Korrespondenti i Radios së Jashtme të Kinës njoftoi se nga 18 deri më 21 maj të këtij viti do të zhvillohet në qytetin Shenzhen të Kinës Panairi i dytë kulturor ndërkombëtar i Kinës. Parashikohet se në këtë panair do të marrin pjesë 26 qytete të SHBA-së, Francës, Gjermanisë, Italisë, Australisë etj.

Tema kryesore e këtij panairi është "Kultura kineze dhe e ardhmja e bukur". Ky panair ka për qëllim që ta çojë sektorin e kulturës kineze në botë. Gjatë panairit do të zhvillohen ekspozita, forumi, festivali, ceremonia e dhënies së çmimeve etj.

Panairi kulturor ndërkombëtar i Kinës u krijua në vitin 2004 nga Ministria e Kulturës, Drejtoria e Përgjithshme Shtetërore e Radio-Film-Televizionit dhe Zyra e Përgjithshme e Shtypit e Kinës. Panairi zhvillohet një herë në dy vjetë dhe është i vetmi panair i përgjithshëm shtetëror e ndërkombëtar në Kinë.

U botua në Kinë poema historike e Indisë "Mahabharata"

Gazeta kineze "Guangmingribao" njoftoi se më 19 prill, u botua në Kinë poema historike e Indisë "Mahabharata" në gjuhën kineze që është përkthyer për mbi 10 vjetë nga shumë njohës të gjuhë sanskrite. Kjo është një ngjarje tjetër e rëndësishme në historinë e shkëmbimeve kulturore midis Kinës dhe Indisë pas botimit në shekullin e kaluar të poemës "Ramayana".

"Mahabharata" dhe "Ramayana" janë dy poema kryesore historike të Indisë që u shkruan gjatë 800 vjetëve nga shekulli i 4-t para erës sonë deri në shekullin e 4-t. Në këto dy poema përfshihen shumë legjenda, fabula, njohuri fetare, filozofike, politike, ushtarake, juridike etj. prandaj njerëzit i quajnë si "poema enciklopedike".

Siç bëhet e ditur, poema "Mahabharata" e gjuhës kineze ka mbi 4 milionë fjalë dhe vlera të larta studimore.

Do të shfaqet në Pekin opera tibetiane "Princesha Wencheng"

Gazeta kineze "Rinia e Pekinit" njoftoi se në maj do të shfaqet në Pekin opera tibetiane "Princesha Wencheng". "Princesha Wencheng" do të jetë një operë e rëndësishme e "Stinës së 4-t ndërkombëtare të operave të Pekinit."

"Princesha Wencheng" bën fjalë për lidhjet e martesës midis princeshës së dianstisë Tang Wencheng dhe liderit të kombësisë Tubo Songzanganbu në shekullin e 7-të.

Opera tibetiane është një operë e posaçme në Tibet që lindi në shekullin e 8-të.

Do të shfaqet në Gjermani opera e Pekinit "Mei Lanfang"

Gazeta kineze "Xinjingbao" njoftoi se si një aktivitetet e shkëmbimeve kulturore të këtij viti në Berlin, më 26 e 27 prill do të shfaqet në Gjermani opera e Pekinit "Mei Lanfang".

Mei Lanfang është aktor i famshëm i operës së Pekinit i Kinës. Në fillim të shekullit të kaluar, ai i njohu shikuesit e huaj me artin e operës së Pekinit. Opera "Mei Lanfang" do të paraqesë kryesisht eksperiencën e Mei Lanfangut gjatë periudhës së Luftës së popullit kinez kundër agresorëve japonezë në vitet '30 e '40 të shekullit të kaluar. (Fani)