dëgjoni

Populli kinez ka treguar gjithnjë e më shumë vëmendje për organizimin e Lojërave Olimpike të vitit 2008 në Pekin.

Qeveria kineze ka premtuar që t'i organizojë Lojërat Olimpike të vitit 2008 të Pekinit si Lojëra Olimpike me karakteristika të veçanta dhe me nivel të lartë. Duke folur për karakteristikat e veçanta, nënkryetari ekzekutiv i komitetit organizator të Lojërave Olimpike të Pekinit Jiang Xiaoyu tha:

"Këto karakteristika mishërohen në 4 drejtime, si veçantia kineze, shpirti humanitar, fryma bashkëkohore dhe pjesëmarrja masive.

Ndër këto 4 karakteristika, "veçantia kineze" është më kryesorja, sepse Lojërat Olimpike të Pekinit do të jetë një rast i rrallë i shkëmbimeve midis Olimpiadës me burim nga qytetërimi perëndimor dhe kulturës kineze, që përfaqëson qytetërimin lindor.

"Veçantia kineze do të thotë që në organizimin e Lojërave Olimpike, të pasqyrohen veçoritë kultorore të kombit kinez, duke u shfaqur historia e lashtë, kultura e shkëlqyeshme si dhe fryma shpirtërore të publikut bashkëkohor kinez, me qëllim që bota ta njohë popullin kinez në mënyrë të gjithanshme."

Thelbi i Olimpiadës është "njeriu". Z. Jiang Xiaoyu tha se në këtë drejtim nuk përjashtohen edhe Lojërat Olimpike të Pekinit, ku punët do të zhvillohen duke i marrë sportistët si qendër dhe si pikënisje. Ky është thelbi i "humanizmit".

Koncepti "Frymë bashkëkohore" u kërkon Lojërave Olimpike të Pekinit të mishërojnë nivelin e zhvillimit tekniko-shkencor të shekullit të 21-të, në mënyrë që në kohën e ndjekjes së shfaqjeve sportive të nivelit më të lartë, njerëzit të gëzojnë edhe rezultatet tekniko-shkencore të qytetërimit modern.

Edhe "pjesëmarrja masive" do të jetë një veçori e Lojërave Olimpike të Pekinit. Pa përkrahjet e 1 miliardë e 300 milionë kinezëve, Pekini nuk do të kishte mundësi të fitonte të drejtën e organizimit të Lojërave Olimpike 2008. Z. Jiang Xiaoyu tha se gjatë procesit të kërkimit nga Pekini të të drejtës së organizimit të Lojërave Olimpike 2008, një institucion i pavarur i anketimit, i ngarkuar nga Komiteti Olimpik Ndërkombëtar, bëri një anketë në Kinë dhe rezultoi se 96% e publikut të Kinës përkrahin organizimin në Pekin të Lojërave Olimpike të Pekinit dhe kjo shifër ishte më e larta e 5 qyteteve kandidatë.

"Komiteti Olimpik Ndërkombëtar e zgjodhi Pekinin si qytet organizator të Lojërave Olimpike të 29-ta ndoshta nga që mori parasysh edhe numrin e popullsisë kineze prej 1 miliard e 300 milionë banorësh, numër i cili do të ushtrojë ndikim epokal në përhapjen e Olimpiadës dhe zhvillimin e frymës olimpike."

Krahas "karakteristikave të veçanta", edhe "niveli i lartë" është një tjetër objektiv që Komiteti Organizativ i Lojërave Olimpike të Pekinit po përpiqet të realizojë dhe ky objektiv përfshin përmbajtje më të pasur.

"Niveli i lartë mishërohet në 8 drejtime, si pajisjet e stadiumeve dhe organizimi i garave, ceremonitë e hapjes dhe të mbylljes dhe aktivitetet kulturore, shërbimet e mediave, garantimi i sigurimit, shërbimet e vullnetarëve, komunikacioni dhe garantimi i prapavijës, pamja urbanistike si dhe rezultatet e lartë të sportistëve."

Jiang Xiaoyu tha se Lojërat Olimpike të Pekinit, "me karakteristika të veçanta dhe me nivel të lartë" do të jenë për Kinën dhe botën një trashëgimi të veçantë sportive. (Wang Lei)