dëgjoni

Në "Muzika kineze"do t'ju flas për Ding Lufeng-in, interpretues i talentuar i veglave muzikore kineze Huqin, dhe do t'ju ftoj të dëgjoni disa melodi të interpretuara prej tij me veglat muzikore tradicionale kineze me tela.

Të dashur lexues, melodia që po dëgjoni titullohet "Nata e thellë" dhe interpretohet nga Ding Lufeng me veglën muzikore kineze Jinghu. Jinghu është një nga veglat muzikore kryesore të Operës së Pekinit dhe ka timbër të kristaltë. "Nata e thellë" është titulli i një melodie të njohur të Operës së Pekinit. Këtë melodi Ding Lufeng e ka interpretuar natyrshën e rrjedhshëm, duke shfaqur plotësisht mjeshtërinë e tij të interpretimit në Jinghu.

Ding Lufeng, mbi 60 vjeçar, ka lindur në provincën Jiangsu të Kinës lindore. Që në moshën 9 vjeçare ai filloi të mësonte veglën muzikore Erhu prej të atit. Më vonë ai u pranua në klasën e fëmijëve të Konservatorit Qendror të Kinës, ku kishte mësues shumë interpretues të njohur kinezë të veglës muzikore Erhu, duke hedhur një bazë të shëndoshë për interpretimin e ardhshëm. Pas mbarimit të studimeve ai u bë interpretues i parë i veglës muzikore Banhu në Orkestrën Qendrore Popullore të Kinës. Në vitin 1987 Ding Lufeng shkoi në SHBA dhe në vitin 1991 u ftua në Taivan për të punuar si interpretues i parë solist në Orkestrën e qytetit Gaoxung. Tani ai punon si docent në Fakultetin e Muzikës kineze të Institutit artistik Tainan të Tajvanit të Kinës.

Tani ju ftoj të dëgjoni melodinë "Naotai" të interpretuar prej tij me veglën muzikore Zhuihu me titull. Melodia "Naotai" është një pjesë muzikore e zjarrtë dhe e gjallë që luhej para fillimit të operës lokale të provincës Hënan për të tërhequr vëmendjen e shikuesve.

Ding Lufeng është një interpretues i talentuar i shumë lloje veglash muzikore popullore kineze me tela. Tani ju ftoj të dëgjoni melodinë me titull: "Vrapojnë dhjetëra mijë kuaj", të interpretuar me veglën muzikore mongole "Matouqin". Kjo melodi pasqyron pamjen e bukur të vrapimit të dhjetëra kuajve në stepën e madhe të Mongolisë së Brendshme.

Tani do të dëgjoni melodinë me titull: "Këndojnë zogjtë e bukur". Kjo melodi përshkruan peizazhin natyror ku këndojnë zogjtë, për të pasqyruar dashurinë e njerëzve për natyrën.

Ding Lufeng jo vetëm është një interpretues i talentuar , por ka reformuar edhe shumë vegla muzikore kineze. Tani le të dëgjojmë së bashku melodinë e interpretuar prej tij me Banhu me titull: "Tashkurgan i bukur", që fitoi çmimin e parë në interpretimin me vegla muzikore të organizuar nga Ministria e Kulturës në vitin 1980.

Tashkurgani me panorama të bukura që ka male të larta ndodhet në rafshnaltën Pamir të Singjangut në perëndim të Kinës. Kjo melodi e bukur ritmike përshkruan skenën e gëzueshme të banorëve të kombësisë Taxhike kur këndojnë dhe vallëzojnë dhe dashurinë e tyre për jetën.  (Pina)