dëgjoni

Më 7 maj u mbyll në Tokio të Japonisë Gara Ekipore Botërore e Badmintonit për Kupën Tomas dhe Kupën Uber të vitin 2006. Ekipi kinez u shpall kampion ekipor për meshkuj dhe për femra dhe loja e tij e shkëlqyeshme forcon gjithashtu besimin për rezultate të mira në Lojërat Olimpike të Pekinit. Do të dëgjoni tani reportazhin e korrespondentit të tonë.

Në Garat Ekipore Botërore të Badmintonit për Kupën Tomas dhe Kupën Uber, loja e ekipit kinez mund të përshkruhet me fjalën "e pamposhtur". Në këtë garë, ekipi kinez jo vetëm fitoi në të gjitha ndeshjet, por të gjitha rezultatet ishin në shifrat 3:0. Në fakt fitorja e ekipit kinez të femrave ka qenë e parashikuar, ndërsa fitoret e ekipit të meshkujve radhazi me ekipin indonezian dhe ekipin danez me të njejtën rezultat 3:0 habitën botën.

Pasi ekipi kinez mundi ekipin danez në finalen për meshkuj, trajneri i përgjithshëm i ekipit kinez Li Yongbo brohoriti për lojën e lojtarëve të tij dhe u shpreh i entusiazëm.

"Në fakt, ata shfaqën jo vetëm teknikën e tyre, por edhe frymën e shëndetshme dhe aktive të sportistëve kinezë, ky është kyçi i fitores sonë që është shumë e çmuar, veçanërisht, në kuadrin e përgatitjes për Lojërat Olimpike 2008."

Ashtu siç tha Li Yongbo, në këto gara ekipore të nivelit më të lartë botëror, ekipi kinez tregoi aftësi të madhe në luftën kolektive. Çdo anëtar i ekipit është në vetvete shumë i fortë dhe u përkushtua për nderin e ekipit. Jo vetëm badmintonistët që luajnë si individ Lin Dan dhe Bao Chunlai, por edhe ata luajnë si çift Cai Yun/ Fu Haifeng, janë treguar gjithëmonë plot vetbesim dhe gjakftohtë me kundërshtarët e të njejtit kalibër me veten dhe i mposhtën atë në radhë të parë prej këtij shpirti që paraqitën.

Sigurisht shpirti apo mentaliteti prej fituesi nuk mund të zgjidhë të gjitha problemet dhe rezultati i garave sportive varen më shumë nga forca. Li Yongbo tha se pozita e përparuar e ekipit kinez të badmintonit ka ardhur nga disa faktorë.

"Së pari jemi një kolektiv i plotë; së dyti ky ekip ka forcë të madhe tërheqëse, çdo badmintonist kinez shpreson t'i shtojë nderin shtetit nëpërmjet përpjekjeve të veta; së treti ata janë teknikisht në nivelet më të larta në botë."

Epërsia e ekipit kinez të badmintonit mishërohet jo vetëm nga grumbullimi i badmintonistëve më të dalluar në botë, por edhe nga mosha e re e këtyre lojtarëve dhe mundësitë e tyre për rritje të mëtejshme. Lin Dan, Bao Chunlai, Cai Yun dhe Fu Haifeng, këto shtylla të ekipit kinez të meshkujve mund ta vazhdojnë veprimtarinë e tyre sportive edhe për shumë vjet të ardhshëm. Li Yongbo beson se ekipi kinez dhe veçanërisht ekipi kinez i meshkujve do ta vazhdojë epokën e shkëlqimit për një kohë të gjatë.

Në krahasim me ekipin e meshkujve që e ka fituar 6 herë Kupën Tomas, më i shquar është rezultati i ekipit kinez të femrave, i cili e ngriti për të dhjetën herë Kupën Uber. Qysh nga viti 1998, fituesi i pesë herë me radhë i Kupës Uber është pikërisht ekipi kinez, ndërkohë që edhe gjatë viteve 1984-- 1992, ekipi kinez i femrave e pati fituar gjithashtu për pesë herë me radhë Kupën Uber. Ky rezultat shënoi një rekord në historinë e Kupës Uber. Trajneri i përgjithshëm i ekipit kinez të badmintonit Li Yongbo shprehu shpresën se ekipi kinez do ta vazhdojë edhe në të ardhmen këtë shkëlqim, duke realizuar fitoren e kësaj kupe për të gjashtën herë radhazi, për shtatën, tetën herë radhazi e bile për të dhjetën herë radhazi, duke bërë që Kupa Uber të qëndrojë në Kinë për një kohë të gjatë.

Në këtë garë për Kupën Tomas dhe Kupën Uber, sistemi i 15 pikëve për set filloi të zëvendësohej nga sistemi i 21 pikëve për set. Federata Ndërkombëtare e Badmintonit ka miratuar një rezolutë që ky sistem i 21 pikëve të vazhdojë të zbatohet në të gjitha garat e badmintonit, duke përfshirë edhe ndeshjet në Lojërat Olimpike 2008. Sistemi i ri është në të mirë të nxitjes së interesit të shikuesve, ndërsa për badmintonistët, shtohet rastësia në ndeshje dhe zvogëlohet diferenca midis lojtarëve të nivelit të lartë dhe të ulët. Kjo nuk është në të mirë të ekipit kinez që ndodhet në majat e klasifikimit botëror. Por trajneri i përgjithshëm i ekipit të Kinës Li Yongbo tha se ekipi kinez ka bërë përpjekje që të përshtatet me ndryshimet që vijnë nga rregullat e reja. Ai tha:

"Objektivi ynë i fazës së ardhshme, krahas kërkimit akvitisht të ndryshimeve konkrete për t'u përshtatur me sistemin e 21 pikëve, përfshin kryesisht përgatitjet për Lojërat Olimpike të Pekinit që do të zhvillohen në vitin 2008."

Në vitin 2004, ekipi kinez fitoi edhe Kupën Tomas dhe Kupën Uber dhe pastaj në Lojërat Olimpike të Athinës fitoi 3 medalje ari, si individ për femra, si çift për femra dhe si çift të përzitës. Li Yongbo tha se në krahasim me gjendjen e dy vjetëve më parë, ekipi kinez i femrave ruan pothuaj të njejtin potencial, ndërsa ekipi i meshkujve ka bërë përparime. Ai ka arsye të jetë optimist për Lojërat Olimpike të Pekinit dhe të parashikojë që ekipi kinez do të fitojë më shumë medalje ari se në Athinë. (Wang Lei)