dëgjoni

Distrikti Fengyang, që ndodhet në provincën Anhui të Kinës Lindore është një vend i njohur në Kinë, sepse atje është vendlindja e perandorit Zhu Yuanzhang, perandorit të parë të dinastisë Ming dhe reforma fshatare e Kinës qysh nga viti 1979 nisi pikërisht nga ky distrikt. Pak kohë më parë, një garë basketbolli për fshatarë e bëri këtë distrikt përsëri fokusin e arenës sportive.

Të dashur dëgjues, zërat e zjarrtë që sapo dëgjuat janë incizuar nga korrespondenti i radios sonë në ceremoninë e hapjes të Turneut Kombëtar të Basketbollit të Fshatarëve kinezë në Fengyang. Kjo garë është një pjesë përbërëse e garës "Basketbolli i hapur Kinez" (ose shkurtimisht sipas anglishtes CBO, Chinese Basketball Open), krijuar vitin e kaluar nga Shoqata e Basketbollit e Kinës për masat e gjera popullore. Të gjithë pjesëmarrësit e kësaj gare janë amatorë. Pavarësisht nga profesionet, moshat dhe sekset, kujtdo që i pëlqen lëvizja e basketbollit, mund të marrë pjesë në këtë garë. Me t'u vënë në funksion, kjo garë ka gjetur jehonë të zjarrtë në basketbolldashësit e qyteteve të ndryshme të Kinës. Turneu Kombëtar i Basketbollit i Fshatarëve në Fengyang ka tërhequr vëmendje të madhe, sepse kjo ishte hera e parë që Shoqata e Basketbollit e Kinës i zhvilloi këta ndeshje të garës CBO në fshat dhe të gjithë basketbollistët pjesëmarrës ishin fshatarë.

Nënkryetari i Shoqatës së Basketbollit të Kinës, Li Yuan Wei i tha korrespondentit të radios sonë se basketbolli preferohet shumë në Kinë. Tani CBA-ja (Shoqata Kineze e Basketbollit) bëhet garë më e suksesshme profesionist në Azi, por gjatë një kohe relativisht të gjatë, kanë qenë të rralla në Kinë garat amatore të basketbollit, me përhapjen kombëtare dhe me funksionim të qëndrueshëm. Shoqata e Baketbollit e Kinës e organizon CBO-në me qëllim që basketbolli të hyjë në qindra mijëra familje kineze dhe veçanërisht në fshat, që ta bëjë basketbollin pjesë përbërëse të jetesës së njerëzve. Z. Li Yuan Wei theksoi në veçanti se sipas një ankete zyrtare, Basketbolli dhe Pingpongu janë dy sportet që parapëlqehen nga fshatarët kinezë. Kostoja e ndërtimit të fushës së basketbollit është e ulët, prandaj basketbolli është shumë i përshtatshëm për t'u përhapur në fshatin kinez, që është relativisht i prapambetur në nivelin ekonomik. Çuarja në fshat e garës CBO do të jetë në favor të pasurimit të jetës shpirtërore të fshatarëve, por në të kaluarën Shoqata e Basketbollit e Kinës nuk pati punuar mjaft në këtë drejtim.

Gjatë intervistës në Turneun Kombëtar të Basketbollit të Fshatarëve në Fengyang, korrepondenti i radios sonë ndjeu nga afër parapëlqimin e fshatarëve vendorë për sportin e basketbollit. Më 17 prill, në Sheshin Gulou të distriktit Fengyang, afro 10 mijë njerëz panë ceremoninë e hapjes të kësaj gare, kurse një ndeshje e zhvilluar në fshatin Xiaogang të këtij distrikti u ndoq ga afro 1 mijë shikues fshatarë nga fshatrat përreth.

Edhe në lokalitetin Daying, që ndodhet jo larg distriktit Fengyang, sporti i basketbollit është përhapur shumë. Shefi i stacionit të kulturës të këtij lokaliteti, Zhang Silin i tha korrespondentit se ndeshjet e basketbollit shpenzojnë pak, por ata u interesojnë fshatarëve, prandaj ai është një nga sportet më të përshtatshme për t'u zhvilluar në fshat. Ai tha:

"Basketbolli është disiplinë e fortë sportive për ne. Çdo fshat ka një ekip amator të basketbollit dhe ka 40 a 50 njerëz që marrin pjesë shpesh në aktivitetet e basketbollit. Kështu në lokalitetin tonë, në 18 fshatra administrative ka gjithësej mbi 800 aktivistë të basketbollit. Ata luajnë basketboll shpesh nga ora 4 pasdite deri në orën 7 në mbrëmje. Njëkohësisht shumë njerëz kanë interes të madh të shikojnë basketboll, qoftë burra e gra dhe qoftë pleq e fëmijë. Po të ketë ndeshje basketbolli, ata do të vijnë të shikojnë pa tjetër, për të parë edhe sikur kjo të ndikojë në biznesin e tyre. Pra basketbolli ka një bazë shumë të mirë në lokalitetin tonë."

Në kohën e zhvillimit në Fengyang të Turneut të Basketbollit të Fshatarëve, u zhvillua edhe Finalja e përgjithshme e CBA-së. nënkryetari i Shoqatës së Basketbollit të Kinës, Li Yuan Wei hoqi dorë nga kjo e fundit dhe nguli këmbë të shikonte ndeshjet e basketbollit të fshatarëve në Fengyang. Duke parë entuziazmin e zjarrtë të fshatarëve vendës për ndeshjet, z. Li tha se në të ardhmen Shoqata e Basketbollit e Kinës do të organizojë më shumë gara të tilla të basketbollit për fshatarë, në mënyrë që sporti i basketbollit do të përhapet në Kinë.

"Në Kinë aktivitetet masive të basketbollit kanë bazë të thellë. Nga gara e basketbollit të fshatarëve në Fengyang del se masat popullore kanë entuziazëm të madh për pjesëmarrje në aktivitete të tilla. Ne shpresojmë se gara CBO do të hyjë në çdo kënd të shoqërisë kineze duke e bërë me të vërtetë basketbollin një sport të parapëlqyer nga i gjithë populli kinez. " (Wang Lei)