Arsimi profesional në Kinë ka një histori të shkurtër 20 vjeçare dhe është zhvilluar nga hiç. Në Kinë, dy lloje shkollash zhvillojnë arsimin profesional: teknikumet e nivelit baraz me shkollat e mesme të përgjithshme të ciklit të lartë dhe shkollat e larta profesionale me afatin shkollor 2 vjeçar. Në shtator të vitit 1996, u shpall dhe u vu në zbatim "Ligji i arsimit profesional në Kinë", gjë që e përfshiu arsimin profesional në binarin e legjislacionit dhe i dha shkas progresit të konsiderueshëm të çështjes së arsimit profesional. Sot në Kinë, ekzistojnë 15,000 shkolla profesionale të llojeve të ndryshme, ku mësojnë mbi 20 milionë studentë ose nxënës.

Në vitin 2005, Ministria e Arsimit e Kinës bëri rregullimin e strukturës së arsimit në tërësi, duke e vënë arsimin e mesëm profesional në pikat kryesore të strategjisë arsimore. Në konferencën kombëtare të punës për arsimin profesional, që u mbajt në nëntor të vitit 2005, u konstatua përsëri mendimi orientues i zhvillimit të arsimit profesional: "Shërbimet të konsiderohen si parimi i përgjithshëm dhe punësimi të konsiderohet si objektivi". Fjalët që tha kryeministri Wen Jiabao lidhur me arsimin profesional shtuan forcën lëvizëse për zhvillimin e arsimit profesional.

Rektori i Institutit të Punëve të Jashtme të Xi-anit, Huang Teng tha në një intervistë se zhvillimi i arsimit profesional është një hallkë kyç e zgjidhjes së problemit të kërkesës për punonjësit e teknikës, është edhe nevojë e ngutshme e vendit tonë për të ndjekur një rrugë të re të industrializimit. Huang Teng shprehu mendimin se shtimi i investimeve shtetërore për të përkrahur zhvillimin e arsimit profesional të shkollave të llojeve të ndryshme është një masë e rëndësishme për nxitjen e zhvillimit ekonomik dhe shoqëror në bazë të shëndoshë. Ai tha:

"Një tendencë e pashmangshme e rregullimit të strukturës së arsimit në tërësi është që të kapemi fort pas zhvillimit të arsimit profesional, duke e konsideruar atë si një forcë e nxitjes së zhvillimit ekonomik dhe shoqëror. Këtë tendencë shteti ynë e ka njohur në kohë dhe e ka përfshirë në binarin e planit perspektiv. Unë jam i mendimit se kjo gjë mishëroi qëndrimin shkencor dhe realist të qeverisë sonë."

Huang Teng tha: fakti se shteti ynë do të investojë 10 miliardë juanë gjatë 5 vjetëve të ardhshëm për të përkrahur zhvillimin e arsimit profesional tregon se arsimi profesional në Kinë ka shpresë të dalë nga pozita e dorës së dytë dhe të hyjë në pozitën e rrymës kryesore të sitemit arsimor.

Për një kohë të gjatë, arsimi profesional ka zënë një pozitë relativisht të parëndësishme në fushën arsimore të Kinës. Një pjesë e nxënësve dhe prinderve të tyre e kanë konsideruar ndjekjen e një shkolle profesionale si një alternativë pa rrugë tjetër për ata nxënës që mbeteshin pa u pranuar në universitete. Sipas sistemit ekzistues arsimor të Kinës, punonjësit vlerësohen me notat në provime, si pasojë, shumëllojshmëria e talenteve dhe e kërkesave të shoqërisë mbetet e papërfillshme, gjë që shpie në mënyrë indirekte në dobësimin e arsimit profesional. Vitet e fundit, në zonat bregdetare jugperëndimore të Kinës, ku ekonomia zhvillohet relativisht shejt, është krijuar një gjendje e pamjaftueshmërisë së teknikëve të nivelit të lartë dhe të nivelit të ulët. Përballë kësaj gjendjeje, të gjithë kanë filluar ta shikojnë arsimin profesional me pikëpamje të re. Për shkak të kërkesës së shoqërisë, i kushtohet gjithnjë e më shumë vëmendje e madhe arsimit profesional.

Profesor Hu Dabai i Institutit Huanghë të Shkencës dhe teknikës tha:

"Qysh në fillim të reformës dhe të hapjes në vendin tonë, u parashtrua teza për reformën e arsimit dhe të mësimdhënieve. Pas mbi 20 vjet praktike dhe rishqyrtimi, në vitin e parë të pesëvjeçarit të 11-të parspektiv, kryeministri Wen Jiabao parashtroi tezën për zhvillimin me të gjitha përpjekjet të arsimit profesional dhe shteti përcaktoi mendimin orientues të zhvillimiit të arsimit profesional: Shërbimet të konsiderohen si parimi i përgjithshëm dhe punësimi të konsiderohet si objektivi, gjë që tregon se qeveria jonë i përgjigjet me ndërgjegje kërkesës së zhvillimit të ekonomisë së tregut."

Rektori i Institutit Lantian të provincës Jingxi, profesor Yu Guo tha se zhvillimi me të gjitha përpjekjet i arsimit profesional jo vetëm është një punë e shtetit dhe e administratave lokale, por edhe kërkon që punonjësit në këtë fushë të respektojnë ligjet e zhvillimit të arsimit profesional dhe të synojnë të gjejnë një rrugë të re të zhvillimit të tij.

Profesor Yu Guo tha se ndërmarrjet janë objektivat që u shërbejnë shkollat profesionale, janë forca lëvizëse e këtyre shkollave, janë edhe mbështetja e zhvillimit të tyre. Prandaj, pjesëmarrja e ndërmarrjeve është një faktor shumë i rëndësishëm i zhvillimit të arsimit profesional.

"Shkolla jonë karakterizohet nga elasiteti i vendosjes së specialiteteve dhe nga lidhjet relativisht të mira me tregun. Zhvillimi i arsimit profesional mbështetet në pjesëmarrjen e ndërmarrjeve dhe të gjithë shoqërisë. Sa më shumë lidhet me tregun, aq më shumë shtohet vitaliteti i arsimit profesional."

Një përvojë e rëndësishme, që fitoi vendi ynë vitet e fundit në reformën e arsimit profesional, është që ai të zhvillohet nën drejtimin e mendimit orientues "punësimi të konsiderohet si objektivi dhe shërbimet të konsiderohen si parimi i përgjithshëm" dhe duke i drejtuar sytë tregut dhe gjithë shoqërisë. Instituti Lantian i provincës Jiangxi, ku punon profesor Yu Guo, ka qenë më parë një teknikum, i hapur në vitin 1994. Sot në këtë institut studjojnë 46 mijë studentë, prandaj kjo është shkolla më e madhe e lartë në Kinë e hapur me forcat lokale. Meqenëse kjo shkollë zbaton me këmbëngulje mendimin orientues të marrjes së punësimit si objektiv dhe të 100 specialitetet e saj i drejtojnë sytë tregut, përqindja e punësimit të diplomantëve të saj kalon çdo vit 98%. (Zheng)