"Ngrihet në qiell një ylber i bukur, sikur të ishte një urë e artë, do të ikja nga male të larta për të parë botën e jashtme." Kjo këngë e stilit tibetian me ritme lirike pasqyron rrugën e zemrës të një vajze tibetiane që ka ardhur nga malet e larta.

Solangvangm ka lindur në një fshat të humbur malor, në veri të Tibetit, prindërit e saj janë blegtorë. Që kur ishte e vogël ajo këndonte në male të larta disa mijëra metra mbi nivelin e detit. Në vitin 1991, ajo u pranua në grupin artistik të distriktit dhe në vitin 1992 fitoi çmimin e 2-të në festivalin kombëtar të këngëve popullore, duke filluar kështu karierën e saj artistike. Në mbrëmjen artistike të televizionit tibetian të vitit 2002 kënga "Vendlindja e artë" e kënduar nga Solangvangm u prit ngrohtësisht nga spektatorët.

Kjo këngë me ritme të bukura dhe me ndjenja modeste pasqyron dashurinë e njerëzve për nënën dhe vendlindjen.

Në këngë thuhet: "Vendlindja e artë është vendlindja ime e dashur, ku ka male të blerta dhe ujë të kulluar, atje janë tempujt më të bukur dhe më të shenjtë, vendlindja ka nëna të dashura dhe vajza të bukura."

Në vitin 2002 ajo u pranua në Institutin Artistik të Ushtrisë Popullore Çlirimtare Kineze dhe në vitin 2006 ajo vuri në qarkullim albumin e parë me titull "Këngë brimore". Më poshtë ju ftoj të dëgjoni këngën "Vajza më e bukur" të këtij albumi.

Kënga e kënduar nga Solangvangm "Ka rënë bora" është një këngë dashurie, e cila pasqyron shpresën dhe dëshpërimin e njerëzve për dashurinë.

Në fund të programit ju ftoj të dëgjoni këngën me titull: "Rafshnalta Qinhai-Tibet".

 ( Pina )