dëgjoni

Vitet e fundit, industria e kuturës është bërë një fokus i vëmendjes së popullit kinez. Sektorët e niveleve të ndryshme qeveritare i kanë kushtuar një rëndësi të madhe kësaj industrie dhe në mbarë Kinën, afro 2/3 e provincave filluan ta konsiderojnë industrinë e kulturës si një nga industritë e tyre kryesore.

Në një godinë të madhe më se l0 katëshe në qendër të qytetit Wuhan, kryeqendër të provincës Hubei, kompania e filmave vizatimore Jiangtong ka zënë tre kate të kësaj godine. Kjo kompani e krijuar në vitin 2000 është bërë kompania me potencialin më të madh të filmave vizatimore në Kinë dhe tani kjo kompani po prodhon filmat serialë vizatimorë televizivë " Djaloshi Jiansan".

Drejtori i përgjithshëm i kësaj kompanie Zhu Yougan tha :" Ne kemi marrë mënyrën e bashkimit të institucioneve kineze dhe të huaja. Të gjitha filmat e prodhuar prej nesh janë me projektime të përbashkëta të disa palëve, si të Institutit kinematografik të Pekinit, të Televizionit Qendror të Kinës dhe të shkrimtarëve për fëmijë të qytetit etj. Nga ana e potencialit, kompania jonë është në 5 vendet e para në Kinë.

Zhu Yougan tha se përveç krijimeve të pavarura, kompania e tij prodhon duke bashkëpunuar edhe me më se l0 vende e rajone të botës si filmat vizatimorë "Rosa në hapësirën kozmike" prodhuar së bashku me kompaninë jugkoreane Sunuo, " Familja e ndershme" prodhuar në bashkëpunim me kompaninë amerikane Hyperion Animation, " Ariu Benjamin" prodhuar në bashkëpunim me kompaninë italiane Amberud etj. Objektivi i kompanisë Jiangtong është të bëhet kompani e njohur në arenën ndërkombëtare.

Ashtu si drejtori Zhu Yougan, edhe grupi i revistës " Zhiyin" ka edhe disa liderë largpamës.

Revista " Zhiyin" është një nga revistat më të shitura në Kinë, përmbajtja e saj kryesore pasqyron jetën familjare e ndjenjat dhe miqësitë e njerëzve të thjeshtë. Tirazhi i saj mujor ka arritur në më se 6 milionë kopje. Në një intervistë me korrespondentin, zv-drejtori i përgjithshëm i grupit " Zhiyin" tha se krijimet e reja dhe zhvillimi i biznesit të shumëllojshëm është armë e fuqishme e zhvillimit të shpejtë të këtij grupi. Ata po bëjnë përpjekje që numri i tirazhit të kësaj reviste të arrijë në më se l0 milionë. Ai tha: "Për të kapërcyer vështirësitë gjatë zhvillimit, ne i kemi kushtuar një rëndësi strukturës së krijimeve të reja dhe zhvillojmë biznes të gjithanshëm, si në reklama, në qarkullim dhe në tipografi etj. Ne regjistruam edhe kompaninë e botimeve " Zhiyin" në Kanada dhe kemi arritur mendimin unanim me mediat përkatëse vendëse për bashkëpunim."

Z. Shen Haining është zv-drejtor i Drejtorisë së Kulturës të provincës Hubei. Ai tha se provinca Hubei po zhvillon reformën e sistemit të pronësisë duke e konsideruar tregun si orientim. Qeveria përgjigjet vetëm për administrimin makroskopik dhe kulturën publike, ndërmarrjet e kulturës do të administrohen dhe zhvillohen në mënyrë të pavarur.

Qeveria kineze ka parashtruar objektivin e ndërtimit të një vendi të tipit të ri, kjo do të thotë që ndërtimi do të bëhet jo vetëm në fushën tekniko-shkencore por edhe në fushën kulturore.

Drejtori i përgjithshëm i kompanisë Jiangtong z. Zhu Yougan tha : " Ndryshimet midis nesh dhe vendeve të huaja qëndrojnë kryesisht në krijimtari. Nga ana e cilësisë, nuk jemi prapa. Po filmat vizatimore janë bërë një zinxhir industrial në vende të tjera, kurse në vendin tonë, ky zinxhir është akoma në fazën fillestare".

Provinca Hubei ka burime të pasura kulturore që janë një thesar i madh për shfrytëzimin e zhvillimin e industrisë kulturore, pra industria e kulturës në provincën Hubei ka mundësi të zhvillohet me shpejtësi.(Zhai)