Dëgjoni 

Të dashur lexues, melodia që po dëgjoni titullohet "Nocturnes---Vepra Nr.1". Kjo është një vepër e njohur e kompozitorit polak Shopenit. Nëpërmjet interpretimit të regjur të pianistit, dëgjuesit mund të ndiejnë plotësisht karakteristikat e muzikës së Shopenit--- Topi pas luleve, d.m.th fuqia e madhe shfaqet nëpërmjet ritmeve të buta.

Li Yundi ka lindur në vitin 1982 në qytetin Chong Qing të Kinës jugperëndimore. Kur ishte 4 vjeç, Yundi i vogël filloi të mësojë t'i bjerë fizarmonikës. Ndërsa pas tre vjetëve, në moshën 7-vjeçare, kur filloi të merrej me piano, talenti i tij u shfaq më në fund plotësisht dhe mjeshtria e interpretimit u zhvillua që nga ajo kohë me një ritëm të mahnitshëm.

Në vitin 2000, në Konkursin e 14-të Ndërkombëtar të Pianos "Shopen" të organizuar në Poloni, Li Yundi, 18 vjeç, fitoi zemrat e të gjithë anëtarëve të jurisë e të spektatorëve, duke marrë çmimin e artë të këtij konkursi, i cili nuk i ishte dhënë askujt për 15 vjet rresht. Ai u bë fituesi më i ri i këtij çmimi gjatë historisë mbi 70-vjeçare të konkursit dhe i pari kinez që ka zënë vendin e parë në këtë konkurs. Sukseset e Li Yundi-së në Poloni patën jehonë të madhe në qarqet muzikore brenda e jashtë vendit. Komentatori i posaçëm z. Jan Popis tha se "Me interpretimin e tij të mrekullueshëm, Li Yundi vërtetoi se ai është pianisti më i mirë në zotërimin e stilit të interpretimit të Shopenit." Spektatorët polakë thanë të mallëngjyer se "Ja, u kthye Shopeni!"

Të dashur lexues, tani le të shijojmë së bashku melodinë e Shopenit "Melodia e Ushtrimeve, A minore, Nr. 2" të interpretuar nga Li Yundi.

Dëgjoni 

Pas Konkursit të 14-të Ndërkombëtar të Pianos "Shopen", Li Yundi organizoi me ftesë koncerte të vetat solo në vende të ndryshme dhe ka bashkëpunuar me shumë orkestra dhe dirigjentë të njohur botërorë të Azisë, Evropës dhe të Amerikës veriore. Në vitin 2001, ai nënshkroi një kontratë me kompaninë gjermane të disqeve "Deutsche Grammophcn" pranë grupit më të madh muzikor botëror "Universal Music Group". Gjatë historisë mbi 100-vjeçare të këtij organi muzikor, Li është i pari pianist kinez që ka nënshkruar kontratë me të. Deri tani, z. Li ka nxjerrë në qarkullim disa CD (albume) të shitura në mbarë botën.

Të dashur lexues, në fund të rubrikës së sotme, le të dëgjojmë melodinë e Listit "Liebestraum Nr.3" të interpretuar nga Li Yundi, me të cilin, Liu i ri, 17 vjeç, zuri vendin e tretë në kategorinë e të rriturve në Konkursin Ndërkombëtar "List" të organizuar në vitin 1999.

Dëgjoni

(Çan Yean)