Gjatë festës së l Majit, ditës ndërkombëtare të punonjësve, kinezët kishin 7 ditë pushime që quhen "Java e artë". Për qytetin e Pekinit, "Java e artë e l Majit" ishte jo vetëm kohë shumë e mirë turistike, por edhe kohë e mirë për organizimin e aktiviteteve artistike dhe ekspozitave. Gjatë këtyre ditëve në disa pallate të mëdha të ekspozitave të Pekinit, u organizuan ekspozita të vendeve të ndryshme që tërhoqën gjithnjë e më shumë vizitorë.

Pallati i arteve figurative të Kinës që ndodhet në qendër të qytetit të Pekinit është i vetmi pallat i arteve figurative në rang vendi. Gjatë viteve kulturore të Francës nga viti 2003 deri në vitin 2004, gjatë 38 ditëve të zhvillimit të saj, "Ekspozita e pikturave të çmuara impresioniste të Francës" tërhoqi më se 250 mijë vizitorë. Edhe "Ekspozita e Francës Verore" që është konsideruar si mbyllja e viteve kulturore të Francës, krijoi një atmosferë të larmishme në verën e Pekinit. Tani, si një nga objektet kryesore të shkëmbimeve kulturore kino-franceze, në Pallatin e Arteve Figurative të Kinës po organizohet ekspozita seriale "Pranvera e Francës". Drejtori i këtij pallati Fan Dian tha : ..1..."Të gjithë e dinë se në fushën artistike Kina dhe Franca janë miq të ngushtë. Megjithëse përfunduan vitet kulturore kino-franceze që zgjatën 3 vjet, njerëzit, nga liderët deri në banorët e thjeshtë, kanë përsëri dëshirë për vazhdimin e shkëmbimeve. Sepse Kina dhe Franca janë vende të mëdha të artit me histori të lashtë dhe me thesare të pasure. Vitet kulturor ishin vetëm një nismë e shkëmbimeve kulturore.

Në ekspozitën seriale "Pranvera e Francës ", përfshihen ekspozita e objekteve të çmuara prej kristali të muzeut "Bakarat", ekspozita artistike e artistit të multimediave Aslain Fleischer dhe fotoekspozita e fotografit të madh me famë botërore Brasai.

Vizitori Hao Jingyong i tha korrespondentit:...2... "Kristali simbolizon një tipar të jetës së aristokratëve francezë. Vizitorët kinezë kësaj here panë jo vetëm objekte të kristalta, por edhe atmosferën e familjen perëndimore, duke u kënaqur me kulturën luksoze të Francës."

Edhe Muzeu shtetëror i Kinës që ndodhet në anë të sheshit "Tiananmen", qendra e qytetit të Pekinit, organizoi ekspozitën e "Objekteve të çmuara prej margaritari të inkasve dhe të stërgjyshërve të tyre". Civilizimi i inkasve me misteriozin e Perusë së Amerikës Jugore është i njohur në botë. Ata kanë një histori më se l6 mijë vjeçare.

Ekspozita e organizuar kësaj here në Pekin, është ekspozita më e madhe e organizuar nga Peruja në vendet aziatike. Për këtë ekspozitë, arkeologët peruanë kanë shkuar në krahinat e mbarë vendit për të zgjedhur eksponatet. Të 248 eksponatet e kësaj ekspozite janë që të gjitha objekte arkeologjike të shkallës së parë shtetëror të Perusë.

Drejtori i Muzeut Shtetërore të Perusë Alvaro Roca-Rey Miro Quesada tha: ...2...

"Kjo është një ekspozitë e posaçme që tregon historinë e lashtë të popullit peruan. Ne e kemi përgatitur këtë ekspozitë me entuziazmin më të madh dhe e organizuam atë në një vend shumë ideal siç është Muzeu Shtetëror i Kinës. Pas një vizite të shkurtër, banorët kinezë do të njohin historinë me se 5 mijë vjeçare të banorëve të lashtë peruanë. "

Zonja Chen Hongdi ka jetuar shumë vjet në Peru. Gjatë vizitës në këtë ekspozitë, ajo u intervistua nga korrespondenti i Radios së Jashtme të Kinës. Ajo tha: "Kjo ekspozitë është e vlefshme për ta vizituar. Megjithëse unë kam punuar shumë vjet në Peru, përsëri shumë gjëra nuk i kisha parë. Duke vizituar këtë ekspozitë, ndjeva një kënaqësi sepse m'u duk sikur u ktheva përsëri në Peru."

Edhe "Ekspozita e objekteve të çmuara të civilizimit botëror - koleksionet 250 vjeçare të muzeut të Britanisë së Madhe", e organizuar në Muzeun e ri Shoudu të Pekinit ishte gjithashtu një ekspozitë shumë tërheqëse ndër ekspozitat e organizuara në Pekin. 272 objekte të çmuara arkeologjike 250 vjeçare të Muzeut të Britanisë së Madhe u ekspozuan për herë të parë në Pekin. Këto objekte arkeologjike përfshijnë historinë e zhvillimit të njerëzimit nga 2 milionë vjet më parë deri në fund të shekullit të 20-të që janë koleksionuar nga vendet e Evropës, Azisë, Oqeanisë, Amerikës dhe Afrikës. Ato përfshijnë skulptura, piktura, margaritarë, sende të arta, të bronzta, të gurta dhe qeramike etj.

Ju flet Radio e Jashtme e Kinës, të dashur dëgjues, ju njohëm me një pjesë ekspozitash të rëndësishme të vendeve të huaja të organizuara në Pekin gjatë ditëve të festës së 1 Majit, ditës ndërkombëtare të punonjësve. ( Zhai)