Në nënrubrikën "Shkëmbime kulturore" do të dëgjoni disa vepra të interpretuara nga muzikantë kinezë në arenën ndërkombëtare.

Vitet e fundit, muzikantët kinezë kanë arritur rezultate të shkëlqyera në konkurset ndërkombëtare muzikore duke treguar talentin e tyre.

Në nënrubrikën "Shkëmbime Kulturore" do të dëgjoni një program me disa seri rreth veprave të interpretuara nga fituesit kinezë në konkurset ndërkombëtare muzikore.

Së pari do t'ju njohim me violinistin e njohur kinez Lv Siqing

Pjesa që po dëgjoni, "Hidhërimet e dashurisë" është nga vepra e violinistit dhe kompozitorit austrian Kresler, dhe interpretohet nga violinisti kinez Lv Siqing. Interpretimi plot ndjenja e fut dëgjuesin në kujtimet e bukura të së kaluarës.

Lv Siqing lindi në qytetin bregdetar Qindao të Kinës lindore. Ai filloi të mësonte violinën nga i ati qysh në moshën 4 vjec dhe u quajt si "fëmijë i talentuar në skenën muzikore ". Në vitin l981, Lv Siqing ll vjeçar u përzgjodh nga violinisti i njohur botëror Munuhin dhe u dërgua për studim në një konservator për fëmijët e talentuar në Angli, Në vitin l987, Lv Siqing mori pjesë në konkursin e 34-t ndërkombëtar të violinës "Paganini" dhe pas një konkurrimi të fortë, ai zuri vendin e parë duke u bërë i pari kinez që ka zënë vendin e parë në këtë konkurs.

Për të përparuar më shumë në fushën muzikore, tre vjet pas marrjes së çmimit "Paganini", Lv Siqing u pranua në konservatorin Manhatan të SHBA-së, ndërsa më pas vazhdoi studimet në konservatorin e njohur "Zhuilliard", ku mësonte me pedagogun e njohur botëror të violinës Delay. Me ndihmën e profesor Delayit, Lv Siqing si anëtar i përkohshëm i " Orkestrës simfonike festive" të SHBA-së, mori pjesë në Fetivalin muzikor ASBEN të SHBA-së të organizuar në vitin l992. Me potencialin e tij të madh dhe me mjeshtrinë e tij të lartë, Lv Siqing zuri vendin e vet në fushën e muzikës perëndimore.

Pjesa që po dëgjoni është " Himni i San-Marinos" i përpunuar në bazë të këngës korale të kompozitorit austriak Shubert.....

Tani tingujt e melodive të interpretuar nga violinisti Lv Siqing janë përhapur në të katër anët e botës. Ai ka bashkëpunuar edhe me Orkestrën filarmonike mbretërore të Anglisë dhe Orkestrën filarmonike të Rusisë si dhe orkestra të tjera të njohura botërore.

Në fund të këtij emisioni, ju ftojmë të dëgjoni një pjesë nga " Humoreskja" e kompozitorit çek Dvorak, interpretuar nga violinisti i njohur Lv Siqing. ( Zhai)