dëgjoni

Ditët e fundit u mbyll në Shangai të Kinës Kampionati i 8-të Botëror i Notit në Pishinë të Shkurtër (25 metra). Në këtë kampionat ekipi kinez "korri" mjaft në medalje të arta, gjë që pa dyshim përbën një sihariq për ekipin e notit të Kinës, i cili synon të ketë sukses në Lojërat Olimpike të Pekinit.

Noti është një sport me shumë medalje ari në Lojërat Olimpike, por vitet e fundit, notarët kinezë nuk kanë pasur rezultate të mira në këtë fushë. Në Lojërat Olimpike të Athinës 2004, notarët kinezë fituan vetëm 1 medalje ari dhe një argjendi. Në Kampionatin Botëror të Notit 2005, ekipi kinez pati edhe më pak sukses dhe fitoi vetëm 1 medalje argjendi dhe 4 bronzi. Por në Kampionatin e 8-të Botëror të Notit në Pishinë të Shkurtër, Kina fitoi 5 medalje të arta, 1 të argjendtë dhe 6 të bronzta, duke arritur kështu. Ky rezultat i mirë i shton ekipit të notit të Kinës shpresën për të pasur përparime të dukshme të Lojërat Olimpike të Pekinit në vitin 2008.

Gjatë këtij kampionati, notarja veterane Qi Hui fitoi 3 medalje ari përkatësisht në stilin e përzier si individ për femra 200 metra dhe 400 metra dhe në stilin bretkosë për femra 200 metra, duke u bërë një nga yjet më të shquara në këtë kampionat. Duke bërë parashikime për Lojërat Olimpike të Pekinit, Qi Hui tha:

"Si sportiste veterane, kam dëmtime relativisht të shumta, prandaj në dy vjetët e ardhshme do të kujdesem në veçanti për shëndetin. Do të përpiqem që në një nga këto 3 disiplina të kem paraqitje më të mirë në vitin 2008. "

Krahas veteranes Qi Hui, në ekipin e notit të Kinës është shfaqur edhe një kontingjent të rinjsh të mirë. Në këtë kampionat në pishinë të shkurtër, ekipi kinez kishte 43 notarë dhe mbi gjysma e tyre ishin të rinj. Megjithëse këta të rinj, që merrnin pjesë për herë të parë në një garë botërore, nuk fituan medalje, ata shfaqën potencial të madh dhe u vlerësuan pozitivisht nga personalitetet e qarqeve ndërkombëtare të notit. Wang Qun në stilin bretkosë, Zhang Xin në stilin e përzier, Tan Miao në stilin e lirë në distancë të gjatë do të jenë shpresa e notit kinez në vitin 2008.

Trajneri i ekipit të notit të Kinës, Tao Rong tha se gjatë vitit të fundit, një kontingjent i të rinjve, të përfaqësuar nga Wang Qun, ka pasur përparime të vrullshme dhe kjo tregon se noti i Kinës ka trashëgimtarë në disa disiplina. Por nga ana tjetër, megjithëse Lojërat Olimpike të Pekinit po afrohen, ai nuk mund t'i trajtojë këta të rinj në mënyrë të nxituar, përndryshe do të ketë rezultat të kundërt.

"Ne do të përcaktojmë objektivin sipas përparimeve në të ardhmen, por nuk mund të përcaktohet një objektiv tepër i lartë, qoftë edhe për Lojërat Olimpike 2008, me qenë se ata prapëseprapë do të jenë të rinj. Një ngritje e qëndrueshme mjafton."

Prej shumë vjetësh në notin kinez është ruajtur e njëjta gjendje, që "femrat kanë pasur gjithmonë rezultate më të mira se meshkujt". Qysh nga viti 1996, kur notari kinez Jiang Cheng-ji u radhit në vendin e 4-t në stilin e lirë 50 metra për meshkuj në Lojërat Olimpike të Atlantës, notarët kinezë nuk ka arritur ndonjë rezultat më të mirë në Olimpiadë.

Por në këtë kampionat, notarët kinezë shfaqën një prirje të ngritjes së përgjithshme: Wu Peng, ndonëse i lënduar, fitoi medalje ari në stilin flutur 200 metra për meshkuj dhe theu rekordin e këtij kampionati. Kjo ishte gjithashtu e para medalje ari e një notari kinez në garat botërore gjatë afro 10 vjetëve. Notari tjetër kinez Zhang Lin fitoi medaljen e bronztë në stilin e lirë 1500 metra dhe kjo ishte gjithashtu medalja e parë e një notari kinez në disiplinat e distancave të gjata në garat botërore. Përveç këtyre, Ouyang Kunpeng në notin shpinë, Zhao Tao në stilin e përzier dhe Xie Zhi në notin bretkosë shfaqën prirje ngritjeje në disiplinat për meshkuj. Përparimet e sportistëve meshkuj kinezë u dhanë atyre shpresë për fitimin e medaljeve në Lojërat Olimpike të Pekinit. Wu Peng tha:  ????

"Objektivi im afatgjatë është medalja në Lojërat Olimpike të Pekinit. Rezultati më i mirë i notarëve meshkuj kinezë në Lojërat Olimpike është vendi i 4-t, prandaj jemi gati të sulmojmë për medalje olimpike."

Trajneri i ri përgjithshëm i ekipit të notit të Kinës, Zhang Yadong u shpreh i kënaqur për shfaqjet e notarëve kinez në këtë kampionat. Ai është i mendimit se nga analiza e paraqitjes së notarëve kinezë në Lojërat e kaluara Olimpike del se nervozizmi dhe mungesa e vetëbesimit ishin e meta e tyre e përbashkët. Pikërisht për këtë arsye, disa notarë kinezë me potencial humbën rastet për të fituar medalje. Por në këtë kampionat, në ekipin kinez, si veteranët , ashtu edhe të rinjtë, treguan vetëbesim të fortë. Zhang Yadong është i mendimit se kjo është arritja më e madhe e ekipit kinez të notit në këtë garë. Ai tha:

"Përsa i përket garës, mendoj se meriton të vlerësohet forcimi i vetbesimit të përgjithshëm. Megjithëse kemi një farë distance me notarët evropianë e amerikanë, po të kemi vetëbesim dhe të përpiqemi pa epur, besoj se do të kemi rezultat të mirë pas dy vjetëve."

5 medalje ari, 1 argjendi dhe 6 bronzi janë rezultati më i mirë i ekipit të notit të Kinës pas pjesëmarrjes në Kampionatin Botëror të Notit në Pishinë të Shkurtër. Ky rezultat i shton jo vetëm vetbesimin e notarëve kinezë për fitimin e medaljeve në Lojërat Olimpike të Pekinit, por tërhoqi vëmendje të personaliteteve profesionale të qarqeve ndërkombëtare të notit. Kryetari i Shoqatës Ndërkombëtare të Notit, Mustafa larfai vlerësoi kështu:

"Besoj se notarët kinezë do të kenë rezultat të kënaqshëm në Lojërat Olimpike të Pekinit, sepse ata zotërojnë potencial dhe vendosmëri për fitore në vendin e tyre."(Wang Lei)