Sivjet Kina do të investojë 4 miliardë yuanë për të garantuar sigurimin e ujit të pijshëm për 20 milionë fshatarë

Sipas njoftimit të Agjencisë Kineze të Lajmeve Hsinhua, ditët e fundit, zv-ministri i Burimeve Ujore Jiao Yong vuri në dukje se sivjet qeveria qendrore do të investojë 4 miliardë yuanë për të garantuar sigurimin e ujit të pijshëm për 20 milionë fshatarë. Sipas planifikimit, gjatë periudhës së "Planit të 11-të 5 vjeçar", Kina do të zgjidhë problemin e sigurimit të ujit të pijshëm për 100 milionë fshatarë për të ngritur nivelin e jetesës dhe të shëndetit të fshatarëve.

Siç mësohet, gjatë 5 vjetëve nga viti 2000 Kina ka siguruar 22 miliardë yuanë për të zgjidhur problemin e ujit të pijshëm në fshatrat e rajonit perëndimor. Deri në fund të vitit 2004, Kina zgjidhi problemin e ujit të pijshëm për 56 milionë banorëve.

Në 3 mujorin e parë të këtij viti shifra e shitjes me pakicë e mijëra ndërmarrjeve kryesore të shitjes me pakicë është shtuar 14,5%

Sipas njoftimit të 6 majit të Agjencisë Kineze të Lajmeve Hsinhua, në bazë të hetimit të Ministrisë së Tregtisë, shifra e shitjes me pakicë në 3 mujorin e parë të këtij viti është 245,9 miliardë yuanë, duke u shtuar 14,5% në krahasim me vitin 2005.

Siç mësohet nga Drejtoria e Tregut pranë Ministrisë së Tregtisë, deri në fund të marsit, kishte 12 mijë 939 mapo pranë ndërmarrjeve të shitjes me pakicë, shifër kjo 15,5% më e lartë në krahasim me vitin 2005.

Në 3 mujorin e parë të këtij viti prodhimi i energjisë nga Kina është shtuar në mënyrë të qëndrueshme

Sipas njoftimeve të 7 majit të Agjencisë Kineze të Lajmeve Hsinhua, në 3 mujorin e parë të këtij viti prodhimi i qymyrgurit, i energjisë elektrike dhe i naftës është shtuar në mënyrë të qëndrueshme, duke u rritur përkatësisht 12%, 11,1% dhe 1,7%.

Korrespondenti njoftoi nga Drejtoria e Ekonomisë pranë Komitetit Shtetëror të Reformës dhe Hapjes se në 3 mujorin e parë të këtij viti prodhimi i qymyrgurit është 431 milionë tonë, prodhimi i energjisë elektrike është 606,8 miliardë kilovat, ndërsa prodhimi i naftës është 45,45 milionë tonë.

Sivjet do të shtohen ndërmarrjet e Kinës kontinentale që do të hyjnë në tregun e aksioneve të Hongkong-ut

Sipas lajmeve të 7 majit të Agjencisë Kineze të Lajmeve Hsinhua, më 6 maj në një simpozium të zhvilluar në Hongkong, zv-drejtorja e Drejtorisë së Bashkëpunimit Ndërkombëtar të Kontrollit të Aksioneve Han Ping u shpreh se deri në fund të prillit të këtij viti, ka gjithsej 129 ndërmarrje të Kinës kontinentale që kanë hyrë në tregun e aksioneve jashtë shtetit dhe 109 nga ato kanë hyrë në tregun e aksioneve të Hongkong-ut në formën e "aksioneve H". Të tjerat kanë hyrë në tregun e aksioneve të Nju Jorkut, të Londrës etj.

Siç mësohet, tani ka edhe 10 kompani të Kinës kontinentale që do të hyjnë sivjet në tregun e aksioneve të Honkong-ut, duke përfshirë Bankën e Kinës dhe Bankën Industriale-Tregtare të Kinës.

"Java e Artë"e Pekinit në festën e 1 Majit shënoi rekordin në mirëpritjen e vizitorëve

Sipas njoftimit të 7 majit të Agjencisë Kineze të Lajmeve Hsinhua, në bazë të statistikave të Zyrës së Festave të Pekinit, gajtë "Javës së Artë" në festën e 1 Majit Pekini ka mirëpritur 4,48 milionë vizitorë nga Kina kontinentale duke shënuar një rekord të ri. Gjatë kësaj feste, të ardhurat e përgjithshme të turizmit të Pekinit arritën në 3,92 miliardë yuanë, duke u shtuar 12,2% në krahasim me vitin 2005.

Më 20 maj do të mbarojë ndërtimi i digës së "3 grykave"

Sipas njoftimeve të 7 majit të Agjencisë së Kineze të Lajmeve Hsinhua, zv-menaxheri i përgjithshëm i kompanisë së zhvillimit të projektit të "3 grykave" të lumit Jangce u shpreh se më 20 maj do të mbarojë ndërtimi i digës së "3 grykave".

Gjatësia e digës së "3 grykave" është 2309 metra, ndërsa vëllimi i hedhjes së betonit është 16,1 milionë metra kubë. Kjo është diga prej betoni më e madhe në botë. (U Sen)