dëgjoni

Qysh nga fundi i vitit të kaluar, ndryshuan rregullat e ndeshjes së badmintonit, d.m.th. sistemi me 15 pikë për set, që ishte zbatuar që nga lindja e këtij sporti, u zëvendësua nga sistemi i 21 pikëve për set. Ky ndryshim duket i vogël, por ka sjellë lëkundje në qarqet e badmintonit.

Ekipi kinez i badmintonit, që ka ruajtur vendet e para në botë, ka bërë përpjekje për t'u mësuar me reformimin e rregullave. Në fillim të vitit të kaluar, kur Federata Ndërkombëtare e Badmintonit sapo e shpalli mendimin për reformimin e rregullave të ndeshjes, ekipi kinez analizoi ndikimet e sistemit me 21 pikë mbi teknikat dhe taktikat dhe zhvilloi stërvitje të posaçme për t'iu përshtatur këtij ndryshimi.

Nga 27 prilli deri më 7 maj u zhvilluan në Tokio të Japonisë ndeshjet botërore ekipore për Kupën Tomas dhe Kupën Uber të vitit 2006. Këto ishin ndeshjet e para të rëndësishme botërore ku u zbatua sistemi me 21 pikë në një set. Ndryshimi i rregullave ka ushtruar ndikim mbi të gjitha ekipet pjesëmarrëse dhe këtu nuk përjashtohet as ekipi kinez.

Në këto ndeshje të nivlit më të lartë botëror, megjithëse ekipi kinez, ku përfshihen një numër i madh badmintonistësh të nivelit të parë botëror, i fitoi më në fund të dyja kupat, prapësëprapë procesi i fitores nuk ka qenë i lehtë dhe veçanërisht përballë disa rivalëve jo të fuqishëm, ai nuk mundi të dilte dot në lojën e vet. Badmintonistët shprehën pakënaqësi ngaqë ishin ende të pa mësuar me rregullat e reja dhe kjo i pengoi ata tëarrinin nivelin e tyre të vërtetë.

"Nga pikëpamja e ne sportistëve, që jemi mësuar me sistemin e 15 pikëve dhe arritëm në një farë niveli, është i vështirë kalimi brenda një kohe të shkurtër në sistemin e 21 pikëve. Duhet të gjejmë rrugë të tjera në këto ndeshje. Kjo nuk është e lehtë."

Të dashur dëgjues, fjalët që sapo dëgjuat i tha Lin Dan, badmintonisti që radhitet aktualisht në vendin e parë në klasifikimin e badmintonistëve meshkuj si individ në botë. Fjalët e tij tregojnë edhe mendimin e përbashkët të shumë badmintonistëve. Në sistemin e kaluar të 15 pikëve për set, lojtari fitonte të drejtën e shërbimit nëse nuk e kishte , kur pupla e kthyer prej tij mbetej në fushën kundërshtare dhe, fitonte një pikë nëse lojtari ka të drejtën e shërbimit. Rregullë e tillë sillte ndryshimin e shpeshtë të të drejtës së shërbimit. Badmintonistët e nivelit të lartë zakonishit nuk e humbin toruan dhe e marrin veten nëpërmjet marrjes së të drejtës së shërbimit. Por në sistemin e ri të 21 pikëve për set hiqet konkurrimi për të drejtën e shërbimit, kështu çdo kalimi i puplës në fushën kundërshtare bëhet një mundësi reale për fitimin e pikës, kjo do të thotë se vetëm një gabim mund të sjellë humbjen e një pike, prandaj nuk e ka më mundësinë që lojtarët ta marrin vetën pas humbjes së pikëve.

Për badmintonistët kinezë që janë mësuar me sistemin e vjetër, ku gjendja e lojës ndryshon gradualisht dhe mund të kontrollohet, sistemi i ri i marrjes së pikëve mund të formohet një kërcënim. Xie Xingfang, që klasifikohet tani si badmintoniste nr.1 si individ në botë, tha se lojtarët si ajo, që kanë epërsi në teknikë, në të kaluarën mund t'i kontrollonin lirisht ritmet e ndeshjes, por në sistemin e 21 pikëve ajo duhet ta ndryshojë mënyrën e lojës.

"Me rregullat e tanishme, për mua, në ndeshje, bëhen gjithnjë e më të pakta elementet e përdorimit të taktikave."

Sipas Xie Xingfang-it, tani ajo nuk mund të kontrollojë duke e parashikuar një ndeshje dhe nuk mund të bëhet fjalë për lojtarë të fortë dhe të dobët dhe, si pasojë, shtohen edhe faktorët e pacaktuar. Në fakt, krijimi i pasigurisë është pikërisht një nga qëllimet e reformimit nga Federata Ndërkombëtare e Badmintonit. Trajneri i përgjithshëm i ekipit kinez të badmintonit, Li Yongbo vuri në dukje karakteristikat e rregullave të reja.

"Sistemi i ri me 21 pikë do t'u japë raste ekipeve dhe lojtarëve që nuk konsiderohen të mirë para ndeshjeve dhe ndoshta do të ketë më shumë të papritura. Mendoj se karakteristika tërheqëse e sistemit të ri vjen nga befasia. Ndoshta rezultati i papritur i ndeshjes do të kënaqë shikuesit. Mund të shohim se sistemi i 21 pikëve e bën badmintonin të zhvillohet drejt një prirjeje si futbolli, d.m.th. nuk mund të parashikohet rezultati."

Krahas kësaj, fitimi i pikës në çdo kalim puple është në mirë të pakësimit të kohës së ndeshjes. Në të kaluarën në qoftë se asnjë palë e ndeshjes nuk fitonte radhazi dy kalime të puplës, e drejta e shërbimit ndryshonte pa fund dhe, si pasojë, një ndeshje mund të zgjaste për 3 a 4 orë, deri sa të lodheshin lojtarët apo shikuesit. Li Yongbo mendon se për zhvillimin e mëtejshëm të sportit të badmintonit, ndeshjet duhet të marrin parasysh dëshirat e shikuesve. Ai tha: 

"Reformimi nga Federata Ndërkombëtare e Badmintonit është jo vetëm sistemi me 21 pikë, ai është edhe në të mirë të zhvillimit të badmintonit dhe u jep shikuesve më shumë gëzim, prandaj mendoj se të gjithë njerëzit që merren me badmintonin duhet ta përkrahin këtë reformim."

Sigurisht, sistemi i 21 pikëve u ka sjellë tema të reja ekipeve të ndryshme dhe shtimi i faktorëve të papritur do të ndikojë në rezultatin e disa ekipeve të fuqishme. Trajneri i përgjithshëm i ekipit kinez, Li Yongbo është i mendimit se pavarësisht nga ndryshimi i sistemit të pikëve, fitorja e një ndeshjeje në badminton lidhet kryesisht me faktin se sa të fuqishëm dhe rezultativë janë lojtarët. Rregullat e reja ndoshta do të shkaktojnë rastësisht disa befasi, por suksesi i vazhdueshëm duhet të mbështetet te potenciali i fortë. Për këtë ekipi kinez e ka të qartë dhe do të vazhdojë përpjekje në këtë drejtim. (Wang Lei)