dëgjoni

Do të zhvillohet në Pekin panairi i kulturës së internetit

Gazeta kineze "Renminribao" njoftoi se në tetor të këtij viti do të zhvillohet në Pekin Panairi i 4-t ndërkombëtar i kulturës së internetit i Kinës.

Siç bëhet e ditur, tema kryesore e këtij panairi është "Viti i kulturës së shëndetshme të internetit i Kinës" që pasqyron qëndrimin e qeverisë kineze për krijimin e kulturës së shëndetshme të internetit dhe për përhapjen e kulturës së përparuar nëpërmjet internetit.

Ky panair do të inkurajojë edhe ndërmarrjet përkatëse të nxitin zhvillimin e shëndetshëm të sektorit të internetit.

Do të zhvillohet në Pekin ekspozita tekniko-shkencore e Da Vinçit

Gazeta kineze "Rinia e Pekinit" njoftoi se si një nga veprimtaritë e "Vitit të Italisë", më 20 maj, do të hapet në Muzeumin e Natyrës të Pekinit ekspozita tekniko-shkencore e figurës së njohur italiane Da Vinçi.

Ekspozita do të paraqitë arritjet tekniko-shkencore të Da Vinçit para 500 vjetëve. Siç bëhet e ditur në ekspozitë do të vendosen 34 dorëshkrime të Da Vinçit duke përfshirë vizatimin e mjetit të lundrimit ajror të projektuar nga ai dhe shumë vizatime autopsie.

Ekspozita do të zgjasë deri në fund të korrikut. Gjatë ekspozitës, organizatorët do të zhvillojnë edhe biseda dhe simpoziume për të treguar rezultatet tekniko-shkencore të periudhës së Rilindjes italiane (nga shekulli i 13-të deri në shekullin e 16-të).

Universiteti i Pekinit kremtoi 95-vjeçarin e Ji Xianlinit

Gazeta kineze "Beijingchenbao" njoftoi se më 14 maj, Universiteti i Pekinit zhvilloi një mbledhje solemne për të kremtuar 95-vjeçarin lindjes së dijetarit të famshëm Ji Xianlin.

Ji Xianlin lindi në vitin 1911 në provincën Shandong të Kinës lindore dhe është një dijetar, shkrimtar dhe përkthyes i famshëm kinez. Gjatë studimeve në Universitetin Goetingen të Gjermanisë, ai studioi shkencën e Indisë duke përvetësuar gjuhën sanskrite dhe disa gjuhë të tjera të lashta. Në vitin 1946, Ji Xianlin u kthye në atdhe dhe u bë profesor i Universitetit të Pekinit. Ji Xianlin krijoi fakultetin e gjuhëve dhe letërsisë orientale. Gjatë dhjetëra vjetëve, ai ka pasur rezultate të mëdha studimore në fushën e gjuhëve të lashta indiane, të historisë së shkëmbimeve kulturore kino-indiane etj.

Do të hapet Festivali i 12-të i televizionit i Shangait

Korrespondentja e Radios së Jashtme të Kinës njoftoi se nga 17 deri më 21 qershor, do të zhvillohet në Shangai Festivali i 12-të i televizionit i Shangait.

Deri tani më se 41 vende e rajone të botës janë regjistruar për të marrë pjesë në këtë festival.

Festivali i televizionit i Shangait nisi në vitin 1986 dhe është festivali i parë ndërkombëtar i televizionit i Kinës. Ky festival është një skenë e dialogut dhe shkëmbimeve midis punonjësve kinezë dhe punonjësve të huaj të televizionit. (Fani)