushimit në kuadër të "1 Majit", shumë kinezë i kaluan pushimet e tyre duke zgjedhur sportet e lehta, si peshkimin me grep, kalërimin, lojërat me gjyle, tenisin, etj.

Në distriktin Shunyi, periferi e largët e Pekinit, ndodhen shumë rezervuarë, si Jinhaihu, Yanqihu, etj. ku në ditë të zakonshme vijnë rrallë turistë, por gjatë "javës së artë" në kuadër të "1 Majit", këto rezervuarë u mbushën me njerëz. Shumë banorë të Pekinit shkuan atje grupe grupe për peshim me grep. Korrespondenti i radios sonë mësoi nga sektori përkatës se në kuadër të 1 Majit, shumë familje prej 3 vetash të qyteteteve të Pekinit dhe të Shangait shkuan në periferi për peshkim me grep. Nëpërmjet këtij aktiviteti mundësohen edhe shëtije turistike dhe gjithashtu mund të zhvillohen stërvitje edhe sportive.

Klubi i peshkimit me grep Tianbao i Pekinit është një nga këto klube me përmasa të mëdha dhe me qindra anëtarë. Manexheri i klubit Qing Baohua tha:

"Në kuadër të '1 Majit', kemi organizuar shumë aktivitete në rezervuarë dhe pellgje peshkimi të distriktit Shunyi. Në çdo aktivitet morën pjesë 20 a 30 veta. Shumë pjesëmarrës nga e njejta familje morën me vete edhe enë kuzhine dhe gatimi është shumë interesant."

Për ata të rinj që duan t'u kullojnë djersët peshkimi me grep është një aktivitet tepër i qetë dhe tenisi mund t'ua plotësojë kërkesat. Klubi Ndërkombëtar i Tenisit Jiangxin Zhilun, që ndodhet në rajonin Chaoyang të Pekinit, kishte një biznes shumë i mirë gjatë "javës së artë". Drejtori i drejtorisë së përhapjes të këtij klubi, Zhang Jianguo i tha korrespondentit:

"Kemi 6 fusha të hapura dhe 7 të mbyllura. Anëtarët tanë mund të luajnë këtu nga ora 8 e mëngjesit deri në orën 11 të natës. Gjatë 7 ditëve të pushimit me rastin e '1 Majit', të gjitha këto fusha qenë plotësisht të zëna."

Sot sportet e lehta tradicionale si badmintoni, pingpongu, etj. nuk mund të plotësojnë shijet e llojllojshme të kinezëve. Kanë hyrë në jetën e qytetarëve të Pekinit humë sporte të modës, si bishtpupla, parashutizëm-avion pa motor, zhytje në ujë, kalërimi, etj. Ndër to "kalërim" po parapëlqehet në veçanti nga qytetarët kinezë në sajë të takimit nga afër me natyrën. "Java e artë" e "1 Majit" u ka dhënë kalërimdashësve një rast të mirë për të gëzuar këtë sport të fushës.

Drejtorja e Klubit të kalërimit Tianxing në rajonin Chaoyang të Pekinit, zj. Wang Ping tha:

"Me rastin e '1 Majit' në klubin tonë të kalërimit u shtuan shumë anëtarë të rinj. Ata erdhën si zakonisht së bashku me familjet ose me miqtë. Pati raste kur erdhën edhe të vetëm. Klientët e rinj nuk kishin pasur më parë përvojën e kalërimit, prandaj duhet ta niseshin që nga hipja në kal dhe njohja me kalin."

Duke komentuar "gjendjen e ngritur të kinezëve për sportet e lehta gjatë pushimeve", socialogu kinez, profesori i Akademisë së Shkencave Shoqërore të Tianjinit, Chen liuqin është i mendimit se kjo tregon se publiku kinez kërkon larmi në kalimin e pushimeve duke vërtetuar se kinezët u kushtojnë gjithnjë e më shumë rëndësi shëndetit dhe stërvitjeve sportive. Nga ana tjetër, sportet e reja të lehta, që kanë filluar të lulëzojnë njeri pas tjetrit, janë rezultat i përparimit të pandërprerë të ekonomisë dhe shoqërisë kineze. (Wang Lei)