dëgjoni

Më 11 prill, duke iu përgjigjur pyetjeve të korrespondentit të Agjencisë Kineze të Lajmeve Hsinhua, drejtori i Drejtorisë së Çështjeve të Honkongut dhe të Makaos pranë Ministrisë së Tregtisë të Kinës, Tang Wei vuri në dukje se me përpjekjet e përbashkëta të bashkatdhetarëve të dy brigjeve të ngushticës së Tajvanit, shkëmbimi dhe bashkëpunimi bujqësor janë zhvilluar shpejt. Fushat e bashkëpunimit janë zgjeruar vazhdimisht dhe niveli i bashkëpunimit është nxitur dita ditës.

Deri në fund të vitit 2005, kishte më shumë se 5000 ndërmarrje tajvaneze që kanë investuar në krahinat e brendshme të Kinës me fonde të përdorura prej afro 4 miliardë dollarë amerikanë.

Tang Wei vuri në dukje se investimet tajvaneze në bujqësi kanë sjellë përfitime reciproke për të dy brigjet e ngushticës së Tajvanit. Ndërmarrjet bujqësore me investime tajvaneze kanë kombinuar burimet natyrore të bollshme dhe epërsinë e krahëve të punës në krahinat e brendshme me epërsinë e llojeve, të teknologjisë, të fondeve dhe të shitjes të Tajvanit, duke marrë hapësirë zhvillimi të gjerë dhe fitime të shumta.

Ndërkohë, ndërmarrjet bujqësore me investime tajvaneze kanë efekt rrezatues për ekonominë dhe efekt rregullues për strukturën e industrisë bujqësore në krahinat e brendshme, duke luajtur një rol të rëndësishëm në zhvillimin e ri në fshat. Ato kanë marrë disa produkte bujqësore të mira nga Tajvani dhe kanë krijuar një kontingjent bazash prodhimi për të përgatitur një kontingjent teknikësh profesionistë.

Kjo ka luajtur një rol të rëndësishëm në zhvillimin e ekonomisë bujqësore vendore dhe ka ndryshuar mendimin tradicional të fshatarëve vendës për prodhimin dhe biznesin, duke shpejtuar shndërrimin e krahinave të brendshme nga bujqësia tradicionale në bujqësi.

Tang Wei u shpreh se dy brigjet e ngushticës së Tajvanit kanë situatë gjeologjike dhe bujqësore të ngjashme. Nga vitet '80 të shekullit 20, qarqet bujqësore të të dyja brigjeve të ngushticës së Tajvanit filluan të ndjekin rrymën e zhvillimit të botës, duke kërkuar vazhdimisht rrugët e bashkëpunimit dhe të shkëmbimit.

Në vitin 1997, shkëmbimi dhe bashkëpunimi në fushën e bujqësisë i të dyja brigjeve të ngushticës së Tajvanit u fut në një fazë të re. U krijuan përkatësisht disa "Rajone eksperimentale të bashkëpunimit bujqësor të dy brigjeve të ngushticës së Tajvanit" në Zhang Zhou e Fu Zhou të provincës Fu Jian, në provincën Hai Nan, në Ping Du të provincës Shan Dong, në disa rajone të provincës Hei Longjiang dhe në Yang Ling të provincës Shen Xi.

Shkëmbimi bujqësor i të dyja brigjeve të ngushticës të Tajvanit është zgjeruar në fushën e peshkimit, të blegtorisë, në prodhimin e produkteve bujqësore etj. Në mars të vitit 2005, kryetari i shtetit i Kinës, Hu Jintao bëri të ditur në 4 propozimet lidhur me zhvillimin e marrëdhënieve të dy brigjeve të ngushticës së Tajvanit në situatën e re se: "Shitja e produkteve bujqësore në krahinat e brendshme është e lidhur me interesat e banorëve të Tajvanit."

Më 1 gusht të vitit 2005, u deklarua miratimi i hyrjes së 18 llojeve të frutave të Tajvanit në krahinat e brendshme. Gjithashtu, u ofrohen produkteve bujqësore masa të volitshme në karantinë etj.

Tang Wei tregon se tani bashkëpunimi bujqësor i dy brigjeve të ngushticës së Tajvanit kryesisht zhvillohet në rajonin bregdetar, sidomos në provincat Fu Jian, Hai Nan dhe Shan Dong. Ky bashkëpunim është i përqendruar në fushat e mbjelljes së frutave, të luleve, në prodhimin e produkteve bujqësore etj.

Tang Wei theksoi se në planin e 11-të 5 vjeçar propozohet krijimi i fshatrave të reja socialiste, i cili ofron shumë shanse të mira për tregtarët tajvanezë. Ai u shpreh se i mirëpresim me entuziazëm miqtë e sektorit bujqësor të Tajvanit të zhvillojnë biznes në krahinat e brendshme dhe të shtojnë investimet e tyre në fushën e bujqësisë. Do të përpiqemi t'u sigurojmë fshatarëve tajvanezë shërbime në investim dhe në jetesë, duke garantuar interesat e ligjshëm të tyre. (U Sen)