dëgjoni

Lojërat Olimpike Verore, si një garë komplekse e përmasave më të mëdha në arenën ndërkombëtare sportive, krahas qytetit kryesor organizativ, kanë nevojë edhe për bashkërendimin e qyteteve të tjera. Përsa u përket Lojërave të 29-ta Olimpike të vitit 2008, përveç Pekinit, edhe 6 qytete të tjera, si Shangai, Qingdao, Shenyang, Qinghuangdao, Tianjin dhe Hongkong janë qytete bashkërenduese të organizimit të garave olimpike. Për të njohur gjendjen e punëve përgatitore për Lojërat Olimpike në këto qytete, korrespondenti i radios sonë Lu Yi shkoi posaçërisht për intervistë në qytetin e Shangait.

Shangai, që ndodhet në lindje të Kinës, do të organizojë një pjesë të ndeshjeve të futbollit të Lojërave të 29-ta Olimpike. Sipas rendit të ditës, nga 6 deri në 15 gusht 2008, ky qytet do të përgjigjet për 9 ndeshje të futbollit të fazës së parë, duke përfshirë këtu 6 ndeshje për meshkuj dhe 3 ndeshje për femra.

Bashkia e Qytetit të Shangait i ka kushtuar rëndësi të madhe bashkërendimit me Pekinin për Lojërat Olimpike 2008 dhe po zhvillon aktivisht punë të ndryshme përgatitore sipas kërkesave të Komitetit Organizativ të Lojërave Olimpike të Pekinit. Zv/drejtori i Drejtorisë së Sportit të Shangait, Qiu Weichang tha:

"Megjithëse Shangai do të organizojë vetëm ndeshjet e fazës së parë, d.m.th. ndeshjet eliminatore, do të përpiqemi të arrijmë nivelin e parë."

Shangai i zhvillon punët përgatitore duke u nisur nga koncepti "U shërbejë Lojërave Olimipke të Pekinit". Krahas përgatitjes së punonjësve, me kërkesën e Komitetit Organizativ të Lojërave Olimpike të Pekinit, Shangai ka bërë edhe propagandë për etikë qytetarie në mes të qytetarëve dhe të tifozëve.

Në fakt Shangai ka epërsi të madhe ndër qytetet e tjera kineze në përvojën e organizimit të garave të ndryshme. Sipas të dhënave statistikore jo të plota, nga viti 2000 e deri më sot, Shangai ka organizuar afro 320 ndeshje kineze të futbollit si dhe mbi 70 ndeshje ndërkombëtare të futbollit. Vitet e fundit, në këtë qytet janë zhvilluar edhe shumë gara të tjera botërore të nivelit të lartë, si Çmimi i Madh i Kinës për Formula Një, Finalja e Përgjithshme e Tenisit për Kupën Mastër, Çmimi i Madh i Artë i Shoqatës Ndërkombëtare të Atletikës, etj. Të gjitha këto eksperienca i ka dhënë Shangait vetëbesim të plotë përpara garave supreme botërore. Vitin e ardhshëm Shangai do të organizojë edhe Kupën Botërore të Futbollit për Femra, gjë që pa dyshim do t'i japë Shangait tjetër rast të parapërgatitjes për ndeshjet olimpike të futbollit.

Sipas planifikimit, ndeshjet e futbollit të Lojërave Olimpike 2008 në Shangai do të zhvillohen në Stadiumin e Shangait. Ky stadium, i ndërtuar në vitin 1997, është stadiumi më i madh kompleks në këtë qytet dhe ka një kapacitet prej 80 mijë vetash. Mësohet se sipas kritereve të Lojërave Olimpike, pjesa e pajisjeve në këtë stadium ka nevojë për transformim. Përgjegjësi i Stadiumit të Shangait, Hu Shenqi tha:

"P.sh. pajisjet e telekomunikacionit do të transformohen për të plotësuar kërkesat e transmetimeve globale dhe për të krijuar lehtësi për shikuesit. Transformimi më i rëndësishëm ka të bëjë me forcimin e rritjes dhe të mbrojtjes së barit të fushës, në mënyrë që fusha të jetë në gjendje të durojë ndeshje të shumta brenda një kohe të shkurtër. Pas transformimeve të nevojshme, Stadiumi i Shangait do t'i arrijë plotësisht, bile do t'i kalojë kërkesat e Lojërave Olimpike për fushën e futbollit."

Gjatë intervistës në Shangai, korrespondenti jonë mësoi se krahas kujdesjeve të madhe të bashkisë së qytetit, edhe banorë të thjeshtë të Shangait tregohen të ngacmuar për zhvillimit të pjesës së ndeshjeve të futbollit në Shangai. Shumë prej tyre shprehën dëshirën që të bëhen vullnetarë në Shangai të Lojërave Olimpike 2008. Studenti i Universitetit të Edukimit Fizik të Shangait, Gu Tao tha:

"Lojërat Olimpike janë një ngjarje madhështore dhe futbolli është një sport që tërheq shumë vëmendje, pra jam shumë i gëzuar që pjesa e ndeshjeve olimpike të futbollit do të zhvillohet në Shangai. Në vitin 2008 do të jem ende në universitet. Shpresoj që atëherë të kem rast të bëhem vullnetar olimpik, për t'u shërbyer sportistëve dhe për t'u dhënë forcën time Lojërave Olimpike."(Wang Lei)