dëgjoni

Në nënrubrikën "Shkëmbime kulturore", do t'ju njohim me pianistin e ri kinez Li Yundi dhe veprat pianistike të interpretuara prej tij.

Muzika që po dëgjoni është vepra pianistike e kompozitorit Shopen "Serenata ? vepra nr 1". Kjo melodi poetike tingllon shumë bukur te dëgjuesit. Por ndoshta dëgjuesit mund ta ndiejnë se kjo melodi nuk është aq e ngadalshme sa serenata e zakonshme. Në tingujt e kësaj melodie ndiehen emocione dhe dallgëzime, kjo është pikërisht veçoria e muzikës së Shopenit që quhet "topi i madh i fshehur mes luleve". Pianisti kinez Li Yundi e interpretoi në mënyrë të përshtatshme këtë melodi duke shprehur mprehtësinë dhe butësinë e kësaj melodie dhe mishëroi shumë mirë fuqinë e madhe të këtij "topi të fshehur mes luleve"....

Li Yundi lindi në vitin l982 në qytetin Chonqing të Kinës jugperëndimore. Atij i pëlqente muzika qysh në moshë shumë të vogël dhe filloi të mësonte të luante në piano në moshën 7 vjeç. Në vitin 2000, në konkursin e l4-të ndërkombëtar pianistik " Shopen" në Poloni, Li Yundi l8- vjeçar me një forcë të madhe muzikëshprehëse dhe delikatesën e tij të veçantë interpretoi në mënyrë të shkëlqyeshme muzikën e Shopenit dhe o befasoi anëtarët e jurisë dhe spektatorët e pranishëm, duke fituar çmimin e artë "Shopen", i cili kishte l5 vjet pafitues. Ai fituesi më i ri i çmimit të artë në historinë e këtij konkursi dhe fituesi i parë kinez në këtë konkurs, gjë që ngjalli jehonë të madhe brenda dhe jashtë Kinës. Analisti i posaçëm i konkursit pianistik "Shopen" Jan Popis tha se " Li Zundi vërtetoi se ai është pianisti më poetik që zotëroi më së miri stilin e interpretimit të "Shopenit".

Pas pjesëmarrjes në Konkursin e l4-të ndërkombëtar pianistik "Shopen", Li Yundi është ftuar në vende të ndryshme të botës për të dhënë koncerte pianistike dhe për të bashkëpunuar me filarmoni të njohura ose dirigjentë të njohur botërorë. Ai i ka lënë gjurmët e veta në vendet e Azisë, Evropës dhe Amerikës Veriore. Në vitin 2001, ai u bë pianisti i parë kinez që nënshkroi kontratë me kompaninë e disqeve DG të Grupit Muzikor Global dhe ka incizuar shumë CD që kanë qarkulluar në mbarë botën. Në fund të këtij emisioni, ju ftojmë të dëgjoni veprën pianistike të kompozitorit List " Liebestraum Nr 3", interpretuar në piano nga Li Yundi ( Zhai).