dëgjoni

Për banorët e qyteteve të mëdha të Kinës, si të Pekinit, Shangait etj, është një gjë shumë e lehtë të shkojnë të shtunave ose të dielave në një shfaqje të nivelit të lartë të trupave të huaja artistike në Kinë. Tani gjithnjë e më shumë artistë të huaj po ftohen për shfaqje në Kinë. Krahas këtyre, edhe gjithnjë e më shumë artistë kinezë e dërgojnë kulturën dhe artin e Kinës jashtë vendit.

Në nënrubrikën e sotme " Shkëmbime Kulturore " do t'ju flasim pikërisht për shkëmbimet kulturore të Kinës me botën e jashtme....1....

Muzika që po dëgjoni është nga shfaqja e trupës së baletit të Teatrit Shtetëror të Rusisë që u dha pak kohë më parë në "Festivalin kulturor të Rusisë" për spektatorët e Pekinit. Shfaqja e tyre e mrekullueshme mahnitin spektatorët e pranishëm.

Pekini si qendër kulturore e Kinës, organizon pothuajse çdo ditë më se dhjetë shfaqje të nivelit të lartë dhe ekspozita, ndër të cilat shumë janë të artistëve të huaj.

Tani, " Festivali Ndërkombëtar Muzikor i Pekinit " dhe " Aktivitetet e takimeve në Pekin " janë bërë festivale me ndikim ndërkombëtar. Vitin e kaluar, në "Festivalin Ndërkombëtar Muzikor të Pekinit" morën pjesë afro një mijë artistë të ardhur nga më se l0 vende të botës si nga Franca, Gjermania, Çekia, SHBA-ja etj. Ndër ta kishte artistë dhe trupa artistike të nivelit botëror, si violinistja Sarah Chang, pianisti Pogorelich, dirigjentët Sir Roger Norrington dhe Simon Ratle, si dhe Orkestra simfonike e Radios se Shtutgartit dhe Filarmonia e Berlinit. Më e pritur është opera " Unaza e Nibelungëve " e interpretuar nga Teatri Shtetëror i Nyrenbergut të Gjermanisë.

Përveç muzikës së bukur perëndimore, edhe shfaqjet artistike të dhëna nga artistët afrikanë dhe aziatikë kanë qenë të pranishme në skenat e Kinës. Vitin e kaluar, gjatë " Aktiviteteve të takimeve në Pekin ", Afrika ishte bërë një pjesëmarrëse kryesore. Artistët e ardhur nga më se l0 vende afrikane u demonstruan spektatorëve kinezë kulturën dhe artin e Afrikës. Sivjet Meksika do të jetë vendi kryesor pjesëmarrës në këto takime, ajo do të dërgojë më se l0 trupa artistike për të shpërfaqur në mënyrë të gjithanshme kulturën klasike me një forcë të madhe tërheqëse të Meksikës.

Krahas ardhjes së trupave artistike të vendeve të huaja për shfaqje në Kinë, edhe artistët kinezë po shkojnë njëri pas tjetrit në vende të ndryshme të botës, duke marrë me vete kulturën dhe artin e Kinës. Zv-drejtori për marrëdhëniet me jashtë i Ministrisë së Kulturës të Kinës z, Pu Tong tha se vitet e fundit, në shkëmbimet kulturore të Kinës me botën e jashtme vihet re një gjallëri e paparë. Kjo është e lidhur ngushtë me hapjen e Kinës dhe kërkesën e madhe për shkëmbime kulturore e artistike me botën e jashtme. Ai tha :"Ne do të dalim jashtë dhe do të kemi më shumë kontakte me botën e jashtme. Këto kontakte përfshijnë jo vetëm kontaktet politike e ekonomike, por edhe ato kulturore. Kontaktet kulturore janë kontaktet që shtojnë njohjen reciproke dhe i afrojnë ndjenjat e njerëzve. Ato do të bëjnë që hapja e vendit tonë ndaj botës së jashtme të mirëkuptohet dhe pranohet më shumë nga bota. Sepse kultura jonë është një kulturë e paqes. Shkëmbimet kulturore do t'i nxisin njerëzit të njohin mendësinë e kombit kinez dhe traditën e shquar kulturore të tij."

Shoqëria kulturore e Kinës me botën e jashtme është shoqëria më e madhe kineze që merret me aktivitetet e shkëmbimeve kulturore e artistike me botën e jashtme. 90% e shfaqjeve të artistëve kinezë dhe ekspozitave kineze jashtë vendit organizohen nga kjo kompani. Ato prekin të gjitha sferat e kulturës, si muzikën popullore, muzikën simfonike, baletin, pjesët tradicionale operistike, akrobacinë e cirkun kinez, pikturat dhe objektet arkeologjike të Kinës, artin bashkëkohor etj.

Duke folur për shkëmbimet kulturore të Kinës me botën e jashtme, drejtori i përgjithshëm i kësaj shoqërie zoti Zhang Yu tha : ..3.. " Nga qershori i vitit 2003 deri në fund të vitit të kaluar, gjatë dy vjetëve e 6 muajve, shoqëria jonë ka dërguar më se 210 trupa artistike për l3000 shfaqje në 51 vende e rajone të botës. Numri i spektatorëve të tyre ka arritur në l9 milionë."

Ndër aktivitetet e organizuara nga kjo shoqëri, dy janë më të njohurat, njëri ishin "vitet kulturore" të ndërsjella midis Kinës dhe Francës, gjatë të cilëve Baleti " Feneri i kuq i varur lart " i shfaqur nga trupa qendrore e baletit e Kinës në Francë dhe " Ekspozita e artit modern francez" e organizuar nga Qendra artistike "Pompidou" e Francës në Kinë gjetën jehonë të madhe. Aktiviteti tjetër ishte " Festivali kulturor i Kinës" i organizuar në Uashington të SHBA-së, i cili solli një entuziazëm të madh për Kinën në shtresat e larta të shoqërisë amerikane.

Pjesa që po dëgjoni është një muzikë simfonike e interpretuar nga filarmonia e Guanzhout e titulluar "Dashuria e fluturave për lulet", që ka tërhequr shumë muzikëdashës amerikanë, ku muzika simfonikësh të shkrirë me melodinë e muzikës popullore kineze.

Artdashësi amerikan z. Wallance i tha korrespondentit : " Muzikën e dëgjova, ka një stil të veçantë dhe më emocionoi shumë. Unë do të lexoj më shumë materiale përkatëse për të njohur më tej këtë muzikë dhe kompozitorët e saj. " ( Zhai)