Drejtori i përgjithshëm i Korporatës "Mjellma e Mitur", zoti Çai Xingjian shprehu mendimin se, vetëm duke krijuar pandërprerë të reja, ndërmarrjet tona kanë mundësi të përparojnë pandërprerë dhe të zhvillohen në bazë të shëndoshë dhe në mënyrë të vazhdueshme. Ai tha:

"Krijimi i të rejave është mënyra e ekzistencës së ndërmarrjeve, është edhe baza e zhvillimit të tyre të vazhdueshëm dhe mjeti i konkurrencës së tyre. Me të ndalur hapat e krijimit të të rejave, ndërmarrjet rrezikojnë të humbasin edhe sukseset e arritura."

Zoti Çai Xingjian tha se ndërmarrjet, që janë forca kryesore e krijimit të të rejave, duhet ta marrin vetë iniciativën dhe jo të presin direktivat politike të qeverisë për krijimin e të rejave. Tani, që Kina ka hyrë në Organizatën Botërore të Tregtisë, ndërmarrjet tona nuk kanë më nevojë të përballojnë kërkesat e rrepëta të barrikadës së tarifave doganore, por dalja e barrikadës së teknologjive është bërë një sfidë e re për ndërmarrjet tona. Në këto rrethana, ndërmarrjet tona nuk mund të bëjnë gjë tjetër veçse të zhvillohen duke u mbështetur në krijmin e të rejave.

Ai tha se ndërmarrjet nuk janë forca e vetme e krijimit të rejave, megjithëse janë forca kryesore në këtë drejtim. Në botën e sotme, ndarja e punëve është shumë e qartë, prandaj ndarja e punëve midis sektorëve të prodhimit, studimeve dhe eksperimenteve u kërkon ndërmarrjeve tona të kenë lidhje të ngushta me njësitë fqinje. Mendim të njëjtë shprehu edhe kryetari i këshillit të Korporatës Vahaha të provincës Zhegjang, zoti Zong Qinghou. Ai tha:

"Sektorët e prodhimit, studimeve dhe eksperimenteve duhet të kenë konceptin e ndarjes së punëve. Prodhimi do të thotë shfrytëzim kompleks i teknologjive dhe shndërrim i teknologjive në forcë prodhuese. Studime do të thotë përgatitje e talenteve për krijimin e të rejave. Eksperimentet do të thotë hulumtime dhe shpikje tekniko-shkencore."

Zoti Zong Qinghou është i mendimit se, deri tani, prodhimi, studimet dhe eksperimentet ende nuk janë kombinuar si duhet dhe kjo është një nga shkaqet e rëndësishme të prapambetjes së ndërmarrjeve tona në lëmin e krijimit të të rejave tekniko-shkencore. Edhe në rastet kur tregu u kërkon ndërmarrjeve të krijojnë të reja në ndonjë fushë, njësitë e eksperimenteve shkencore dhe punonjësit e shkencës dhe teknikës nuk dalin përpara për ndihmë. Kjo është një gjë e tmerrshme për shoqërinë e sotme të konkurrencës. Për të zgjidhur këtë problem, ndërmarrjet duhet të bashkëpunojnë me njësitë e tjera. Për shembull, si rezultat i bashkëpunimit midis universiteteve dhe ndërmarrjeve, arritjet e universiteteve në eksperimentet shkencore mund të hyjnë lehtë në ndërmarrje dhe, nga ana tjetër, problemet e vështira të ndërmarrjeve mund të zgjidhen me ndihmën e universiteteve. Zong Qinghou tha se po bëjmë përpjekje në këtë drejtim dhe qeveria na jep përkrahje të fuqishme. Ai shprehu bindjen se, në të ardhmen, kombinimi i prodhimit, studimeve dhe eksperimenteve do t'i japë shkas krijimit të të rejave tekniko-shkencore.

Ndërmarrjet kineze kanë 10 vjet e ca që ndjekin rrugën e krijimit të të rejave tekniko-shkencore. Për këtë, shteti ka dhënë një ndihmë të madhe në njerëz, materiale dhe para, por pse po e theksojmë këtë edhe sot ? Lidhur me këtë, kryetari i këshillit të Korporatës Zhengtai, zoti Nan Cunhui shprehu mendimin se ende nuk është zgjidhur problemi themelor që shtrohet përballë sistemit të krijimit të të rejave tekniko-shkencore: problemi i konkurrencës së barabartë në treg ose problemi i mbrojtjes së patentave intelektuale dhe fryteve të krijimit të të rejave. Nan Cunhui theksoi se arritja e fryteve të krijimit të rejave tekniko-shkencore do një sasi shumë të madhe forcash njerëzore dhe financiare, por tani, shumë ndërmarrje po presin të vjedhin frytet që krijojnë të tjerët dhe të marrin fitime kolosale me anën e vjedhjes. Kjo gjë është e pandryshme ndaj ndërmarrjeve që krijojnë të rejat dhe, në një shkallë të gjerë, është një goditje për nismat e tyre për të krijuar të reja. Nan Cunhui propozon që, nëpërmjet rrugëve ligjore, të njihen nismat e ndërmarrjeve për krijimin e të rejave. Ai tha:

"Shteti duhet t'i përsosë më tej ligjet dhe rregulloret përkatëse ligjore, me qëllim që të godasë rreptësisht shkelësit e të drejtave të patentave, të cilët nuk respektojnë të drejtat e patentave intelektuale dhe kopjojnë frytet e të tjerëve. Ndërkohë, duhet të thjeshtësohen formalitetet e kërkesave për patenta, në mënyrë që të ulet kostoja dhe rreziku i mbrojtjes së patentave dhe fryteve të krijimit të të rejave."

Lidhur me këtë, drejtori i përgjithshëm i Korporatës "Mjellma e Mitur", zoti Çai Xingjian shprehu mendimin se, në kushtet e ekonomisë së tregut, ekzsitojnë me të vërtetë në Kinë shumë probleme në masat e marra për mbrojtjen e fryteve të krijimit të të rejave dhe të patentave, por nga ana tjetër, ne duhet të shohim se ligji i mbrojtjes së patentave i vendit tonë ka vetëm 20 vjet zbatim, që është një kohë relativisht e shkurtër, prandaj kjo nuk duhet tëbëhen krahasime me Perëndimin që ka 100 vjet që ka marrë masa për mbrojtjen e patentave. Ne kemi dëgjuar me gëzim se kryeministri ynë Wen Jaibao theksoi në raportin e tij mbi veprimtarinë e qeverisë se "do të dënojmë rreptësisht veprimet që shkelin ligjin e mbrojtjes së patentave intelektuale." Besoj se, në një të ardhme jo të largët, do të kemi një treg të konkurrencës së barabartë.

Çai Xingjan theksoi se, pas 20 vjet reforme dhe hapjeje, ndërmarrjet kineze kanë kaluar një proces të importimit, integrimit, asimilimit dhe rikrijimit, por tani, shumë nga ndërmarrjet tona, pasi kanë grumbulluar pandërprerë përvojë, kanë aftësi të krijojnë vetë. Objektivi i përpjekjeve të përbashkëta të të gjithë shoqërisë kineze është që të inkurajojmë ndërmarrjet të bëhen forca kryesore të krijimit të të rejave, të ndërtojmë një mjedis të mrekullueshëm për ndërmarrjet që të krijojnë të reja dhe të krijojmë një shprehinë e krijimit të të rejave si nder dhe të vjedhjes së fryteve të të tjerëve si turp. (Zheng)